ليه كدة ???
المتحمسين للفكرة بس فهمونا
عايزين نموذج واحد طبق الشريعة ونجح و إيه النجاح اللي حققه ؟
هتختاروا الممثلين اللي هيطبقوا الشريعة إزاي ؟
ماليزيا دولة مسلمة ومتقدمة
تركيا كانت دولة متخلفة أيام حكم أتاتورك العلماني ودلوقي اقتصادها اقتصاد قوي جدا ومعدل دخل الفرد في نمو متزايد لما مسكها أردوغان المسلم
لكن مش دي الفكرة برده
لو حضرتك بتؤمني إن الشريعة دي منزلة من عند الله اللي خلقنا وعارف إيه يصلحنا وإيه يضلنا فلازم تؤيدي تطبيق الشريعة بغض النظر مين طبقها صح ونجح ومين طبقها غلط وفشل
هيبقى مفهوم لو قلتي مثلا أرفض طريقة تطبيقها اللي طبقها الجماعة الفلانية بطريقة خاطئة بناء على مفهوم خاطي
لكن أرفض تطبيق الشريعة كده قولا واحدا بدون تفصيل يبقى انتي بترفضي صراحة حكم رب العالمين وده هيدخلك في دائرة تانية تفاصيلها وحكمها في قوله تعالى:
(ألم تر إلى الذين يزعمون أنهم آمنوا بما أنزل إليك وما أنزل من قبلك يريدون أن يتحاكموا إلى الطاغوت وقد أمروا أن يكفروا به ويريد الشيطان أن يضلهم ضلالاً بعيداً)
والطاغوت هو كل ما يعبد من غير الله ويدخل فيه التحاكم إلى القوانين الوضعية التي من صنع البشر والمخالفة لحكم الله وشريعته
وقوله سبحانه: (فلا وربك لا يؤمنون حتى يحكموك فيم شجر بينهم ثم لا يجدوا في أنفسهم حرجاً مما قضيت ويسلموا تسليماً)
وقوله تعالى: (ومن لم يحكم بما أنزل الله فأولئك هم الكافرون)
إلى آخر الآيات اللي كلنا بنقرأها وبنمر عليها مر الكرام بدون تدبر ولا تفكر
آه طيب ماشي
^^
تركيا و ماليزيا دول علمانية ديمقراطية
ومش فاهمة حضرتك تقصد بالشريعة نظام متكامل
ولا إنتخابات و ديمقراطية و أحزاب متنوعة وبرلمان بيمثل كل الأطياف ودستور يستفتى عليه الشعب وحجات من نتاج الفكر الكافر المرتد
ولو فاز الحزب اللي بيمثل اليمين يبقى كدا الدولة إسلامية
هي دي الشريعة المطلوبة ...؟؟
هو اية أساسا مفهوم الشريعة؟؟
المفهوم بيختلف من شخص لشخص وبكدا يبقى الاستطلاع مش دقيق لانك مشرحتش اية الي تقصدو بكدا انت بس قلت كلمة عايمة و كل واحد هيفهمها على هواه
و في تفرقة بين السبب و الحلول المقترحة و النتيجة
متجيش تقولي في بطالة يبقى المفروض نصلي!
لو مفهومك عن الشريعة العدل الي العقل يقبلو والي مذكور مثلا في القرأن و الأديان متفقة عليه اكيد
اما لو مفهومك تاني ففي ناس هتتفق و ناس هتختلق و الموضوع مش بيتحدد من استطلاع رأي لو فاهم قصدي
زي الانتخابات والديمقراطية والأحزاب المتنوعة والدستور إلخ اللي طبقناهم وفعلا بقينا دولة متقدمة بسم الله ما شاء الله نتحسد
أنا لا أقصد بالشريعة لا تطبيق حدود بس زي ما معظم الناس أول ما تكلمهم عن الشريعة أول ما ييجي في باله انه ايده هتقطع لو سرق او هيتجلد أو يرجم لو زنى !
ولا أقصد بيها برده أمور سياسية بحتة الإسلام لم يغفل عنها بل نظمها ودونها وأصبحت لها قسم مستقل في العلوم الشرعية اسمه "السياسة الشرعية"
أنا أقصد بالشريعة منهج رباني متكامل لتنظيم حياة البشر حاولنا نبعد عنه ونحتذي بالغرب ففشلنا فشل ذريع وأصبحنا في ذيل الأمم بعد أن كنا في المقدمة لما كنا بنطبق المنهج الرباني ده وكان الغرب المتحضر ده دلوقتي عايش في عصور الجهل وصكوك الغفران وكراسي الاعتراف !
بدل ما نرفض تطبيق الشريعة علشان ناس حاولت تطبقها وفشلت ليه منشجعش اننا نطبقها احنا صح واحنا على يقين من انه لا يُصلح الإنسان إلا شريعة من خلقه ويعلم ما يصلحه وما يفسده ؟!
الخلاصة من لا يرضى بشريعة رب العالمين فليبحث له عن إله آخر يعبده ! فكيف تزعم أنك تعبده وتؤمن به وترد أمره وشرعه ؟! قمة في التناقض والتخبط بصراحة !
ياريتنا عملنا زي المسيحيين اللي متمسكين بدينهم أكتر مننا واللي هاجوا بمجرد أن صدر قانون الزواج المدني اللي بيخالف شريعتهم ومسكتوش غير لما لغوه ومتطبقش وأصروا على رفض كل ما يخالف شريعتهم ! حاجة قمة في الخذلان والله
الشريعة كلمة مطاطية
في ناس تسميها الاسلام وناس تسميها المسيحية وناس نسميها الديموقراطية
بس لو كل واحد اشتغل صح بما يرضي ضميرو (والانسان مفطون على الحق ايا كان دينو) فاكيد دا هيرضي ربنا و هنتقدم
ودا سبب تقدم الغرب انهم بيعملو بمنهج الاسلام من غير مايكونو مسلمين فربنا بيوفقهم
الصح صح و الغلط غلط مهما كان الي عملو
الشريعة هي كل القوانين والأوامر والنواهي اللي ربنا أمرنا بيها ويدخل فيها كل ما هو حسن أمرنا به ويخرج منها كل ما هو قبيح منهي عنه
والغرب سبب تقدمهم تطبيقهم للحسن زي العدل والالتزام والأمانة والتفاني في العمل وما شابه بغض النظر ان ده شريعة اسلامية ولا لأ
واحنا تخلفنا لما بعدنا عن كل ما هو حسن برده بس بعدنا عن الدين نفسه برده بما فيه من عبادات ده غير المعاملات ، لأن الشريعة عبادات ومعاملات ، الغرب طبقوا المعاملات فتقدموا في الدنيا بس ملهمش حظ في الآخرة واحنا بعدنا عن الاتنين فملناش نصيب في الدنيا وفي الآخرة مرجعنا إلى الله
لو قلدنا الغرب وطبقنا المعاملات بس بغض النظر عن الشريعة هتبقى لينا الدنيا برده بس هنبقى معاهم في الآخرة ! لذلك بنقول نطبق الشريعة كلها عبادات ومعاملات علشان ننال الدنيا والآخرة أيضا
فليه نقلد الغرب واحنا عندنا الأصل ؟!
الناس اللي ضد الشريعة دي ضدها ليه ؟! علشان ناس طبقتها غلط وفشلت ؟؟ هو ده المعيار في قبول الشيء ؟ ولا الأصل اننا نبص للشيء نفسه بغض النظر عمن طبقه ؟
وأرجع تاني وأقول: الناس دي مش بتؤمن بربنا اللي بنعبده ومتقدمين في الدنيا ، يبقى طبقا لنفس المنطق برده بتاع الناس اللي مش عاجبها الشريعة اننا نكفر بربنا والعياذ بالله ونقلدهم في كفرهم وإلحادهم علشان نبقى متقدمين زيهم ؟! مش كده برده ؟!
مفيش فرق عندي بين واحد بيدعي الإيمان بالله ويرفض شرعه وأمره ونهيه وبين واحد مش بيؤمن به أصلا !
بص كلامك كويس
بس نقطة واحدة بس انت ليك نفسك ربنا مش بيقلك اتعامل مع المسلم و حسن معاملتك ربنا بس الي يحكم
انت شوف شغلك و عامل كل الناس صح ودي حاجة مش بأيد الحكومة معلش يعني الحكومة مهما حطت قوانين مش هتفيد في حاجة غير لو كان المجتمع هو الي مقطع بتطبيقها
ببساطة
لو بنت اهلها غصبوها على لبس الحجاب مثلا هل البنت دي مش هتقدر تقلع الحجاب؟
شوف احنا بنتكلم في اطار انك رقيب على شخصية واحدة فما بذلك لو 90 مليون شخص
المهم أقتناع الناس بالقانون مش بشدية الحاكم
مشكلتنا مشكلة شعب مش حكومة، الحكومة مراية للشعب
وبما ان شعبنا شعب محترم فانا شايف الي يحكمو "ديكتاتور" وحسني مبارك ضعيف انا عايز واحد زي هتلر واحد يقول القانون كذا ويتطبق علطول زي الصين يعني مثلا
وأنا مش مختلف معاك في الكلام ده حتى إن الشريعة نفسها بتقول كده :)
إن الله ليزع بالسلطان ما لا يزع بالقرآن
وشرحه للشيخ ابن باز:
هذا أثر معروف عن عثمان -رضي الله عنه- ... ويروى عن عمر أيضاً -رضي الله عنه-: (إن الله يزع بالسلطان ما لا يزع بالقرآن)، معناه يمنع بالسلطان باقتراف المحارم، أكثر ما يمنع بالقرآن؛ لأن بعض الناس ضعيف الإيمان لا تؤثر فيه زواجر القرآن، ونهي القرآن، بل يقدم على المحارم ولا يبالي، لكن متى علم أن هناك عقوبة من السلطان، ارتدع، خاف من العقوبة السلطانية، فالله يزع بالسلطان يعني عقوبات السلطان، يزع بها بعض المجرمين أكثر مما يزعهم بالقرآن لضعف إيمانهم، وقلة خوفهم من الله -سبحانه وتعالى-، ولكنهم يخافون من السلطان لئلا يفتنهم، أو يضربهم، أو ينسَّلهم أموالاً، أو ينفيهم من البلاد، فهم يخافون ذلك، فينزجرون من بعض المنكرات التي يخشون عقوبة السلطان فيها، وإيمانهم ضعيف، فلا ينزجرون بزواجر القرآن ونواهي القرآن؛ لضعف الإيمان وقلة البصيرة، ولا حول ولا قوة إلا بالله. جزاكم الله خيراً
ايوه احنا مختلفناش
بس المهم كل واحد من جواه يكون كويس و الحاكم بقى منجيش نقول لا دا ظالم و حقوق انسان لاننا في فترة مينفعش فيها خلاف و الدولة مش مستقرة بجد
معلش يعني الفوضى محتاجة حكم بدون نحنحة واحد يقول كلمة و ينفذ واحد "ديكتاتور" او "شيوعي"
وياعم الحاج انت ادعو الناس بالحسنى يعني واحد شايفو بيعمل حاجة غلط ادعيلو متحاولش تغلط حد لان الطبيعية بتاعة الانسان انو هيعاند زي الاطفال
انت صلاتك و ذكاتك ليك وبينك و بين ربنا، كل الي عايزو منك هو معاملتك معايا مش هتفرق معايا بتصلي ولا بتصوم ولا بتشرب خمرة حتى
هو حضرتك معندكش رؤية واضحة تدلنا عليها ؟
يعني إيه "السياسة الشرعية" زي مين يعني عمل السياسة الشرعية ونجح ؟
وأنا بسأل حضرتك مين اللي هيقوموا على تطبيق "المنهج الرباني المتكامل" وهيوصلوا إزاي للحكم ؟
مين هيختارهم ؟ وهيختارهم إزاي ؟ هيقيلهم إزاي وعلى أساس إيه وإمتى ؟
أنا بس بتمنى لو الأسئلة دي صعبة تديني نموذج لجماعة معروفة بتطبق الشرع الرباني المتكامل
عشان ناخد فكرة عن الشرع الرباني المتكامل المقصود
طالما لا تملك نماذج لدول حديثة ناجحة
وكمان بتمنى تديني فكرة عن لما كنا في المقدمة مين كان بيحكم وقتها ؟ وإيه نظام الحكم اللي كان قائم ؟
عشان نشوف هنطبق النموذج الناجح اللي خلنا في مقدمة الأمم دا إزاي
وبتمنى أعرف الحضارة اللي سابها النظام المتقدم اللي كان مخلينا في مقدمة الأمم
أكيد ساب حضارة تفوق كل الأمم الفاشلة وقتها
ياريت نتكلم بواقعية
لإن الشعارات أصل مفيش أسهل منها الكل ممكن يطلق شعارات رنانة ^_^
لازم الناس تفهم ان مش لازم ابدا اني اربط تطبيق شريعة رب العالمين بتحسن ظروف معيشتهم سواء ماديا او اجتماعيا
نحن نطبق الشريعه لاننا اتباع الواحد القهار وهذا من اصول دينا
الحاجة الاهم - ان تطبيق الشريعة واجب علي كل مسلمين ولا يجب ان يؤخد في تطبيقها راي
فلا يمكن ان اخذ راي العلمانيين الكفرة او مسلمين البطاقة (المنافقين) مثلا في اقامة الصلاة او اداء الزكاة
الشريعة غير مطبقة في مصر ويجب ان ترفض هذا الامر بجميع انواع الرفض الممكنة وغير الممكنة حتي تبرا نفسك امام الله
لا تقل ابدا انك من عامة الشعب وهذا ليس قرارك ف لولا الجنود الذين هما من عامة الشعب لما ظلمنا الحكام
ياجماعة والله احنا المفروض نحسن نفسنا اهم من كل دا
لو كل واحد مصري بقى محترم و بيشوف شغلو و خلاص والله هنتقدم
بدل ما تشغل نفسك غيرك بيعمل اية حسن من نفسك ويمكن حد يتشجع معاك و تبقى "مرض معدي"
لا طبعا معنديش رؤية واضحة لأني مش من أهل الاختصاص
لكن اللي أعرفه كمسلم إني ملزم بقبول حكم الله وشريعته بغض النظر مين هيطبقه وهل اتطبق قبل كده صح أو غلط
أنا ربنا مش هيسألني انت مطبقتش الشريعة ليه ولكن هيسألني هل كنت موافق على قبول حكم الله لو تم تطبيقه ولا رافض
حضرتك رابطة قبول شرع الله بـ هل حد طبقه ونجح ولا لأ وده في حد ذاته تشكيك في صحة شرع الله لإصلاح العباد من عدمه وزي ما قلت لحضرتك ده بيدخلنا في دايرة تانية تفاصيلها في البوست ده
http://www.nilemotors.net/Nile/3875859752-post51.html
أخيرا معرفش ازاي حضرتك عايزة فكرة عن لما كنا في المقدمة وعن الحضارة اللي سابها النظام المتقدم اللي كان بيحكم بشرع الله وقتها ، مفروض دي حاجة معروفة جدا يعني مش محتاجة إثبات إلا لو حضرتك بقى كنتي شايفة ان المسلمين في عصور الصحابة والتابعين كانوا متخلفين برده وقتها عن باقي الأمم ! ده بقى موضوع تاني مش هخوض فيه لأن الشمس لا تحتاج إلى دليل على وجودها بس لو حضرتك رجعتي لكتب المستشرقين اللي هما متقدمين دلوقتي هتلاقي شرح وافي أنا شخصيا مش هقدر أشرحهولك
نسأل الله أن يهدينا وإياكي ويصلح أحوالنا جميعا ويرشدنا إلى الحق ويكفينا شر الفتن
بعد مواقف و أحداث و حوارات و نقاشات كتيييييييير جدا من قبل ثورة يناير و لغاية دلوقتى
ثبت قطعيا ان محدش من المنادين بتطبيق الشريعة عنده اى مشروع او تصور او حتى تخيل عن كيفية تطبيق الشريعة الأسلامية ابعد من قطع يد السارق و فوايد البنوك
الشريعة الأسلامية السمحة .............. تم اختزالها على يد المدافعين عنها و المنادين بيها على مدار السنين الى مجرد سلعة بيتم استخدامها لجذب الأتباع و المؤيدين الحالمين بدولة الخلافة فى العصور الذهبية
غير كده ماحدش حيعرف يدى اى تخيل او تصور او ملامح او خطوط عريضه عن كيفية التطبيق ............. مجرد لف و دوران من غير اى اجابة قاطعة
طفت سريعا على بعض المشاركات في هذا الموضوع
وشد انتباهي بعض المشاركات منها ماهو انكار على عنوان الموضوع ثم تبعه توضيح من صاحب الموضوع للعنوان المذكور .
شرع الله عزل وجل لايخير فيه الناس ويجب ان يكون مبدأ الناس فيه ( سمعنا واطعنا)
فلا مجال للتصويت فضلا عن الرفض!
ثم تساؤلات عن النماذج الناجحه التي طبقت شرع الله أنا اعذر هذه التساؤلات لعدم علمها بالتاريخ الاسلامي في ظل الانبهار العلمي والتقدم اللا محدود في هذا الزمان لدول تقدمت وتحضرت في ظل تاخر ملحوظ للدول التي تنتسب الى الاسلام.
التاريخ الاسلامي زاخر بالنماذج المشرفه المضيئه التي استنارت منها دول اوروبا وبنت عليها تقدمها وحضارتها
بيكفي ان حاكما مسلما نظر الى السحاب وكان محملا بالمطر قفال له امطري حيث شئتي فإن خراجك عائد اليّ!
وهذا دليل على اتساع رقعة الاسلام وازدهارها الاقتصادي وقوتها العسكريه
اضطرت دولة الروم أمام ضربات الرشيد المتلاحقة إلى طلب الهدنة والمصالحة، فعقدت "إيريني" ملكة الروم صلحًا مع الرشيد، مقابل دفع الجزية السنوية له في سنة (181هـ = 797م)، وظلت المعاهدة سارية حتى نقضها إمبراطور الروم، الذي خلف إيريني في سنة (186هـ = 802م) ، وكتب إلى هارون: "من نقفور ملك الروم إلى ملك العرب، أما بعد فإن الملكة إيريني التي كانت قبلي أقامتك مقام الأخ ، فحملت إليك من أموالها ، لكن ذاك ضعف النساء وحمقهن ، فإذا قرأت كتابي فاردد ما حصل قبلك من أموالها، وافتد نفسك، وإلا فالحرب بيننا وبينك ".
فلما قرأ هارون هذه الرسالة ثارت ثائرته ، وغضب غضبًا شديدًا، وكتب على ظهر رسالة الإمبراطور: "من هارون أمير المؤمنين إلى نقفور كلب الروم، قد قرأت كتابك يا ابن الكافرة، والجواب ما تراه دون أن تسمعه، والسلام".
[FONT=Traditional Arabic][SIZE=5][SIZE=5][COLOR=black]وخرج هارون بنفسه في (187 هـ= 803م)، حتى وصل "هرقلة" وهي مدينة بالقرب من القسطنطينية، واضطر نقفور إلى الصلح والموادعة، وحمل مال الجزية إلى الخليفة كما كانت تفعل "إيريني" من قبل، ولكنه نقض المعاهدة بعد عودة الرشيد، فعاد الرشيد إلى قتاله في عام (188هـ= 804م) وهزمه هزيمة منكرة، وقتل من جيشه أربعين ألفا، وجُرح نقفور نفسه، وقبل الموادعة، وفي العام التالي (189هـ=805م) حدث الفداء بين المسلمين والروم، ولم يبق مسلم في الأسر، فابتهج الناس لذلك.
فكان للمسلمين عز ورفعه ومنعه ومكانه تحققت بتطبيق العدل الذي هو الشرع
ولمن يريد ان يتعرف على نظم الحكم في الاسلام فليقرأ هذه المقالات
[url=http://www.almarakby.com/web/catsmktba-695.html]
حاجه غريبه في المنتدى الموضوع لم يكتمل فيه كلام مقطوع وكذلك بعض الروابط
على اية حال
هذه شهادة بعض المنصفين ( غير مسلمين) في الاسلام
شهادات المنصفين | موقع قصة الإسلام - إشراف د/ راغب السرجاني
يا سيدى أنا مش مقتنع بالتجربة من الأصل سواء كانت التجربة ل س أو ص لإنها ضد فلسفة نظم الحكم الثابتة تاريخيا فى العالم ككل حتى قرنين من الزمان أو مستمرة فيما يسمى العالم الثالث .
مينفعش أبدا فى الحديقة إن القط المحبوب من الباقيين يسير الأمور لمدة شهر و بعدين يستلم منه الثعلب و صاحبنا الأسد قاعد يتفرج . أرجو إن يكون المعنى وصلك .
طبعا دى وجهة نظرى تحتمل الخطأ بالطبع
كون حضرتك مش مقتنع فده راي شخصي وهناك راي يقابله فده مش موضوعنا. ولكن يجب ان نكون صادقين مع انفسنا ان التجربة مكنتش كاملة وكانت بتقابل بمحاولات افشال فلا يمكن ان نسميها تجربة فاشلة.
وايه هي نظم الحكم الثابتة تاريخيا ??? وهل هي قران منزل لا يمكن تغييرها حتي يصبح العالم الثالث في مرتبة افضل ??!!!!
هو بصراحة مش فاهم اوي المعني بس في كل الحالات لا يمكن تشبيه وضع نظام ادمي بحديقة حيوان. لان فالحيوان البقا للاقوي. والنظام الادمي نسعي لوضع اسس تحترم الانسان.
فعلا كلامك صح و انا شايف النسبة من قبل ما ارد النسبة 82%
بس مفهوم الناس على الشرعية مختلف، انا فاهمها حاجة وانت فاهمها حاجة و احنا الاتنين موافقين
و الفكرة ان مش منتدى الي هيحدد
مانا ممكن انزل اسأل صحابي في شارع و معظم الشارع مثلا تبع فئة محددة
او اروح اسأل قرية فيها مسيحين و نشوف النسب؟
اهم حاجة التنوع
معلش محدش هيحكر علي راي حد. اللي قال نعم قالها لفهمه ليها ولو فهمه غلط يتحمل اختياره. انما مش نقول انا فاهما بشكل وانتا فاهمها بشكل. المهم اننا اتفقنا عليها ولكل اسبابه.
ومادام المنتدي مش هيحدد ليه قولت مثال ميت واحد 98 عايزين يروحو.مكان واتنين عايزين مكان تاني يبقي راي مين اللي هيمشي
مااحنا ممكن نعمل نفس المنطق بقي اكيد في ناس نايمة كانت عايزة تروح مع الاتنين نفس المكان
الصراحة مع النفس اولا شي مهم جدااااا
بالنسبة للنقطة الأولى هنقول نطبق الدين لو انا بعد البقر هقول يبقى نعبد البقر و انا موافق لتطبيق الدين :)
ناس نايمة؟! دا واجب انك تنزل تنتخب و محددين معاد و انت المفروض مجبور انك تنزل (المفروض بيتجمعضريبة حسب كلامهم) و كمان محددين المعاد قبلها بشهور ومدينك اجازة من شغلك :3mla:
تعديل (1): الصراحة مع النفس اولا :)
طيب انت خليك صريح مع نفسك و اعرف انكم أقليه و مينفعش تحكموا كلامكم على الأكترية