الراجل لقى عربيته يا رجاااااااااااله والحمد لله
عرض للطباعة
الراجل لقى عربيته يا رجاااااااااااله والحمد لله
الففففففففففففففف مليون مبروك المال الحلال عمره ما بيضيع ابدا
الف مبروك المال الحلال عمره مايضيع
طب ماتقولنا لقاها ازاى :)
ياريت فعلا تقولنا ازاى لاقاها
الف مبروك يا باشا وحمدلله علي سلامة العربية ده انا كنت ناوى اقولك قلبي معاكم عشان اتخيلت نفسى في الموقف ده واتدايقت بجد بس الحمدلله انت جبرت بخاطري ورفعت معنوياتي .. إحكيلنا بأة ايه ال حصل؟
متابع وياريت تقولنا لاقاها ازاى؟
الله يبارك فيكوا يا رجاله
بالنسبه ل لقاها إزاى جالوا تليفون قالوا أستاذ كريم قالوا أه قالوا إحنا لقينا عربيتك !!!!!
قالوا إيه ده بجد إنت مين أصلا !!!
قالوا أنا واحد عربيتى مسروقه ولقيت عربيتك قدامى قالوا طيب خلاص خلاص لما أشوفك تشرحلى إنت فين قالوا العربيه موجوده فى المرج فى حته إسمها الفلاحه وإدالوا العنوان وكريم راح قابل الراجل والراجل معاه 2 غلابه كده المهم إيه الموضوع بقى وإنت عرفت إنها بتاعتى إزاى قالوا أنا كانت عربيتى بردوه مسروقه وحد لقهالى بس الرقم اللى عليها بتاع اللوحات موش بتاعى فا بابص قدام لقيت رقمى على العربيه اللى قدامى فا عرفت إن هيه بردوه مسروقه فا قعدت أدور جواها لقيت الكارت بتاعك جوه العربيه فا إتصلت بيك المهم الراجل مشى والإتنين التانيين قالوا لكريم إحنا عاوزين الحلاوه بقى يا باشا راح مديهوم 300 جنيه والإتنين دول بيقولى غلابه قوى وشكلهم موش بتاع سرقه المهم أطر العربيه لإنه لقى البطاريه مسروقه والريداتير مسروق والكاسيت كينوود مسروق وسماعه واحده مسروقه والتانيه موجوده !!! غريبه ديه السماعات كينوود 500 وات وفضى شنطة العربيه وأخد كالون الشنطه غريبه بردوه !!! موش عارف ها يعمل إيه بالكالون بس مجرحنله البوهيه بتاعة العربيه بشكل غريب السقف والشنطه والكابوت بس ديه شكلها شغل عيال صغيره من المنطقه بس مخربشينها بغل وحقد والغريبه بقى إن العربيه موش دايره بسلكتين ولا حاجه بيقولى ما إتفكتش ده دورها بمفتاح
الحمد لله و قوله يخلى باله بقى
بالنسبة اللى اتسرق من العربية ممكن يكون العربية دى قطع غيارها ناقصة فى السوق فممكن يكونوا بيسرقوا منها عشان يبيعوها قطع غيار
معنى كدا ان المكان دا مخصص لتخزين العربيات المسروقه طب ما يجماعه اللى عربياتهم مسروقه ماتنزلو تمشطو المنطقه دى
يمكن ربنا يكرمكم