الموضوع: منتدي هيونداي ام منتدي غبور

والله ياأخى عندك حق
شوف انا لست من ملاك هيونداى او من مشجعي هيونداي
ولكن الصوره التى وصلتني من شكاوي الناس هى ان غبور أسوأ توكيل فى العالم مش في مصر بس
والحقيقه ان كل انسان يجب ان يكون موضوعي
بمعنى ان هل طلباتي التي طلبتها من الوكيل معقوله وعادله ام انها زائده عن الحد؟
لو كل واحد فينا حط نفسه ممكان الوكيل وشاف الموضوع من زواياه الاخرى اكيد حيوصل لقرار مختلف
انا شايف الحقيقه ان غبور استطاع ان يغير سوق السيارات المصري بشكل جذري
للافضل
المنافسه اصبحت اكبر واكيد اصبحت في صالح المشتري صحيح الاسعار ليست عادله ولكن يجب النظر الى ان المستثمر يجب ان يسترد نسبه من استثماره في وقت معقول
صحيح ان في مصر النسبه عاليه جدا ولكن
راس المال دائما جبان ويجب وضع غبور في موقعه الصحيح كقلعة صناعيه يعمل بها الاف من ابناء مصر
و بالمقارنه للتوكيلات من نوعية خد الفلوس واجري غبور ما زال يقدم خدمه معقوله باسعار نوعا ما مناسبه صحيح ممكن تكون اقل ولكن يجب الانتظار

أنا بصراحة خايف ارد

اتهم باني عميل و خائن

لكن برده يا دكتور محمد ،،

لازم تبص للناحية الإيجابية من الموضوع

غبور مش وحش مفترس ماشي ،،

لكن عنده سلبيات كتير برده ،،

طيب ليه منسعاش ان احنا حتي السلبيات دي تنتهي ؟؟؟

حتي لو في هجايص كتير و اكاذيب و مبالغات بالهبل

و حتي ناس دماغها صغيرة بتهيص في الهيصة

عشان تثبت لنفسها حاجات عبيطة في دماغها

مادام في النهاية الهدف نبيل ؟؟

انه يتحسن

و زي مابيقولوا الهدف يبرر الوسيلة ،،

المشاركة الأصلية كتبت بواسطة Ahmed Anwer

أنا بصراحة خايف ارد

اتهم باني عميل و خائن

لكن برده يا دكتور محمد ،،

لازم تبص للناحية الإيجابية من الموضوع

غبور مش وحش مفترس ماشي ،،

لكن عنده سلبيات كتير برده ،،

طيب ليه منسعاش ان احنا حتي السلبيات دي تنتهي ؟؟؟

حتي لو في هجايص كتير و اكاذيب و مبالغات بالهبل

و حتي ناس دماغها صغيرة بتهيص في الهيصة

عشان تثبت لنفسها حاجات عبيطة في دماغها

مادام في النهاية الهدف نبيل ؟؟

انه يتحسن

و زي مابيقولوا الهدف يبرر الوسيلة ،،

أيوه يا بشمهندس أحمد كلامك صح بس أنا برضه مع NileStorm لإن الموضوع فعلاً بقى فيه مبالغة جامدة و بوخ جامد... و ممكن يبقى سبب للناس إاللي لسة متعرفش و بتسأل نها متجبش عربيات هيونداي رغم جودتها العالية نتيحة الكلام ده..
أنا تجربتي القصيرة مع غبور ممتازة حتى الآن و برضه ولا أعرف هناك حد من أكبر موظف لأصغر فراش..
و أحب أقتبس منك كلمة قلتها قبل كدة إنه أصبح من أدبيات المنتدى الهجوم على غبور و ده عندي لا يمثل أي مشكلة لكن للأسف تطور الهجوم ده على إسم هيونداي...
المشكلة إن توكيل هيونداي شوف بيبيع كام عربية و التوكيلات التانية بتبيع كام عربية يعني لو فرضاً الوحش في هوندا أو تويوتا أو دايهاتسو اللي بتبيع 100مثلاً هوا 5 عربيات و الوحش في هيونداي اللي بتبيع 10000 هوا 500 عربية فحسبة بسيطة تقول إنها نفس النسبة 5% بس طبعاً في هيونداي هتسمع أكتر لإنها بتبيع أكتر..
بس إحنا بقى المفروض نكون ناس فاهمين إن هيونداي كدة مش وحشة و زيها زيهم بالظبط و نظرة سريعة على مؤسسات تقييم رسمية و عالمية هتأكد الكلام ده.. هيونداي دايماً في المراكز الأولى خلال الخمس أو ست سنوات اللي فاتوا من ناحية الجودة و الإعتمادية و الحصول على رضا المستهلكين الأمريكيين و الأوروبيين - ياجماعة و الله الناس بس لو شافت أصحاب العربيات الهيونداي بتقول إيه على هيونداي في مواقع التقييم المحترمة تريح نفسها جامد و كمان هتشوف إن عربيات إحنا عاملينها أسطورية جداً هنا زي الكورولا و الانسر و السيفيك رغم إعجابي بهم طبعاً مش untouchable يعني و لا حاجة و ممكن الناس تختلف عليها مفيش مشاكل خالص و برضه ممكن تعطل عادي.
أنا زرت كوريا قبل كدة د و كمان اليابان مفيش أي فرق نهائي في النظام و النظافة و الناس و الناس هما هما و هيونداي لها استوديوهات تصميم و مصانع في أمريكا زيها زي تويوتا و غيرها بالظبط.

و للعلم اليابان أول من إبتدع االـ Reverse Engineering أو الهندسة العكسية للنقل من أمريكا و أوروبا و وراهم كوريا و أخيراً الصين.. علشان كدة أنا شايف إن الصين داخلة بقوة جداً و التريقة عليها، اليابان و كوريا خدوا نصيبهم منها قبل كدة... بس برضه الناس مزودينها قوي.

و فيه توكيلات سيئة في مصر بس محدش حاسس بيها.. و لو دخلنا في كل المتديات هنا هنلاقي ناس بتشتكي من معظم التوكيلات بس كام واحد من كام عربية إتباعت..هيا دي المعادلة اللي الناس مش عايزة تاخد بالها منها...

أسف على الإطالة و شكراً.

انا شايف إن إللى بيحصل دا مصلحة لمالكى هيونادى

لإنه ممكن عن طريق المنتدى غبور يتعدل فى تصرفاته إللى خلته أسوء توكيل فى مصر

و خاصة إن المواضيع إللى معمولة من ملاك هيونداى نفسهم

و لما نيجى نتكلم على هيونداى يبقى لازم نتكلم برضه على غيور لإنه الوكيل الوحيد فى مصر لهيونداى

صح يا storm معاك حق طبعاً و خصوصاً ان بقى فى قسم لشكاوى هيونداى و دى ميزة كبيرة ممكن تضيع او تتأثر بنشر الشكاوى فى غير اماكنها

و كدة كدة هيونداى اكبر انتشار ولسة هاتزيد لآن اللعب فيها على السعر و الفئة و دى حاجة مش ممكن يأثر فيها اى مشاكل تانية مهما كانت .

واى توكيل تانى هايبقى بالانتشار دة .... هايبقى بالسوء دة برضو

والنقطة الحلوة فى الموضوع و اللى ماحدش واخد بالة منها ..ان عربيات هيونداى مش لازمها توكيل خالص ... هى كدة مع نفسها تمام اوى
(حاجتها موجودة فى كل حتة -الكل بيفهم فيها - اى حد ممكن يدلك تعمل اية فيها )

المشاركة الأصلية كتبت بواسطة SEATLOVER

والنقطة الحلوة فى الموضوع و اللى ماحدش واخد بالة منها ..ان عربيات هيونداى مش لازمها توكيل خالص ... هى كدة مع نفسها تمام اوى
(حاجتها موجودة فى كل حتة -الكل بيفهم فيها - اى حد ممكن يدلك تعمل اية فيها )

إزاى بس يا عمرو دى لازم يكون لها توكيل علشان الضمان يصلح عيوب التقفيل إللى موجودة فيها
يعنى حضرتك أجيب عربية و الاقى فيها عيوب تقفيل و أروح أدفع فلوس بره علشان مش محتاجة توكيل و أى حد بيفهم فيها

دى عربيات هيونادى المتجمعة فى مصر لازم يكون لها توكيل محترم علشان يظبط عيوب التقفيل

دا فيه واحد فى المنتدى غيروا نص موتور يبقى لو مش محتاجة توكيل يروح يدفع تمنه بره وهى مش مكملة 20000 الف

أنا معاك فى إن الكل بيفهم فيها لكن إللى بيجيب عربية زيرو معندوش إستعداد يدفع فلوس بره علشان يصلحها