الموضوع: الشرطة إتظبطت على فكره

المشاركة الأصلية كتبت بواسطة m.mostafa80

انا حصل معايا موقف غريب
فاكرين اول امبارح المطره كانت عامله ازاى
المهم انا مروح من الشغل وكعادتى بعدى من اشاره مديريه الأمن بتاعت الجيزه وكنت دايما بشوف امين معين هناك وبصراحه صعب عليا والمطره نازله فوق دماغه ومفيش اى حاجه تحميه من ميه المطر الشديده ندهت عليه وهنا كان رد فعله غريب ومكنش عايز يجي لولا انى اصريت وكان فى اسلوب رفضه شئ من الخوف والأستغراب ليه بنده عليه
المهم طلعتله الشماسه بتاعت نايل موتورز بتاعت الأزاز الأمامى وقلتله خدها خليها فوق دماغك تحميك من المطر ووانا معدى بكره هخدها منك
رفض وقالى لأ يافندم ممكن تضيع قلتله مش مهم قالى لأ شكرا المهم مشيت وعينى عليه فى المرايا لقيته متسمر فى مكانه اللى كان بيكلمنى منه ورافعلى ايده يشكرنى
انا مش بقول القصه دى عشان استعرض بيها انا بقولها ان لازم يبقى فى مبادره منا حتى لو هما كانو فى ييوم بيئذونا لازم احنا نبادر بالخير معاهم ومره على التانيه هيعرفو ان الناس اللى هما ظلموهم دول هما فعلا اهلهم ومنهاممكن كتير يتغير ولا انتم ليكم رأى تانى

ربنا يفتح عليك ويبارك فيك علي قد مساعدتك واحساسك بالي حواليك

انهارده ان كنت في المرور بسأل علي اجراءات نقل الملكيه

روحت لكشك الفحص كان فيه ظابط برتبة مقدم وقدامه طابور حوالي 10 ولا 12 فرد

انا دخلت له من الباب وبساله علي مهندس الفحص

لاقيته ابتسم وقالي هتلاقيه يا فندم في الحته الفلانيه هناك

وقعد يهزر معايا شويه وكنت لسا همشي علشان اشوف فين مهندس الفحص

قالي استني ثواني وراح نده علي امين شرطه وقاله وصل الاستاذ للمهندس فلان الفلاني

وجه الامين معايا ووداني للمهندس وقالي هوا ده

وكان بيفحص عربيه

عربيه لانسر كرستاله مفيش سنتي فيها مش مخبوط او متجرح

والراجل قاعد جواها والمهندس بياخد لفه حوالين العربيه كده

قاله يا فندم العربيه محتاجه شوية شغل انا اسف مش هينفع ترخص

قاله انا معنديش وقت وبتاع وعديهالي معلش

قاله حضرتك انا اسف ده شغلي ودي امانه

قاله طيب والعمل؟؟

سكت كده شويه وراح قاله طيب ثواني

نده علي عامل من بتوع رسم النمر ورشها

وراح قاله هتروح مع الدكتور تعمله الشغل الي في العربيه علشان يعرف يرخص

وكان في واحده ست واقفه بعربيه فيليشيا متجرحه شويه برضه قالها اتفضلي معاهم والموضوع مش هياخد ساعه

انا وقتها كنت واقف مزبهل ونسيت اصلا انا جاي ليه !!!!!!!!!

A.Yakout

لا يا استاذ حسين بلاش اكل
علشان منلاقيش حد ادهم اكل مسمم فى مرة
ممكن نحيهم
نديهم ميدالية ولا قلم
حاجات رمزية زى كدة

انا قبل المظاهرات مرة كنت راكن على محور صفط فى ملجا الطواريء
وكنت فاكك عجلة وبركب الدلايات
لقيت بوكس وقف والظابط سالنى فيه حاجة
قلت لا دنا بعمل صيانة بسيطة
قاللى طب عايز عدة
قلت له شكرا
وكان ظابط مباحث
هم فعلا الوحش كان باين عن الكويس