أستملت النهرده المازدا الهاى لاين 2011 - بداية مش ظريفه

السلام على أعضاء وزوار المنتدى الكرام

أستملت النهرده المازدا 3 موديل 2011 من معرض شيرين بالميرغنى
أستلمت العربية من المعرض وروحت المرور عملت الرخصة والنمر

وأنا راجع أكتشفت الأتى

أول شىء عداد السرعه مش شغال - الأر بى أم بس شغال

لمبه ال Check Engine منوره علطول ومعاها لمبة ال ABS وال Hand-Break والهاند مش مرفوعه أصلا

المهم لاحظت الموضوع وطفيت العربية وشغلتها تانى العداد أشتغل
ولمبة ال Check Engine بس هى اللى شغاله

وحاليأ لمبة الشيك أنجين بس هى اللى شغاله علطول
كلمت مهندس فى أبو رواش وقولتله على المشكلة دى
والمهندس طلب منى أجيب العربية أبو رواش علشان يكشف عليها

بداية جميلة جدأ بجانب أنها أتخبتط منى لسه من شوية خبطه بسيطة من الجنب فى الخلف

الحمد لله على كل شىء - حبيت بس أشارك بالمشكلة علشان أى حد يشترى العربية من المعرض وهو بيستلم يشوف المشكلة دى

شكرأ

الف الف مبروك عليك ياباشا ومعلشى بقا العين بس سؤال انتا لية مرجعتش ال عربية المعرض دة حقق

اقتباس:

---

المشاركة الأصلية كتبت بواسطة fahmy

الف الف مبروك عليك ياباشا ومعلشى بقا العين بس سؤال انتا لية مرجعتش ال عربية المعرض دة حقق

---

انا كنت خلاص روحت بيها المرور وعملت الرخصة وعلقت النمر
أعتقد تعاملى بعد المرحلة دى مع التوكيل مش المعرض
لو كنت لاحظت المشكلة دى وأنا بستلم العربية كان أه ينفع يلا النصيب بقى
الحمد لله على كل شىء

و عليكم السلام ورحمة الله
أولا ألف مبروك و إن شاء الله تكون سبب خير لك
بالنسبه للي حصل ده هي لغبطه بسيطه وممكن حضرتك تروح التوكيل و تتحل بإذن الله وعلي فكره سمعت أن التوكيل عامل تحديث للسوفت ويير في العربيه يا ريت تسأل عليه وتعمله
و إن شاء الله خير وطمنا

الف مبرووووووك و ان شاء الله تكون مشكلة بسيطة فى السوفت وير

اقتباس:

---

المشاركة الأصلية كتبت بواسطة hossam99

و عليكم السلام ورحمة الله
أولا ألف مبروك و إن شاء الله تكون سبب خير لك
بالنسبه للي حصل ده هي لغبطه بسيطه وممكن حضرتك تروح التوكيل و تتحل بإذن الله وعلي فكره سمعت أن التوكيل عامل تحديث للسوفت ويير في العربيه يا ريت تسأل عليه وتعمله
و إن شاء الله خير وطمنا

---

شكرأ على المعلومات وأن شاء الله أشوف موضوع التحديث ده وأبلغكم

انا كنت قاري ان التوكيل او المعارض بتفصل العدادات عشان متعدش الكيلو غير لما صاحبها يستلمها

اقتباس:

---

المشاركة الأصلية كتبت بواسطة zoroisill

شكرأ على المعلومات وأن شاء الله أشوف موضوع التحديث ده وأبلغكم

---

لا شكر علي واجب و ألف مبروك تاني و موفق بإذن الله

ربنا معاك و يباركلك فيها و ان شاء الله حاجة بسيطة

مبروك يا استاذ zoroisell ان شاء الله ربنا يديك خيرها و يكفيك شرها....

بص متقلقش العربيه المازدا فعلا عربيه نضيفه ...وحماله اسيه انا معايا بقالها 3 سنين وبصراحه العربيه محترمه بجد ..الحجات البسيطه ديه متخلكش تكره العربيه ...بتحصل .....هقوللك علي حاجه ومتزعلش مني انت برضوه غلطان.....لازم تشيك علي كل حته في العربيه و انت بتستلم....عموما حصل خير وياريت تروح توكيل ابو رواش وتبقي تقولنا ايه اخر التطورات......

والف مبروك المزداويه زادو واحد

الف مبروك و ربنــــا يعطيك خيرها ويكفيك شرها ويبارك لك فيها

الف مبروك يا باشا
و ربنــــا يعطيك خيرها ويكفيك شرها ويبارك لك فيها

فعلا المازداوية زادوا واحد
اهلا بيك



بالنسبة للمشكلة دى حصل خير و ان شاء الله تبقى حاجة بسيطة
بس انا لو مكانك حتى لو علقت النمر هروح المعرض اخنقهم واشوف هيقولوا ايه
انا عارف انهم مش هيعملوا حاجة ولازم تروح التوكيل وان شاء الله خير


انا افتكر وانا بستلم العربية كان فيه فيوز كدة برة و فتحلى الكبوت و ركب الفيوز وقاللى عشان عداد السرعة يشتغل

هل ده حصل معاك ؟
لو مش كدة اسال المعرض

كمان عايز انبهك للحاجات دى مهمة وانت بستلم العربية :

- فحص جسم العربية بالكامل من اى نقر او خدوشات وايضا فحص بطن العربية
- فحص والتاكد من وجود جميع الكارتيرات فوق كل العجل
- التاكد من استلام الاستبن
- التاكد من استلام العدة وهى مفك فى الغالب اسود صليبة وفى نفس الوقت عادة و مفتاح 10 12 على ما اتذكر
- التاكد من استلام الكوريك واليد بتاعته
- التاكد من استلام الشداد لو لقدر الله العربية بتتقطر
- التاكد من استلام عدد 2 مفتاح والتاكد انهم شغالين الاتنين بيفتحوا و بيدوروا الموتور سواء المفتاح العادى او اللاسلكى
- التاكد من استلام كود المفتاح فى صفيحة صغيرة كدة لعمل نسخ فيما بعد بالكود ده
- التاكد من استلام المانوال بتاع العربية
- التاكد من فحص الكاسيت او السى دى شغال تمام والسماعات كلها شغالة
- التاكد من توصيل الفيوز اللى قولتلك عليه فوق
- التاكد من سلامة جميع العلامات اثناء تشغيل المحرك
- التاكد من استلام وتركيب جميع طبات الجنوط او طاسات العجل العادى
- التاكد من استلام وتركيب غطا مكان قطر العربية من الامام وده طبعا بلون العربية
- التاكد من فحص جميع الانوار والاشارات من الامام والخلف
- التاكد من سلامة الطابلوه والصالون والفرش


كفاية كدة لحسن تقولوا عليا ممل ههههههه

والف مبروك يا باشا
عربية فعلا جميلة وهتشوف وتقول بنفسك

الف مبروك و ان شاء الله خير
و زى ما هيما قال انقط دى مهمه انك تشوفها الاول وانت بتستلم و ربنا معاك

الف مبروك وان شاء الله خير وجت سليمة

مبروك يا باشاعلى العربية الجديد... ودى ضريبة بيدفعها كل واحد شارى عربية جديد ... وهى العين هههههههههههههه
ان شاء الله هيكون عيب بسيط ... وربنا يديك خيرها ويكفيك شرها

السلام عليكم .........
مبروووك يا باشا على العربية
بس كان من المفروض تعمل ذى ما اخى الكريم ما قال هيمز دا انا لما استامت المازدا هاى لين من ابو راواش لبست الجونتى بتاعى الجراحين و مشيت بأيدى على الصاج حته حته و كان معايا 3 اشخاص صحابى بيساعدونى و خلصت فى السريع
مش عايز اقولك ان انتا اخترت موزع مش كويس عشان انا رحت قبل كده عندة حسيت من كلامة انه مش فاهم حاجة
احسن موزع انا اتعملت معاه كان ماسترز فى شارع الطيران بس ما شترتش من عندة عشان كان اللون مش موجود
فا اشتريت من ابو راواش مازدا
ايوه دفعت 2000 جم زياده بس ريحت نفسى و العربية الحمد لله تمام نحمد اللة على كل شى
سؤال يا باشا انتا اشترتها بكام
و كمان لة عايز اى سؤال انا فى الخدمة ( انا كمان معايا هاى لين 2010 )

انا ملاحظ حاجة بقالى فترة ان فيه اعضاء كتير ملاك لمازدا و هوندا فى نفس الوقت

هما فعلا تميز اليابانى

السيفيك والمازدا
عربيات محترمة وبتعيش باذن الله

انا برضو اول ماطلعت من المعرض تاكسي حكلي الاكصدام الخلفي
هي شكلها بتتحسد بسرعه
الف مبروك وخلي بالك منها هتريحك قوي وهتكيفك فعلا

الف مبروك و ربنا يعطيك خيرها و يكفيك شرها

كنت عايز اعرف كمالياتها ايه هاى لاين
1-مثبت سرع
2-فتيس 4 سرعات ستيب ترونيك
3-عدد سماعات و امكانيات كاسيت مثل فلاش و بلوتوث
4-كاميرا خلفيه
5-حساس مطر نور و باركنج
6-فيها زينون
7-مرايا تعتيم اتوماتيك
8-باور كهرباء و لا هيدروليك
9-مرايات ضم
10-درج تابلوه فيه تلاجه لما تكييف يشتغل
11-تكييف تاتش و لا بكر
12-كمبيوتر بيعطيك مثلا بنزين يكفيك هتمشى اد ايه و انهوا باب مفتوح و درجه حرارة و غيره
19-مفتاح بصمه
20-انوار مثلا فى ابواب مع كاسيت و انذارات مع انوار
21- هل لما تبقى ماشى على سرعه و تفرمل فجأه الانتظار يشتغل اتوماتيك و ايه عوامل امان حديثه تانى موجوده
22-نظام ملاحه موجود
23-نظام لمقياس ضغط اطارات
24-هل توجد فتحات تكييف خلفيه

يعنى من اخر عايزك تفصصهالى كل كبيرة و صغيرة و ياريت لو بصور يبقى كتر خيرك

السلام عليكم

باشا , اولا مبروك العربيه و ربنا يكفيك شرها
معلش اللي حصل فيها, فدت اي حاجه تانيه , المهم انك بخير :)

بالنسبه للمبة Check engine
افصل البطاريه و سبها 3 او 4 دقايق و وصلها تاني و دور العربيه و كام ثانيه و هتلاقيها طفت انشاء الله

دا حصل مهايا اول ماستلمت عربيتي بعد مركبلي الفيوز بتاع السرعه
و لما سئلت ليه بتفص البطاريه, قالي بعد مبتركب اي حاجه خاصه بالكهربا
الكمبيوتر بيحس ان في حاجه غلط و بينور
فلازم تعمل زي restart

و الله اعلم

تحياتي و تقبل مروري
و الففففففففففففف مبروك

اقتباس:

---

المشاركة الأصلية كتبت بواسطة bassem_sams

الف مبروك و ربنا يعطيك خيرها و يكفيك شرها

كنت عايز اعرف كمالياتها ايه هاى لاين
1-مثبت سرع يوجد
2-فتيس 4 سرعات ستيب ترونيك يوجد
3-عدد سماعات و امكانيات كاسيت مثل فلاش و بلوتوث 6 سماعات كاست سى دى واحد مافيش بلوتوث و يوجد مخرج اوديو
4-كاميرا خلفيه لايوجد
5-حساس مطر نور يوجد
و باركنج لا يوجد
6-فيها زينون يوجد
7-مرايا تعتيم اتوماتيك لا يوجد
8-باور كهرباء و لا هيدروليك الاثنين
9-مرايات ضم يوجد
10-درج تابلوه فيه تلاجه لما تكييف يشتغل لا يوجد
11-تكييف تاتش و لا بكر تاتش
12-كمبيوتر بيعطيك مثلا بنزين يكفيك هتمشى اد ايه و انهوا باب مفتوح و درجه حرارة و غيره ايوه
19-مفتاح بصمه لايوجد
20-انوار مثلا فى ابواب مع كاسيت و انذارات مع انوار لا يوجد
21- هل لما تبقى ماشى على سرعه و تفرمل فجأه الانتظار يشتغل اتوماتيك و ايه عوامل امان حديثه تانى موجوده لا يوجد
22-نظام ملاحه موجود لايوجد
23-نظام لمقياس ضغط اطارات لا يوجد
24-هل توجد فتحات تكييف خلفيه لا يوجد

يعنى من اخر عايزك تفصصهالى كل كبيرة و صغيرة و ياريت لو بصور يبقى كتر خيرك

---

الف مبروك .. تمنها كام الآن ؟ وهل خليجي ولا توكيل غبور ولا سوناستا ؟

ردا على الأخ mohamed 456:

انا ماشترتش العربية ، بس مهتم بيها جدا وشفتها وركبتها في كذا معرض وهاجاوبك على قد المعلومات اللي انا متأكد منها :

1-مثبت سرعة : موجود
2-فتيس 4 سرعات ستيب ترونيك : موجود
3-عدد سماعات و امكانيات كاسيت مثل فلاش و بلوتوث : 6 سماعات ( معرفش اذا كان فيه فلاش او بلوتوث ، بس فيها فتحة AUX)
4-كاميرا خلفيه : غير موجودة
5-حساس مطر نور و باركنج : حساس مطر موجود ، اوتو لايت موجود ، لكن الباركينج مش موجود
6-فيها زينون : زينون HID وتعديل مستوى الإضاءة اوتوماتيك
7-مرايا تعتيم اتوماتيك : لا أعلم
8-باور كهرباء و لا هيدروليك : هو مش كهرباء ، لكن مش متأكد إذا كان هيروليك بس ولا هيرواليكتريك
9-مرايات ضم : موجودة
10-درج تابلوه فيه تلاجه لما تكييف يشتغل : لا أعلم
11-تكييف تاتش و لا بكر: مش متأكد لكن التكييف فيها اوتوماتيك مش مانيوال
12-كمبيوتر بيعطيك مثلا بنزين يكفيك هتمشى اد ايه و انهوا باب مفتوح و درجه حرارة و غيره : موجود
19-مفتاح بصمه : مش متأكد قصدك ايه ببصمة ، بس مفتاحها فيه نظام keyless entry
20-انوار مثلا فى ابواب مع كاسيت و انذارات مع انوار : الكاسيت فيه انوار شكلها تحفة ، لكن الأبواب مش متأكد
21- هل لما تبقى ماشى على سرعه و تفرمل فجأه الانتظار يشتغل اتوماتيك و ايه عوامل امان حديثه تانى موجوده:عوامل الأمان : ABS, EBD, BAS, 2 Airbags,
22-نظام ملاحه موجود: لا يوجد
23-نظام لمقياس ضغط اطارات : لا أعلم
24-هل توجد فتحات تكييف خلفيه: لا توجد

فبها كمان : فوج لايت ، مرايات كهربا ، تارة ملتي ، شاشة للمعلومات و كمبيوتر رحلات ، فتحة سقف ، سي دي كاسيت 6 سي دي ،

ياريت سعر الهاي لاين ياباشا

مبروك العربية وان شاء الله تتحل المشكلة دي

اقتباس:

---

المشاركة الأصلية كتبت بواسطة hady21

ياريت سعر الهاي لاين ياباشا

---

سعر الهاي لاين موديل 2011: 163000
سعر الهاي لاين موديل 2010: 152000

اقتباس:

---

المشاركة الأصلية كتبت بواسطة mazdafan

ردا على الأخ mohamed 456:

انا ماشترتش العربية ، بس مهتم بيها جدا وشفتها وركبتها في كذا معرض وهاجاوبك على قد المعلومات اللي انا متأكد منها :

1-مثبت سرعة : موجود
2-فتيس 4 سرعات ستيب ترونيك : موجود
3-عدد سماعات و امكانيات كاسيت مثل فلاش و بلوتوث : 6 سماعات ( معرفش اذا كان فيه فلاش او بلوتوث ، بس فيها فتحة aux)
4-كاميرا خلفيه : غير موجودة
5-حساس مطر نور و باركنج : حساس مطر موجود ، اوتو لايت موجود ، لكن الباركينج مش موجود
6-فيها زينون : زينون hid وتعديل مستوى الإضاءة اوتوماتيك
7-مرايا تعتيم اتوماتيك : لا أعلم
8-باور كهرباء و لا هيدروليك : هو مش كهرباء ، لكن مش متأكد إذا كان هيروليك بس ولا هيرواليكتريك
9-مرايات ضم : موجودة
10-درج تابلوه فيه تلاجه لما تكييف يشتغل : لا أعلم
11-تكييف تاتش و لا بكر: مش متأكد لكن التكييف فيها اوتوماتيك مش مانيوال
12-كمبيوتر بيعطيك مثلا بنزين يكفيك هتمشى اد ايه و انهوا باب مفتوح و درجه حرارة و غيره : موجود
19-مفتاح بصمه : مش متأكد قصدك ايه ببصمة ، بس مفتاحها فيه نظام keyless entry
20-انوار مثلا فى ابواب مع كاسيت و انذارات مع انوار : الكاسيت فيه انوار شكلها تحفة ، لكن الأبواب مش متأكد
21- هل لما تبقى ماشى على سرعه و تفرمل فجأه الانتظار يشتغل اتوماتيك و ايه عوامل امان حديثه تانى موجوده:عوامل الأمان : Abs, ebd, bas, 2 airbags,
22-نظام ملاحه موجود: لا يوجد
23-نظام لمقياس ضغط اطارات : لا أعلم
24-هل توجد فتحات تكييف خلفيه: لا توجد

فبها كمان : فوج لايت ، مرايات كهربا ، تارة ملتي ، شاشة للمعلومات و كمبيوتر رحلات ، فتحة سقف ، سي دي كاسيت 6 سي دي ،

---

تمام يا باشا
بس السى دى واحد بس مش 6
الا اذا هما ستة و انا مش عارف

انا بشتغل في هيونداي غبور (( مازدا وهيونداي )) وكنت بشتغل في فورد من قبل :

الي حصل معاك مشكلة بسيطة ان الكونترول للسيارة به عطل بسيط بسبب فصل الفيشة بتاعت عداد السرعة وبالتالي تأثر على كل شيئ بالسيارة وهي مشكلة بسيطة ,,
مشكلة كل الموزعين لفك عداد السرعة لتحرك السيارة بدون عد بالعداد,,,

والف مبروك وربنا يباركلك فيها ,,,

اقتباس:

---

المشاركة الأصلية كتبت بواسطة ashraf_fawzy

انا بشتغل في هيونداي غبور (( مازدا وهيونداي )) وكنت بشتغل في فورد من قبل :

الي حصل معاك مشكلة بسيطة ان الكونترول للسيارة به عطل بسيط بسبب فصل الفيشة بتاعت عداد السرعة وبالتالي تأثر على كل شيئ بالسيارة وهي مشكلة بسيطة ,,
مشكلة كل الموزعين لفك عداد السرعة لتحرك السيارة بدون عد بالعداد,,,

والف مبروك وربنا يباركلك فيها ,,,

---

طيب ايه رأيك في العربيه
هي ولا الالنترا لأن انا كان معايا النتراوبقارن بينها وعايز اعمل موضوع مقارنه يفيد الناس
واحطله 95 ولا كفايه 92

اقتباس:

---

المشاركة الأصلية كتبت بواسطة mazdafan

سعر الهاي لاين موديل 2011: 163000
سعر الهاي لاين موديل 2010: 152000

---

غريبة ليه الاسعار عليت وهى نفس العربيه بنفس الامكتنيات

10000 كتير قوى

نفس الكلام فى السيفيك

اقتباس:

---

المشاركة الأصلية كتبت بواسطة himaz

غريبة ليه الاسعار عليت وهى نفس العربيه بنفس الامكتنيات

10000 كتير قوى

نفس الكلام فى السيفيك

---

لا يا باشا الاسعار معليتش هى 162 من الاول و وصلت 152 عشان عرض الكاش باك, عموما الهاى لاين 2010 خلصت من بدرى , انا لما جبت العربية اللى معايا فى اول السنة ملقيتش هاى لاين خالص

أنا أشتريت المازدا شهر 8 2010 أول ما نزلت والحمد لله عربية زي الفل باستثناء أنها ضيقة من الكنبة اللي وراء وواطية وبتحك في المطبات...بس عربية ما شاء الله ملهاش حل

الف مبروووووووووووووووك ... و متهيألي اللخبطة ده ممكن تكون مطرح الراكنة و الشحن بالنسبة للشك إنجن و الهاند بريك اما موضوع العداد فلازم يتكشف عليه و مبرده لو ماعملش كده تاني يبقي استنه صيانة ال 5 لكن لقيت لخبطة ماتستناش و اجري علي غبور يا باشا

إن شاء الله بسيطة وأهي تاخد العين. ألف مبروك وربنا يباركلك فيها

اقتباس:

---

المشاركة الأصلية كتبت بواسطة zoroisill

السلام على أعضاء وزوار المنتدى الكرام

أستملت النهرده المازدا 3 موديل 2011 من معرض شيرين بالميرغنى
أستلمت العربية من المعرض وروحت المرور عملت الرخصة والنمر

وأنا راجع أكتشفت الأتى

أول شىء عداد السرعه مش شغال - الأر بى أم بس شغال

لمبه ال check engine منوره علطول ومعاها لمبة ال abs وال hand-break والهاند مش مرفوعه أصلا

المهم لاحظت الموضوع وطفيت العربية وشغلتها تانى العداد أشتغل
ولمبة ال check engine بس هى اللى شغاله

وحاليأ لمبة الشيك أنجين بس هى اللى شغاله علطول
كلمت مهندس فى أبو رواش وقولتله على المشكلة دى
والمهندس طلب منى أجيب العربية أبو رواش علشان يكشف عليها

بداية جميلة جدأ بجانب أنها أتخبتط منى لسه من شوية خبطه بسيطة من الجنب فى الخلف

الحمد لله على كل شىء - حبيت بس أشارك بالمشكلة علشان أى حد يشترى العربية من المعرض وهو بيستلم يشوف المشكلة دى

شكرأ

---

احب اوضحلك سبب مشكلتك دى
السبب فيها ان فى الغلب كل معارض مصر بتشيل فيشه العداد عشان العربيات الجديده تتنقل بين المعارض من غير متعد كيلومترات ولما بيجى يوصلها تانى بتكون مسجله عطل ومجرد مابتروح التوكيل بيعملها ريسترات وتعيش بقا بالعربيه الجديده
وانشاء الله تكون اخر المشاكل الف مبروك

يا جماعة أنا نزلت عربيتي مازدا 3 من الأمارات و هي فول أوبشن
لونها أزرق سماوي

و عاوز أبيعها ممكن حد يقوللي بكام

هي عاملة حوالي 8000 كيلو

و فيها كل حاجة ما عدا الباركينج سنسور

موديل 2010

فيها خدش واحد فقط

رجاء حد يقولي سعرها كام دلوقت