عرض للطباعة
ارجو المساعدة انا معى سيارة النترا 2008 كامله مانيول وعايز اركبلها فوانيس شبوره سألت فى التوكيا قالولى ان الفوانيس ب 950 جنيه وزراع النور الداخلى لازم يتغير علشان يكون فيه فوانيس الشبورة ب 650 جنيه غير التركيب بس لمل سألت عليهم فى شارع دمشق لقيت ان الفوانيس ب 500 جنيه والزراع ب 250 جنيه فهل يمكن ان اشترى من شارع دمشق واركب فى التوكيل علشان الضمان لانى لسه ماعملتش حتى الالف الاولى فى العداد
ارجو المساعدة
ياباشا فكك من الكلام ده
ركبهم واشتريهم من شارع دمشق
هما هيدولك ضمان على احقر انواع الزينون سنة على المكنة و6 شهور على الفوانيس
التوكيل حرامية طبعا
وفكك من اضمن ومش اضمن
لا هو اللى يقصده ضمان العربية طبعا.
حضرتك ممكن تركب الفوانيس عند اولاد عشم نوار فى شارع دمشق ودة تبع توكيل غبور يعنى هتبقى فى الضمانوانا ركبتهم هنالك والصراحة شغلهم نضيف قوى ( تمن التركيب 100 جنيه ) وحضرتك هتشتريهم من اى حد ( انا كنت شاريهم من محل نافع ب 350 جنيه ) فى شارع دمشق بردو
يا جماعة انا اشتريتهم من التوفيقية الفانوسين ب300 جنيه كورى اصلى ودراع النور ب100 جنيه كورى اصلى برضو وركبتهم عندى فى اسكندرية ب 80 جنيه
واى خدمة
........................*
محمود عينو
يا لهوي ...:mahf(5): انا اول ماجبت العربية جبتعن الفوانيس مش اصلى + الدراع أصلى وكانو بـ 800 جنية بعد خصومات كتير. وكمان نورهم مش عاجبني , لما بنور الفوجات بحس اني منور نور سهاري .اقتباس:
المشاركة الأصلية كتبت بواسطة eino666
ازيك يا استاذ محمود .. انا كل ملاقي مشاركة ليك لازم ادخل على الموضوع على طول.
سؤال لو سمحت .. هل النور عندى وحش علشان فوانيس الشبورة مش اصلى , وهل لما بتورهم في نور بينور عند العدادات يعرفك انهم منورين؟ لان مفيش عندي كدة. ولو ينفع عند حضرتك فكرة اعملها ازاي؟
صباح الفل والجمال يا استاذ أحمد منور الموضوعاقتباس:
المشاركة الأصلية كتبت بواسطة Ahmed Sharaf
احتمال يكون من الفانوس علشان مش اصلى وفى احتمال تانى تكون لمباته ضعيفة وانا كنت جايب الفانوسين بلمباتهم اصلى وعليهم ختم هيونداى كوريا هما والدراع وخليت الكهربائى عملهم رجلاش ورفعهم عن الارض وعندى برضه مش منور فى تابلوه العدادات بصراحة قعد يقولى ما ينفعش وانا مش مصدقه وحاسس انه معرفش يشغله
والفضل للاسعار دى يرجع للاستاذ محمد الطويل mido777هو اللى قالى على الاسعار وده اللى نفعنى وانا بشترى
وشكرا على مرورك وطول عمرك ذوق يا استاذ أحمد
............................*
محمود عينو
عينو باشا فاكر المحل كان اسمه إيه ؟ عشان ناوي اعمل الموضوع ده
صحيح متقولنا كده التركيب كان عامل ازاي ؟
بصراحة مش فاكر اسم المحل ايه لكن هو قبل هشام لهيطة بتاع الاكسسوارات وانت داخل التوفيقية من ناحية شارع رمسيس
وتحت امرك يا باشا
........................*
محمود عينو
ممكن شرح بسيط كده للتركيب يعني الراجل عمل إيه فك آه
احتاج حاجة غير الفجات والدراع , يعني لو لقيت ضفيرة مثلا اجيبها ؟
بالنسبة لضفيرة العربية هو ما جاش جنبهااقتباس:
المشاركة الأصلية كتبت بواسطة m.elhamy
وكل اللى اشتريته وانا عند الكهربائى 10 متر سلك+كتاوت+ شيكرتون+20 كلبس كبير وصغير حسبة حوالى 35 جنيه
والكهربائى وصل السلك من الفوانيس للطرف العمومى اللى داخل على البطارية ووصله برضو على الدراع
وانا كان قدامى وانا بأشترى الفوانيس طقم بضفيرته لكن صينى
وكان اغلى من الاصلى وبصراحة البياع قالى مش هتفرق معاك اى حاجة (الضفيرة) والكهربائى هو هيظبطها بدون ضفيرة
وفعلا ده اللى حصل
................................*
محمود عينو