العربيه اتخبطت ودمي غلي على الصبح
وديت بنتي الحضانه وماشي في شارع نزلة السمان علشان أطلع المريوطيه لقيت أتوبيس شركة بترول داخل الشارع من الناحيه التانيه ... قلبتله نور علشان يوسعلى راح مقلبلي وزود بنزين واجاي عليا والباشا قفل يميني خالص اتفاجأت طبعا فكسرت شمال مره واحده علشان أفاديه وطبعا هوه ولا هنا دايس بنزين برضه فلطش الجنب اليمين بالمرايه
بصراحه نزلت وقعدت أشتم بعلو صوتي والبلكونات اتملت بشر وروحت فاتح باب الاتوبيس وقافشه من قفاه وبنزله لقيته راجل كبير حاجه وستين سنه
بيني وبينكم لا اراديا كظمت غيظي وقلتله اتقي ربنا وبطلو افترا ولسه هامشي لقيته بيقولي انت اللي غلطان
:untitled 1: غلطان ازاي يا راجل يا كوبره يرد يقول انا بوسعلك يبقا ده جزاتي
اصل اليومين دول اللي يوسعلك ييجي عليك .... مسكت اعصابي وقولتله ربنا ينتقم منك حسبي الله ونعم الوكيل فيك
الموظفين بصراحه اللي راكبين معاه غلطوه وصمموا انه يصلحلي الأضرار بس انا مشيت ومرضتش اوجع دماغي
وبصراحه مش عارف لما حد اكبر منك يغلط ويصر انه مش غلطان يبقا احسن تصرف معاه ايه