-------------- انا محبط --------------
بعد اكثر من شهرين من الثوره
بدأت ابعد عن السياسه والحديث في اخبار البلد
حاسس اننا كل ما نسد خرم يطلعلنا 100 خرم تاني
والجيش شايف ومبسوط
وخطواته مثل السلحفاه
ومابياخدش قرارات الا يوم الاربع او الخميس خوفا من يو الجمعه فقط
انا مش فاهم ازاي اللي ماسك البلد مستني حد يقوله اعمل واعمل
فين صفوت وعزمي وسرور ومبارك
الدنيا طالما نايمه كبر دماغك ده مبدأ المجلس الاعلي للقوات المسلحه
شيء غريب ومريب وكل شويه يطلعوا يقولوا احنا مع الثوره
طيب ماتورينا الشغل
الوحيد اللي عندي امل فيه بعد ربنا هو شرف
برغم انه رفض مطالب الاطباء مش عارف ليه ووافق علي مطالب الكثيرين منهم الشرطه اللي هي اصلا مش موجوده
الا اني حاسس انه عايز يعمل حاجه
ده غير الناس في الشارع اللي ماشي يشتم في الثوره والشباب ويقول محنا كنا كويسين
والبلطجيه اللي ملوا الشوارع واللي عاجبني قوي ان جنب كل شرطي تلاقي واحد شرطه عسكريه او ظابط جيش مش عارف ليه
عامل زي مايكون ابوه واقف جنبه
احباط في الشغل عمل مرهق الي اقصي درجه بدنيا وذهنيا يكفي اقول اني ممكن اقعد اكتر من 36 ساعه بدون نوم
مفيش فلوس مفيش اي امل في فلوس اصلا
اكبر مرتب ممكن اخده 1200 وليه متوافقش عليه لأن شرف رفضه
اهانات غير عاديه من اهالي المرضي في المستشفي لدرجه ان قفلنا استقبال الباطنه والجراحه واضربنا عن العمل
الجيش كان موجود بيأمن المستشفي لكن مشي يوم السبت معرفش ليه
تخيل لما تبقي دكتور وبتتشتم وبيضرب عليك نار وواحد زميلك بيتخطف
ولو مريض مات يبقي اهل المريض عايزين يموتوك وبتهرب منهم وتتطلع تستخبي في المستشفي
حاله عامه من الاحباط علي كل المستويات
معلش قلت افضفض شويه مع اخواتي علشان ما انفجرش :embarrassed: