نصيحه لشراء اوبل ( فيكترا / استرا )

**BMW30** · 06-04-2011 03:43 PM

السلام عليكم نصيحه لأخوكم لو عايز اركب اوبل ومعايا 45-50 الف ترشحولي ايه وايه عيوب ومميزات كل عربية اتمني ماكنش تقلت عليكوا
محمد

**فادى محمد** · 06-04-2011 04:16 PM

وعليكم السلام ورحمه الله وبركاته ,منور قسم اوبل.

+هما ال50 الف طبعا يجيبوا اوبل فيكترا ايه(الشكل القديم) وتبقي حالتها حلوه في منها ال1600 المانوال وفي ال2000 الاوتوماتيك ,عربيه ظلطه مش ممكن يتكرر الموديل ده قطع غيارها متوفره جديد ومستعمل وسعرها حلو بالنسبه لركوب سياره اوروبي وبالتحديد الماني والموديل ده مافيهوش اي عيوب تذكر غير زياده في استهلاك البنزين في الاوتو

+يجيبوا اوبل فيكترا بي(الشكل الجديد) اوتوماتيك ونفس المميزات السابقه واستهلاكها للبنزيد زياده برده وممكن تزود الف او 2 وتجيب نفس الشكل مانوال 1600 سي سي استهلاكها ممتاز احسن من اللانوس والاوبترا والصني

+يجيبوا برده استرا 1200 سي سي بس موتورها ضعيف شويه وحساس الهوا لازم يتغير كل فتره وقليل شويه وغالي ولو كملت خمس الاف كمان تركب استرا 1600 سي سي ممتازه موتور ايكوتك .
وربنا يوفقك

**abdoghanm** · 06-04-2011 08:50 PM

اهم شيء سواء فكترا او استرا اكشف عليها كويس جدا و يستحسن في التوكيل لحسن تكره نفسك و استخير ربنا قبل اي شراء

**N.a.j.d** · 06-04-2011 09:44 PM

التوكيل ََ!!!! دا توكيل فاشل للاسف

**tananybasha** · 07-04-2011 12:06 AM

زى ما قال فادى
و لما تدور على عربية شوف عربية مش متهانه و عايزة شغل و قرف
هاتها على الركوب و السفر الفورى

**Haitham10** · 07-04-2011 04:41 AM

طب معلش هستأذنكم توصفوا الموديلات الي تحت ال60 الف جنيه بالصور عشان اخوكم مبيعرفش يفرق بصراحه لان عربيات الاوبل دايما بتبقي شكلها نضيف موديلها مبيبنش تسعينات ولا الفينات فمبعرفش غير ان دي استرا او فيكترا .. يمكن الواحد يفكر يركب الماني نفسي اجرب وهل هحس بفرق في قطع الغيار بما اني راكب لانسر ك إنتشار او اسعار ؟ وشكرا ليكم جدا علي الموضوع دة

**shehabsemary** · 07-04-2011 08:06 AM

المشاركة الأصلية كتبت بواسطة BMW30

الف شكر لكل الناس المحترمه اللي ردت بس ممكن اعرف الشكل القديم موديل من كام ولكام وكذلك الشكل الجديد معلش هتقل شوية عليكما بس عامة انا عايزها مانيول 1600 سي سي

إسمحلي أرد أنا على السؤال ده...لإني و لله الحمد...مش ببطل تفكير فيكي يا أوبل

الأوبل فكترا 3 أنواع( أو أشكال بس الجوهر واحد) على مدار السنين A B C

النوع A و ده بدأ على ما أتذكر من 1992 و حتى 1995

النوع B و ده بدأ عام 1996 و حتى عام 2001...... و يتميز النوع B بشكلين
من 1996 و حتى 1999 الأصدام الأمامي و الخلفي يوجد فيه فيبر أسود من الأعلى
إنما من2000 إلى 2001 الأكصدام بقى أكبر الأمامي و الخلفي مع إختفاء الجزء الأسود منه...بس محتفظ بنفس الشكل... و في رأيي الشخصي ...هو أفضل الأشكال و أقيمها و يفضل تكون 1600 و مانيوال دا رأي واحد من التوكيل

النوع C و ده بدأ من 2002 و حتى وقتنا هذا...الشكل مختلف تماما ..أفخم طبعا و غالي جدي

و لو حبيت تشتري عربية في يوم ..ممكن اللينك ده يساعدك
http://www.nilemotors.net/Nile/209183-a.html

**BMW30** · 07-04-2011 05:31 PM

الف شكر ياباشا وبأذن الله انضم لفريق اوبل قريب

-

الموضوع: نصيحه لشراء اوبل ( فيكترا / استرا )

LinkBack

أدوات الموضوع

عرض

-

-

-

-

-

المواضيع المتشابهه

طلب نصيحه لشراء بيكانتو 2009 لو سبارك 2011

اريد نصيحه لشراء صنى

معايا اوبل كورسا 1994 ومزغللة عينى اوبل استرا 2000 مع واحد صاحبى بيبيع ايه رأيكو؟

اوبل استرا و اوبل كورسا2006 ما رايكم

معايا اوبل استرا 2001 وعايز اوبل فيكترا ايكو تك راس براس

الكلمات الدلالية لهذا الموضوع

المفضلات

المفضلات

ضوابط المشاركة