سؤال هام عن نقصان الزيت

**beshomilan** · 06-04-2011 01:33 AM

العربية انهارده كنت عند الميكانيكى قيست الزيت لقيته فى النص ما بين العلامتين والزيت شل اصفر وعلى ما اعتقد بيقعد 4000 كيلو وفى ناس تقولك بيقعد 3000 كيلو بس وهو يادوبك كمل 2000 كيلو بس والزيت عندى خلص لانى كنت بزود منه باستمرار وخلص خالص من الجركن..
مش عارف الكلام ده عادى وطبيعى ولا فيه مشاكل؟؟
ولا لازم الزيت يفضل كامل او اقل حاجة بسيطة لحد ماينزل خالص؟؟
علما ان الموتور على ما اعتقد مبياكلش زيت
الراجل قاللى كمله بكيلو زيت عادى من اى بنزينة من ابو 5 جنيه!!!وتعلالى بعد يومين كده اشوف فيه مشاكل ولا لا وبص تحت ملقاش اثر لاى تسريب..
المهم رحت سئلت فالبنزينة قالولى مفيش ابو 5 ده واقل حاجة موبيل الكيلو ب 14 جنيه فانا مرضيتش بصراحة قلت هحط موبيل على شل!!!
وقلت اسبوع كده واشترى زيت جديد بس ربنا يفرجها
مش عارف بقى دى مشكلة والا اللى انا فيه ده عادى
ارجوكم فيدونى

**adhamhossam** · 06-04-2011 02:21 AM

نفس المشكلة دي كانت بتحصل معايا
بس كان في تسريب زيت عندي من فوق و من عند فلتر الزيت و ذلك كان بسبب القرص شوية علي العربية و السير علي السرعات في 80 او 90 يعني و انا علي سرعة 120 مثلا لازم اشم ريحة زيت بيتحرق
المهم كان الزيت بينقص فغيرت الجوانات بتاعت التاكيهات و الكارتيرة و غيرت زيت جديد و فلتر و ربط الفلتر كويس بإحكام فلاحظت فرق بعد التجربة دي
مع العلم ان لازم الزيت عند نهاية مدته مستحيل يكون بنفس كميته و هو جديد لازم يكون في نقص شوية بس مش لدرجة انه ينقص كيلو مرة واحدة ممكن ربع كيلو او نص كيلو بالكتير اوي

**beshomilan** · 08-04-2011 11:39 PM

هو الميكانيكى اكتشف ان طبة الزيت كانت مش ثابته مكانها لانى شففت نقط زيت تحت العربية وربطهالى كويس
فكده ده سبب نقصان الزيت يكون السبب من ده؟؟؟
سؤال بس
هى طبة الزيت هى الفلتر؟؟؟

**beshomilan** · 10-04-2011 03:43 PM

اشتريت لتر زيت موبيل ب 14 جنيه عشان اعوض الزيت الفاقد..كده يحصل حاجة لما احط موبيل على شيل؟؟؟
ومعلش سؤال هاااااااااااام جدا
انا زودت زيت والعربية بارده تماما وبعد كده شغلتها دقيقة وطفيتها تانى وزودت تانى..كده غلط ولا ايه؟؟؟