اين يوجد افضل توكيل لخدمه سيارات دايو؟

**sammor_28** · 15-04-2008 01:22 AM

ياجماعه انا كنت عايز اعرف فين افضل توكيل لصيانه الدايو ويكون ناس عندهم امانه ومحترمين وشغلهم نظيف لأني روحت التوكيل اللي في طومنباي وكان زي الزفت وكانو عايزين يعملو عليا شغل وقالولي على حاجات بايظه في العربيه وهي كانت سليمه....وشكرا

**sammor_28** · 15-04-2008 02:08 AM

ايه ياشباب ماحدش يعرف انهى اكتر مركز خدمه للدايو محترم ممكن نروحله خصوصا ان لمبه تشيك خلاص هتجنني لنها بتشتغل شويه وتفصل شويه بمزاجها وبعدين في ملحوظه كمان العربيه نوبيرا ولما باجي اشغل التكييف ال rpm بيعلى ويوطى بس بيوطى جامد لدرجه ان العربيه ممكن تبطل لو واقف في اشاره اوي حاجه ياترى حد يعرف ايه السبب....أعذروني انا محتاج استفيد من خبرتكم

**KarimAbulEla** · 15-04-2008 01:21 PM

من المتعارف عليه ان ابو رواش هو افضل مكان تروحه و يليه عدة اماكن بس انا لم اجرب غير ابو رواش و مركز خدمة اخر بجوار البيت لا اذهب اليه الا فى تغيير الاشياء المستهلكة المعروفة

**Abo Shahd** · 15-04-2008 03:23 PM

انا دايما بعمل الصيانه فى توكيل الكويت والبلاد العربيه وانا شايف انهم كويسين مع ان اسعار قطع الغيار هناك تقريبا كده غاليه شويه لانهم حسبونى على تيل الفرامل الامامى ب 120 جنيه غير الضريبه يعنى تقريبا عمل 140 جنيه غير المصنعيه كانت تقريب 40 جنيه بس اهم حاجه تميزه عن توكيل ابو رواش هى الوقت يعنى فى حدود ساعتين او 3 ساعات تكون خلصت الصيانه بعكس توكيل ابو رواش لازم تروح من الساعه 7 الصبح علشات تلحق وتلاقى قدامك 50 عربيه وتخلص على الساعه 3 او اربعه ده ان خلصت فى نفس اليوم

**lakany** · 15-04-2008 05:56 PM

ابو رواش احسنهم بس روح بدرى

**starpro** · 16-04-2008 01:14 AM

توكيل ابو رواش زبالة و اسعاره نار و الكويت و البلاد العربية نفس الكلام شوف حد غيرهم و لو عايز ميكانيكى دايو كويس عندى واحد ممتاز بتعامل معاه و اسعاره جيدة جدا