الموضوع: توكيل كيا مصر هل بدأ يفقد مصداقية خدمات ما بعد البيع

اما عارف ان العنوان صعب شوية بس انا شايف ان ده الواقع من تجربة مريت بيها , الحكاية انى من 3 شهور و نصف قبل صيانة ال 20,000 كم لقيت ان اللمبة بتاعت الشبورة بتطفى و تنور على فترات متباعدة و فضلت متابعها لمدة لغاية اما اتأكدت ان المشكلة فى ذراع الاشارات تقريبا ملمس من جوه و فى الصيانة اللى كانت فى القطامية بلغت ان الشبورة عندى فيه مشكلة و المهندس المسئول قالى ان الذراع لازم يتغير و انه هييجى و مش هياخد وقت , بعدها بشهر اتكلمت علشان اسأل اترد عليا ان الحاجة فى الميناء و لسه مخرجتش ومن يومها و لا حياة لمن تنادى , موضوع خدمات مابعد البيع اتكرر مع حد منكم و ايه رأيكم اتصرف معاهم ازاى ؟؟؟؟

المشاركة الأصلية كتبت بواسطة abouleila

انا الحمد لله بخير ..

فى الحالات اللى زى دى عندك 4 اختيارات

انك تتكلم باحترام وتاخد حقك الطبيعى ( انت جربته )

انك تهلل وتعلى صوتك ( طريقه ناجحه )

انك تبعت شكوى للشركة الام فى كوريا اللى هى اصلا بتحول الشكوى على توكيلها فى

مصرمرة تانية وبعديها تانى يوم الصبح هتلاقى حد بيكلمك ويقولك مشكلتك ايه .

وهيحاول يحلها معاك ( مش مؤكدة )

انك يكون ليك حد فى التوكيل يسهل ويتابع معاك ( طريقة ناجحة )

اختار انت بقى الحل اللى يناسبك منهم .

الظاهر ان الواحد لازم يستعمل الواسطة حتى بعد 25 يناير :(