عرض للطباعة
الحقيقه انا اريد شراء سياره 7راكب في مصر انشا الله
السعر يفضل ان يكون اقل من 150 الف جنيه انما لو ازيد حاجه بسيطه مش مشكله
واريد ان اسأل ماهي افضل السيارات المتوفره من حيث الشكل والسعر؟
ياريت الاخوه يفيدونا واتمني ان يكون الرد مصحوبا بالسعر و الامكانيات و ياريت لو ممكن صوره للسياره
ولكم جميعا الشكر مقدما
في التيريوس دلوقتي اللي هيا 7 راكب جديده وبنفس السعر ده
واسعار قطع غيارها بالنسبة لمثيلاتها في السعر كويسه جدا وسهلة الصيانة وتوكيل كويس
صعب شوية تلاقى 7 راكب بالسعر ده ، لأن العربيات ال 7 راكب الكبيرة زى كيا كارنيفال ، هيونداى تراجت ، كرايسلر تاون أند كانترى ، كرايسلر فوياجر ، تويوتا إنوفا ، وال جى إم سى يوكن وشيفروليه سوبربان وهكذا ... كلهم على الأقل ضعف السعر ده
أعتقد مش هتلاقى غير تويوتا أفانزا أو تيريوس اللى قال عليها أبو عبد الله ، أو ممكن بيجو 307 ستيشن واجن بس هتزود 20 الف ، وكمان كل كرسى هيزود حوالى 5 الاف من التوكيل ، بس الإختيارات دى هتبقى ضيقة من ورا ومش مريحة شوية
عندى فكرة غريبة أنا شخصياً كنت بفكر أعملها بس لسة ، ممكن تعملها لو مناسبة ليك ، عارف الميكروباص هيونداى H100 الجديد ؟ شغال فى السياحة كويس ، الموديل الجديد شكله حلو جدا جدا ، وشكله مش ميكروباص جماعى يعنى ، إنما أقرب إنه يكون سيارة فان عائلية شيك ! ، وطبعا هيشيل اللى إنت عايزه ، موتوره ديزل 2500 ، يعنى أقوى من أى عربية بالسعر ده ونفس تكلفة الوقود تقريباً ، وطبعاً مش محتاجين نقول إنه هيكون أمتن من أى عربية عادية بالنسبة للبودى والعفشة وأكثر إرتفاعاً وممكن يشتغل ساعات أطول وتكييف أقوى وهكذا ...
أنا مش عارف سعره كام دلوقتى ، لو عجبتك الفكرة إسأل على سعره ، ولو مناسب توكل على الله وماتتكسفش من الناس ، هترخصه أوتوبيس خاص وتركبله ستاير وهيبقى نضيف ومحترم لأنه بتاعك مش شغال عليه سواقين ولازقين ستيكرات وكتابة وكلام من ده
وربنا يوفقك فى الإختيار
حاليا مفيش غير ال افانزا بس بصراحة شكلها صعب جدا بس هية عربية 7 راكب
او فية ال C4 picasso بس العربية ديزل و انت عارف الديزل بتاع مصر بس هية تحفة بجد و ب 180 الف
و دية صورتها من جوة
http://blogs.edmunds.com/.ee934ed/cm...osure..ee934ee
و دية من برة
http://www.automotoportal.com/media/.../060803003.jpg
بس بصراحة مش عارف هل حتترخص ملاكى ولا اية بالظبط ممكن تسأل عنها لو السعر يناسبك غير كدة مقدامكش غير الأفانزا
و فية الكادى لايف بس مش عارف هل هية 7 راكب ولا لأ !
شكراً على طرح هذا الموضوع الجميل
وبصراحة زغللت في عيني فكرة الهيونداي H1 دي . وبالمناسبة هو ممكن يشتغل غاز؟
ياريت ياجماعة لو حد يعرف سعره يقول
مع تمنياتي بالتوفيق
انا شاكر للكل مشاركتكم
ربنا يساعدنا في الاختيار
بصراحه الافانزا انتشرت في الفترة الاخيرة ومش وحشة كفاية انها تويوتا
وممكن ال 307 وتركبلها كنبة خلفية بس على حساب الشنطة ( شفت الموضوع ده في الكويت مش عارف متاح هنا ولا لا )
سمعت أنك عشان ترخّص الهيونداي H1 أتوبيس خاص لازم يكون عندك شركة ومأمن على 8 موظفين !!!
أرجو الإفادة
المرسيدس 7 راكب ودي مش في اي مكان في مصر
دي بتسافر من مصر للعريش
شوفو بقي ماتور العربيه عامل ازاي يتحمل كل ده
الأخ cazanovaاقتباس:
المشاركة الأصلية كتبت بواسطة cazanova555
ياترى سعرها كام؟
ولو عندك معلومات إضافية عنها نكون لك من الشاكرين