الموضوع: اول مرة تركب بيك ورا حد ( نصائح و ارشادات و خبرات مكتسبة )

كتير قوي بيقابل حد فينا مواقف انه يركب اي حد وراه

و طبعاً اكيد بيجي عليك واحد من كل 10 بيركبوا وراك عمره ما ركب موتوسيكل خالص
بيبقي متشنج و متنشن و اعصابه مشدودة ( شعور طبيعي لواحد اول مرة يبقي بيجري بموتور في الهواء و كل حاجة حوليه فاضية
و ده طبعاً بيجي بنتيجة عكسية و لو نتشت نتشة او ابتديت تجري او حب استطلاعه في انه يبص علي الطريق من جنبك بيقصر في حركة البيك بيك يعني لو ترن لو فرامل او قصة بنزين او مفاديت عربية
طيب نعمل ايه علشان نتجنب الموضوع ده و منحسش بالي راكب ورانا و نخليه يساعدنا
( ده واقع من خبرة شخصية و تجارب كل حاجة و ليها مواقفها معايا يعني مش كل حاجة تنطبق علي كل واحد )

1 - اول وا يركب قوله ارفع رجليك و متنزلهاش غير لما اقولك ( يعني مش كل شوية يفرد رجله او يشلها و يحطها الا قبل ما يقولك علشان تبقي عامل حسابك علي اي حركة علي غير العادة من البيك )

2 - قوله يمسك التنك اذاي و طمنه ان قعدة الموتوسيكل متصممة ان جسمك يبقي مظبوط علي البيك مش كل شوية يهرش في رجله و يهز رجله و هو قعد وراك علشان متوتر

3- اطلع بالبيك براحة من غير نتشة او دوران ( حضر البيك انك تطلع في خط مستقيم )

4- و انتا ماشي قوله سيب البيك الي يحركك متخفش و امشي بيه في خط زيج زاجي ( مش جامد علشان ميحسش انه حيقع ) يعني في مسافة نص متر مثلاً

5 - قوله حس انك طاير و حر و ابتدي زود شوية بنزين ( عامل نفسي علشان يهدي و يفك التنشنه بتعته )

6 - نتيجة لنمرة 5 حيبتدي يبص علي الطريق من شمالك او يمينك ( ده بيقصر لو انتا ماشي من حارة علشان تعدي عربية و ترجع حارة تاني ) بتلاقي البيك متنشن منك علي غير العادة في جهه من الجهتين و رما معاك بسرعة في الاتجاه المعاكس و انتا رايحله (نتيجة تقل جسمه الي مرمي في عكس اتجاه البيك معتمد علي نظرية انك و انتا في ملف بتخده اسهل و انتا باصص و حاطط دماغك مع اتجاه ميلان البيك علشان مركز الثقل )

7- اول ملف تقابله ( طبعاً حضرتك حتخده علي الهادي ) تقوله قبل ما تلف بحوال 10 ثواني انه يسيب البيك تجيب جيسمه بميل يعني ميحولش يجيب جسمه العكس

8 - دي طريقة حتسعدك في معظم النقط الي فاتت ان تبقي عينيه باصة علي نفس اتجاه عينيك ( و انتا في طريق مستقيم عينه تبقي في خوزتك و ده عامل عضلي و عصبي ان راسه تفضل مظبوطة ) علشان لو حرك راسه حيجي وقت و يحرك جسمه و ده مش مطلوب في الملفات و المواقف المفجأة ذي ناس بتعدي او قطة بتجري او طوبة او غرزة ,,,,,,,الخ الخ الخ

9- او ما تلاقي في حته فاضية زود بنزين تدريجي و انقل علي الهادي من غير كبس بنزين عالي علشان يبتدي ياخد علي السرعة و الهواء ( بتختلف من شخص لأخر ) مش شرط سرعة هبله يعني مش انتا مثلاً تجيب التالت من اول 80 و ده علي حسب البيك

10 - ابتدي هدي و اسأله علي رأيه ( حيقولك جميل ) قوله انا حجري شوية اوريك بس حاجة من جريته و اقرص سنه حلو كده خلي الموتور صوته يعلي عن اول مرة في الغيار ( عامل نفسي علشان هو حس بجري و هدوء واطمن في اول ولما قرصت حس بفجع وانا بقول علي الموضوع ده نتشت الجراءة ) و نتيجة لكده حيحس من الصوت ان البيك بتجري قوي من الصوت الموتور و قرصة البنزين الي ازيد من المرة الأولي دنا حوريك ال انتا مشوفتوش ههههههه

11 - تمشي بعد كده عادي علي سرعتك العادية و خلاص و لما تحب تزود ابقي زود تدريجي لحد ما تقفل بيه و لا حتحس ان كان فيه حد وراك علشان اتعود علي سرعة عليه و توتر و اندفاع درينالين في دمه مش حيبقي زي اول مرتين كل مرة بتزيد عن الي قبلها

12 - كل النتايج دي بتحسس الي سايق راحة تامة في الملفات, الجري ,المشي البطيء بين العربيت و المواقف المفجأة

13 - الي راكب وراك بيحس بمتعه ركوب البيك و بالتالي بيستمتع بالركوبة و بيحس ان هو الي سايق البيك


ملحوطة :درجة استجابة الراكب الثاني بتزيد مرة عن مرة علي حسب مده الركوب يعني اول ما بتجي البيك في واحد من صحابك بيركب وراك في مواقف كتير فبيبقي درجة استجابته و انك تجري بيه و تاخد ملفات برحتك علي سرعة و ميلان من غير ميأثر علي اتزان و ثبات البيك عن اي حد مش بيركب وراك كتير احسن

يا ريت الي عندو اي خبرات او معلومات يضفها و لو فيه حاجة غلط يصحح بدليل