الموضوع: أحياناً الديمقراطية مابتنفعش

المشاركة الأصلية كتبت بواسطة a.saad

مفيش علاقة
القانون ممكن ان يطبق بغض النظر عن انك يمقراطى ولا ديكتاتور
السعودية مفيهاش ديمقراطية
لكن فيها سيادة للقانون

سؤال جانبي ... هل القانون مطبق على الأسرة الحاكمة ... آل سعود.

ايه يا جماعة .. الغرب المنافق كان بيدعم الديكتاتوريات بحجة اننا غير مستعدين للديمقراطية ... لأن الديمقراطية سوف تأتي بالاسلاميين.
وده طبعاً قمة النفاق ... نحن لا نستحق الديمقراطية من وجهة نظرهم لأننا سنأتي بمن لا يعجبهم.

مش عايزين نعمل زيهم ... ونقول على شعبنا جاهل وغير واعي سياسياً.
لأن الديكتاتورية مش الحل ... ولأننا لازم نبتدي ونتعلم.

وللعلم ... الديمقراطيات في معظم دول العالم قائمة على تضليل الناس وتشكيل الرأي العام بطرق ملتوية.

الناخب الأمريكي بيتضحك عليه بأكاذيب لا حصر لها.
وللعلم، الأمريكي جاهل ومُضلل
صوت للجمهوريين لأن المكسيكيين هيغرقوا البلد وياخدوا شغلك
صوت للجمهوريين لأن الديمقراطيين هيرفعوا الضرايب (مع ان المواطن الأمريكي بيدفع أضعاف الضرائب عشان يحصل على خدمات زي الصحة من شركات خاصة)
صوت للجمهوريين لأن الديمقراطيين هيفرضوا رقابة على الشركات وبالتالي هيضروا الاقتصاد (مع ان رقابة الشركات بتحمي الموظفيين والمستهلكين من جشع رأس المال).

هي الديمقراطية كده ... كدب في كدب ... نخبة بتتحكم في عقول العامة.
بس أحسن من الديكتاتورية ... وبتضمن تداول السلطة وبتقلل الفساد.

المشاركة الأصلية كتبت بواسطة abou_ruqi

انت جاوبت على سؤال انا ما سألتهوش خالص ؟

انا سألتك فين دولة اعطت الأقلية الحق بأن يحكموا بما يعتقدون ؟

الديمقراطية فيها آليات لمعالجة كافة المشاكل من الكونفدرالية للدولة المركزية ،،

حاجة زي الكونفدرالية دي كانت ممكن تمنع تقسيم السودان ،،

عموما أنا عارف أنتا عايز تقارن أيه بايه ،، من نص السؤال ،،

بس أنتا كده بتسأل القطر اسرع و لا النخلة أطول ،،

الديمقراطية عكسها الديكتاتورية

و ليس عكسها الشريعة الإسلامية

المشاركة الأصلية كتبت بواسطة ahmed anwer

الديمقراطية فيها آليات لمعالجة كافة المشاكل من الكونفدرالية للدولة المركزية ،،

حاجة زي الكونفدرالية دي كانت ممكن تمنع تقسيم السودان ،،

عموما أنا عارف أنتا عايز تقارن أيه بايه ،، من نص السؤال ،،

بس أنتا كده بتسأل القطر اسرع و لا النخلة أطول ،،

الديمقراطية عكسها الديكتاتورية

و ليس عكسها الشريعة الإسلامية

للمرة الثانية انت ما جوبتش على سؤالي , لذا سأعتبر الإجابة (لا يوجد)
أي أنه الديموقراطية لا تصلح من نفسها كما يدعي الديموقراطيين

اما كون الديموقراطية دي عكس الديكتاتورية هذه المقولة باطلة
لأن الديموقراطية نظام من عشرات الأنظمة للحكم

فهناك الديموقراطية والشيوعية و الاشتراكية والارستقراطية واللا سلطوية والاوتوقراطية والفاشية والنازية والاقطاعية والملكية والاوكلوقراطية والافلاطوقراطية و ثالاسوقراطية والثيوقراطية والتيموقراطية

فهي مش عملة من وجهيين إما ان تكون هكذا او تكون هكذا , هناك عشرات الحلول و على كل دولة ان تختار ما يناسبها ,وان لم يوجد عليهم ان يخترعوا نظام جديد لان الابداع البشري لم يقف عند ما اجتهد فيه الاغريق !!!

المشاركة الأصلية كتبت بواسطة abou_ruqi

للمرة الثانية انت ما جوبتش على سؤالي , لذا سأعتبر الإجابة (لا يوجد)
أي أنه الديموقراطية لا تصلح من نفسها كما يدعي الديموقراطيين

اما كون الديموقراطية دي عكس الديكتاتورية هذه المقولة باطلة
لأن الديموقراطية نظام من عشرات الأنظمة للحكم

فهناك الديموقراطية والشيوعية و الاشتراكية والارستقراطية واللا سلطوية والاوتوقراطية والفاشية والنازية والاقطاعية والملكية والاوكلوقراطية والافلاطوقراطية و ثالاسوقراطية والثيوقراطية والتيموقراطية

فهي مش عملة من وجهيين إما ان تكون هكذا او تكون هكذا , هناك عشرات الحلول و على كل دولة ان تختار ما يناسبها ,وان لم يوجد عليهم ان يخترعوا نظام جديد لان الابداع البشري لم يقف عند ما اجتهد فيه الاغريق !!!

و يمكن مفيش أمة أتحطت في موقف إن فيه جزء من الشعب عايز يتحكم بقانون خاص ،، فبالتالي ما وجدتشي هذه الآلية ،،

لكن كمثال الكونفدرالية موجودة في دول كتير منها أمريكا اللي كل ولاية فيها ليها قوانينها الخاصة ،،

و الديمقراطية عكسها الديكتاتورية مفيش حاجة تانية ،،

بدليل فيه أحزاب شيوعية و أحزاب اشتراكية و أحزاب لكل حاجة و كله في نطاق الديمقراطية ،،

عموما أخترع أي حل ،، و متسمهوش ديمقراطية سميه اسم تاني بس يضمن تداول السلطة ، تعدد السلطات ،، إحترام حقوق المواطن ومساواتهم

و أنا موافق عليه عالطول