الموضوع: البداية نصب والنهاية ارقام مميزة للعربية من عند ربنا ولا فالخيال

السلام عليكم اخوكم كان فعدة مواقف صعبة وسبحانك يارب اتحلت من عنده البداية زى ماقوللتكم انا كان معايا 127 وفجاة وانا ماشى لقيت قدامه عربيتان ماروتى قولت ادخل ال 127 فالمارورتى وادفع الفرق المهم 127 موديل 83 والماروتى 97 والتانية 94 دخلت على صحاب المعرض 2 اخوات بعد السلامات والحوارات اتفقت معهم انى اخد 97 وادفع فرق 4000 وبالتقسيط ادفع 2000 وال2000 كل شهر على 500 جنية المهم روحت جبت ال2000 جرى ووقعت على ايصالات الامانة برضوا جرىواخدت كمان الماروتى وطرت على البيت وام العيال تحلقلى ان الموضوع فيه نصب كبير للسبب بسيط ان الرخصة منتهية من 2008 ومش باسم صاحب المعرض وقالى حاجيبلك الراجل صاحبها بعد يومين يعملك التوكيل وخلى رخصة ال127 معاك المهم انا ماشى بالعربية من غير ولاورقة ولاحاجة فقولت ياواد فكك م البيعة دى وخد العربية التانية 94 رخصتها مش منتهيةالمهم راحت اقولله على الماروتى موديل 94 قالى اتبعت امبارح ومالقتش ال127 فؤجئت لقيته بيقوللى واحد اخدها يجربها ومارجعش بيها تانى من امبارح وبعدين قالى ربك يفرجها خلال يومين ورق المارورتى حيكون عندك اسبوع اسبوعين مماطلة وتسويف وانا مراتى تقسم باغلظ الايمن ان الموضوع كله نصب وان العربية راحت علينا وحنرجع تانى للميكروباص وكمان حندفع فلوس ورؤى بنتى تضحك ومحمد يقوللى يابابا انا مليش دعوة انا عاوز العربية بتاعتى وانا باصبر نفسى وقررت اسال على صاحب العربية من غير صاحب المعرض ما يعرف وفعلا وصللته قاللى انا معرفش حاجة عن العربية دى انا عامل لهم توكيل عام للعربية بس باسم واحد تالتا غير صاحب المعرض روحت المرور سالت عليها ربنا كرمنى بامين شرطة محترم قالى العربية دى معمول لها شهادة بيانات فشهر 11 اللى فات ومدفوع لها ضرايب سنتين وباقى عليها سنه وقوللتله وبعدين قاللى ممكن تكون متباعة قبل كدة يانهار ابيض يافرحة رؤى فيا واخدنى وكلمنا المديرة قللتى هات اللى معاه توكيل يجى يكتبلى اقرار بفقدان شهادة البيانات وطبعا محضر م القسم كمان وبعدين يجى صاحبها الاصلى يبيعهالك وطبعا انا ماعرفش اللى معاه التوكيل مين روحت للمعرض لقيت ابنه وقاللى بابا وعمى فالسلوم بيعزوا فعمهم مات حيجيوا امتى قاللى مسافة السكة ياعمو المهم مسافة السكة 5 ايام عقبال ماشوفت وشهم تانى المهم الصوت ابتد يعلى وياعم عربيتك اتسرقت وحنا مش عارفين نوصل للصاحبا لماروتى ولا اللى معاه التوكيل قوللتهم قسم بالله حاروح اجيبلكم شباب من بتوع الثورة ونعمللكم مظاهرات هنا قعدوا يضحكوا وافتكروا انى باهزر معهم والكلام مش بجد المهم اتصلت على ابن اختى وكان معاه كذا واحد من صاحباه فالجماعة جوللى عند المعرض وكل واحد شايل علم مصر واللى جاى بعربيته وعليها العلم ولايقل عن 4عربيات و12 شخص وكل واحد يتصل بصاحبه والكل مشكور بقى يجى والناس اللى معديه فالشارع توقف تتفرج المهم بصوا لقوا الموضوع بجد ووالموضوع حيوسع فلحظة الكلام بقى محترم وخلال دقايق اللى معاه التوكيل قدامى ولد شغال عندهم واتفقت معاه انى اجاى اخده بكرة يممضى على اقرار ويجيب معاه صاحب العربية عشان هو اللى يبيع العربية ليا زى الموظفة ماقالت وفعلا تانى يوم لقيتهم واقفين فالميعاد اخدتهم وروحنا على المرور طبعا ممعهمش فلوش الضريبة دفعتها انا والاهم ان الولد اللى التوكيل باسمه كان معاه محضر جاهز بفقد شهادة البيانات المهم انا السؤال اللى كان فبالى هم ازى يدخلوا ماروتى ب127 موديل 83 بالفرق البسيط دة ورغم ان الماروتى ماكنتش تاكسى قبل كدة بس هى فيها شغل كهرباء وكرابريتير يعنى الحاجات المستهلكة فسالت صاحبها هى عربيتك قاللى ايوة بس انا كتبتلهم توكيل بيها قوللته انت اللى شاريها قالى اه ورخصتها باسمى المهم قولت للواد اللىشغال معهم بعد لما عطيتو 20 جنية هم عملوا معايا كدة ليه قالى عربيتك موجودة فالمعرض التانى وهم اخدوا فلوسك ويقوللك عربيتك اتسرقت وانت غصبن عنك كنت حترضى باى عربية اللى متكهنه قدامهم موديل قديم الماروتى كانت حتتباع للواحد ب16 الف جنية فشهر 11 اللى فاتت بس هو رجع فالبيعة فاخر لحظة واسمعنى يااستاذ انت شكللك راجل محترم واحنا احترمنك لاننا برضوا من شباب الثورة ماتعملش توكيل احنا هنبعلك بعقد مسجل وارجع المرور دخله فالملف حالا لانهم ممكن يخلونا نبيع العربية دى تانى لاى حد المهم باعوللى بعقد مسجل وطبعا الراجل كان معهم على الموبيل عشان اعمل توكيل ل127 قبل ماخد العقد بتاعى وهنا كانت المفاجاة عمل العقد للماروتى والولد ادهوللى فايدى وقالى يااستاذ العقد معاك لو مش عاوز تعمل لهم توكيل ل127 بلاش مش هم بيقوللك اتسرقت اتصلت علية قوللتله هو انت عاوز توكيل ل127 مش هى اتسرقت قالى لا مش احنا رجعناها الصبح النهاردة قوللتله طب انا مش فاضى النهاردة قالى خلاص مش حيدويك العقد غير لما تعمل توكيل ل127 قوللتله عادى انا ادخل الميكروفيلم يطلعوللى واحد تانى وانا واقف دلوقتى انا حست ان الراجل جت له ازمة قلبية بعد ام كان بينصب هو فجاة اتنصب عليه والعيال اللى شغالين معاه هاتك يا ضحك ويشاوروللى انت ميه مية علمه الادب المهم الراجل رد عليا وحلف يمين طلاق لجى للبيت عندك وعامل مظاهرة زى اللى انا عملتها هههههههههههههههههههه المهم عملتلهم التوكيل بتاع ال127واخدت عقد الماروتى وتانى يوم من بدرى كنت قدام الموظفة اول واحد قاللتى الله ينور عليك انت كدة مظبوط بس لاوم تفحص دلوقتى ازى والعربية مفهاش طفاية بس كان معايا الشنطة والمثلث بتاعوا ال127 وفيها شغل قاللتى جرب كدة يمكن تعدى المهم اشترت الملف والورق ومعايا محمد ابنى فايدى وبنتى رؤى فايدى التانية ومراتى طبعا كانت بتشترى الاوراق لان طوابير الستات فاضية واخدت رقم الشاشية والماتوروكنت مرعوب الا يطلعوه مش هم وهنا المفاجاة طلعت الارقام صحيح وماكانش معايا طفاية استلفت طفاية من راجل كبير كان لسه فاحص فالمهم الراجل بتاع الطفايات قالى مش نافعة دى من سنة 98 المهم قوللتله القصة دى بحالها وانى ادبست ففلوس عقد مسجل وضريبة ولازم ادخل العقد فالملف النهاردة راح قالى عشان خاطر عياللك حاخدمك وفعلا وقع على الورق وختمه وختم الط
فاية كمان من غير ولا مليم رشوة ودخلت على المهندس ونزلت وحكيت للمهندس نفس الكلام وحلفتله ان اى شغل فالعربية حاعمله المهم المهندس قالى دوس بنزين مالقش فيه دخان قالى روح اختم الورق م الضابط انا خلصتهولك والله عشان عيالك روحت ختمته وجرى على الموظفةالملف قدامها خلصتوه وقالتى روح خد رقم جديد المهم روحت قاللتى سجل بطاقتك فالكبيوتر سجلتها وواقفت طابور حلو ورجعت عشان اخد الرقم لقيت واحد بيقوللى انا قدامك قولتله اتفضل اخد هو رقم 8221 وانا اخدت رقم 8222 هههههههههههههالمهم روحت سلمت النمر القديمة وركبت الجديد ة كله بفضل الله واخدت الرخصة الجديدة بامى وجرى على المعرض الراجل قالى انت جايب النمر دى منين قوللتله م سوق الخضر قالى زى قوللتله بركات الثورة ياحاج انسى بقى قالى انسى ايه قوللتله لما اخلص اقساطها ابقى اقولك سلموا عليكم وانشالله حاقولكم خطوات التجديد والتراخيص ونقل الملكية خطوة بخطوة انشالله على فكرة انا ماكانتش ناوى اخد العيال معايا بس بحانك يارب يكون سبب انى اعدى من الفحص