رأيك أيه ؟
انا مش هحط أمثلة
لو عندك وعايز تقول أتفضل
عرض للطباعة
رأيك أيه ؟
انا مش هحط أمثلة
لو عندك وعايز تقول أتفضل
موافق
كل مازادت نسبة الجهل التعليمي وعادة يرافقها السياسي يبقى الديمقراطية يا تنجح يامتنجحش حاجة كده لعبة حظ
بالنسبة لمصر أنا متوقع تنجح بناء على الحظ ألي تصادف أنه وفق رؤيتي لما أتمناه لمصر في الفترة القادمة
تحياتي ياهندسة
انا الحاجة الوحيدة االى اعرفها ماينفعش فيها ديموقراطية هيا ادارة البيت و العائلة
عندك ناس نصهم جهله ...عقبال ما يتعودوا عالديمقراطيه هتاخد وقت و مجهود
هتقول مش نافعه معاهم و نخليها ديكتاتوريه .....نسبة الجهل هتزيد و تزيد لحد ما تغرق
طلعلي بلد ديكتاتوريه نافعه
D: لو علي المصطلحات انا اساسا بمؤمنش بحاجة اسمها ديموقراطية مطلقة
ديموقراطية بحدود شريعتي الاسلامية . . ان جاز التعبير
عموما مفيش في العالم كلة ديموقراطية مطلقة . .
اى ديمقراطية تحتاج قانون حازم وادارة بلا فساد
وده عمره ما هيحصل فى مصر
ما ينفعش عندنا ديمقراطية مطلقة
ماشي بس الديكتاتوريه برده مش حل
الجاهل هنا مش معناها الامى
الديموقراطية : احيانا مابتنفعش . . . . ( يعنى غالبا بتنفع ... ... )
الصــيـــن
الصين فيها حكم النخبة ربنا يوعدنا ونبقى زيهم
وانا ليا موضوع ناقد للديموقراطية يا ريت حضرتك تطلع عليه
http://www.nilemotors.net/Nile/207667-a.html
حكم النخبة أو الديكتاتور العادل أو أو أو ................................
بطيخة ،، يا حمرا يا قرعه ،،،
و غالبا قرعه .........
و نادرا حمرا .........
الديمقراطية بتصلح نفسها بنفسها
المشكلة ان فيه ناس فاهمين ان الديموقراطية يعنى الفوضى وعدم وجود قوانين
الديموقراطية تنفع فى كل الأحوال المهم نفهمها صح
الهند ،،، المسلمين أقلية ،،، و رئيسها كان مسلم في وقت من الأوقات
أمريكا ،،، الأفارقة أقلية ،، و رئيسها أوباما
و بالعكس الديمقراطية بتدي الأقليات حقوق أكثر ،،
لأن بطبيعتها و عبثيتها مفيش أغلبية بالمعني المفهوم ،، دايما فيه ائتلافات و تحالفات
فتضطر كتل من الأغلبية للتحالف مع اقليات لتكوين أغلبية
تصدق استفسارك صعب جدا ولي اكتر من ساعه وانا احاول اكتب رد وكل ما اكتب رد امسحه تاني واحسه مش متناسب او مش معبر ومن كثره التفكير دماغي هنجت ومش عارف اقول ايه عموما هي الديموقراطيه المطلقه هي التي يمارسها الله مع البشر بمختلف عقائدهم واديانهم او حتي مع الملحدين
الد يمقراطيه احلي شئ في الدنيا حتي مع الاولاد لكن لازم يكون ليها قانون يحكمها
لكن الظاهر عشان الناس واخده القمع ولاهانه مش عايزه تجربها اصبروا شويه
وفكر ممكن انت تعمل ايه لبلدك في ظل مناخ جديد
الديموقراطية على مطلقها في الوقت والزمن ده!! أعتقد لازم تكون مقننة
نعم يكون الأمر شورى لكن القرار الأول والأخير للقائد إللي المفروض مؤتمن علينا
بمعني لازم يكون فيه قليل من الدكتاتورية لحفظ النظام لأن الديموقراطية على علتها
ستشيع الفوضى..والأمثلة كثيرة
الأب .. مدرب الفريق ...الطياااااار..ربان السفينة....الجراااااااح
إذن لا إفراط ولا تفريط وشكرا
الديمقراطية التي ستمنع تسليم إنسان حر لجهة غير حكومية لتقوم بسجنه أكيد لن تعجب هؤلاء السجانين
ايه يا جماعة .. الغرب المنافق كان بيدعم الديكتاتوريات بحجة اننا غير مستعدين للديمقراطية ... لأن الديمقراطية سوف تأتي بالاسلاميين.
وده طبعاً قمة النفاق ... نحن لا نستحق الديمقراطية من وجهة نظرهم لأننا سنأتي بمن لا يعجبهم.
مش عايزين نعمل زيهم ... ونقول على شعبنا جاهل وغير واعي سياسياً.
لأن الديكتاتورية مش الحل ... ولأننا لازم نبتدي ونتعلم.
وللعلم ... الديمقراطيات في معظم دول العالم قائمة على تضليل الناس وتشكيل الرأي العام بطرق ملتوية.
الناخب الأمريكي بيتضحك عليه بأكاذيب لا حصر لها.
وللعلم، الأمريكي جاهل ومُضلل
صوت للجمهوريين لأن المكسيكيين هيغرقوا البلد وياخدوا شغلك
صوت للجمهوريين لأن الديمقراطيين هيرفعوا الضرايب (مع ان المواطن الأمريكي بيدفع أضعاف الضرائب عشان يحصل على خدمات زي الصحة من شركات خاصة)
صوت للجمهوريين لأن الديمقراطيين هيفرضوا رقابة على الشركات وبالتالي هيضروا الاقتصاد (مع ان رقابة الشركات بتحمي الموظفيين والمستهلكين من جشع رأس المال).
هي الديمقراطية كده ... كدب في كدب ... نخبة بتتحكم في عقول العامة.
بس أحسن من الديكتاتورية ... وبتضمن تداول السلطة وبتقلل الفساد.
الديمقراطية فيها آليات لمعالجة كافة المشاكل من الكونفدرالية للدولة المركزية ،،
حاجة زي الكونفدرالية دي كانت ممكن تمنع تقسيم السودان ،،
عموما أنا عارف أنتا عايز تقارن أيه بايه ،، من نص السؤال ،،
بس أنتا كده بتسأل القطر اسرع و لا النخلة أطول ،،
الديمقراطية عكسها الديكتاتورية
و ليس عكسها الشريعة الإسلامية
للمرة الثانية انت ما جوبتش على سؤالي , لذا سأعتبر الإجابة (لا يوجد)
أي أنه الديموقراطية لا تصلح من نفسها كما يدعي الديموقراطيين
اما كون الديموقراطية دي عكس الديكتاتورية هذه المقولة باطلة
لأن الديموقراطية نظام من عشرات الأنظمة للحكم
فهناك الديموقراطية والشيوعية و الاشتراكية والارستقراطية واللا سلطوية والاوتوقراطية والفاشية والنازية والاقطاعية والملكية والاوكلوقراطية والافلاطوقراطية و ثالاسوقراطية والثيوقراطية والتيموقراطية
فهي مش عملة من وجهيين إما ان تكون هكذا او تكون هكذا , هناك عشرات الحلول و على كل دولة ان تختار ما يناسبها ,وان لم يوجد عليهم ان يخترعوا نظام جديد لان الابداع البشري لم يقف عند ما اجتهد فيه الاغريق !!!
و يمكن مفيش أمة أتحطت في موقف إن فيه جزء من الشعب عايز يتحكم بقانون خاص ،، فبالتالي ما وجدتشي هذه الآلية ،،
لكن كمثال الكونفدرالية موجودة في دول كتير منها أمريكا اللي كل ولاية فيها ليها قوانينها الخاصة ،،
و الديمقراطية عكسها الديكتاتورية مفيش حاجة تانية ،،
بدليل فيه أحزاب شيوعية و أحزاب اشتراكية و أحزاب لكل حاجة و كله في نطاق الديمقراطية ،،
عموما أخترع أي حل ،، و متسمهوش ديمقراطية سميه اسم تاني بس يضمن تداول السلطة ، تعدد السلطات ،، إحترام حقوق المواطن ومساواتهم
و أنا موافق عليه عالطول
كل المسلمين الاقليات في الدول الغير مسلمة لا يحق لهم اي قانون خاص بيهم
لا يستطيع المسلم في اكثر الدول ديموقراطية ان تتعدد زوجاته وان طلق زوجته تستولى على نص ماله ولا يستطيع ان يأمر أهله بالصلاة ولا ان يرفع الآذان ولا ان يضحي في العيد بيده ولا يعطوا اجازة يوم الجمعة ولا اذن لأداء الصلاة في المسجد
بينما المسيحيين في الدول المسلمة يدقون الاجراس ويأكلون الخنزير ولا طلاق إلا لعلة الزنا كما يؤمنون , لا كما تؤمن الأغلبية
واخترع ليه ما هي موجودة !! الشورى
"وأمرهم شورى بينهم "
وعلى رئي المثل ألي بيقول أبني في أيدي وأروح أدور عليه
مالحل موجود ومن عند الخالق سبحانه وتعالى يعني هانستبدل الأعلى بالأدنى (قوانين وضعية فاشلة) ده كلام ناس بتدور على العدالة والمساواة والتعايش بين العقائد بأختلافها !!!!!!!!!!=الشريعة الأسلامية=حرية العقائد والأديان=نظام أقتصادي حر بحق وحقيقي
ولا أبلغ من قوله سبحانه وتعالى
قوله تعالى "فلذلك فادع واستقم كما أمرت ولا تتبع أهواءهم وقل آمنت بما أنزل الله من كتاب وأمرت لأعدل بينكم الله ربنا وربكم لنا أعمالنا ولكم أعمالكم"
وقال تعالى "إن أحسنتم أحسنتم لأنفسكم وإن أسأتم فلها" بل قال تعالى لنبيه "واخفض جناحك لمن اتبعك من المؤمنين فإن عصوك فقل إني بريء مما تعملون"
ويقول تعالى
وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ إِلَّا الَّذِينَ ظَلَمُوا مِنْهُمْ وَقُولُوا آَمَنَّا بِالَّذِي أُنْزِلَ إِلَيْنَا وَأُنْزِلَ إِلَيْكُمْ وَإِلَهُنَا وَإِلَهُكُمْ وَاحِدٌ وَنَحْنُ لَهُ مُسْلِمُونَ ( سورة العنكبوت: 46 )
( لتجدن أشد الناس عداوة للذين آمنوا اليهود والذين أشركوا ولتجدن أقربهم مودة للذين آمنوا الذين قالوا إنا نصارى ذلك بأن منهم قسيسين ورهبانا وأنهم لا يستكبرون ( 82 )
كما قال تعالى : ( وجعلنا في قلوب الذين اتبعوه رأفة ورحمة ) [ الحديد : 27 ] وفي كتابهم : من ضربك على خدك الأيمن فأدر له خدك الأيسر . وليس القتال مشروعا في ملتهم ; ولهذا قال تعالى : ( ذلك بأن منهم قسيسين ورهبانا وأنهم لا يستكبرون ) أي : يوجد فيهم القسيسون - وهم خطباؤهم وعلماؤهم ، واحدهم : قسيس وقس أيضا ، وقد يجمع على قسوس - والرهبان : جمع راهب ، وهو : العابد . مشتق من الرهبة ، وهي الخوف ؛ كراكب وركبان ، وفارس وفرسان .
والله أعلى وأعلم