عربيتى مخنوقة سحبها قل شويه اصلها فصلت منى بنزين مرتين وانا محتار اجيب اسبراى اللى الميكانيكى بيرشه عند الرشاشات ولا اجيب منظف رشاشات وايه افضل نوع
عرض للطباعة
عربيتى مخنوقة سحبها قل شويه اصلها فصلت منى بنزين مرتين وانا محتار اجيب اسبراى اللى الميكانيكى بيرشه عند الرشاشات ولا اجيب منظف رشاشات وايه افضل نوع
متابع
السلام عليكم و رحمة الله
هو لو السحب قل يبقي الأفضل لو مواعيد الصيانه قربت تعمل صيانه وتكون
فلتر بنزين _ تنظيف حساس الأيدل _ تغيير فلتر الهواء _ تغيير بوجيهات
أما لو عايز تستخدم منظف الأنجكشن و دورة الوقود يبقي أشتري علبه من المحطه و حضرتك بتفــول وجربها
و أبقي طمنا عملت أيه
شراء المنظفات زى قلتها انا اشتريت بتاع اربع مرات ورا بعض وما بتعملش حاجة وكنت شارى منتج بى 65 جنيها لتنظيف الدورة كاملة
يا جماعة في خلطكبير ما بين استخدام منظفات الرشاشات و منظفات الوقود كل واحد فيهم لية طيقة مختلفة في الأستخدام والأفراط في استخدامهم يضر اكثر مما يفيد
منظف الرشاشت تستخدمة علي اخر 15 او 20 لتر في التانك وتحرق عليهم و بيتعمل كل 5000 الي 10000 كيلو و كترة عن الحد ممكن يسبب تسييل في الرشاشت عشان كدة لا انصحك تكتر منة لو ماجبش نتيجة من اول استخدام يبقي فية عيب تاني عندك ومفيش داعي تضعي فلوسك اكتر من كدة "ساعتها تغسل الرشاشت في ورشة فيها الترا سونيك" او تغيرها
اما منظف دورة الوقود بيكون مواد تانية خاص وبيتحط علي تانك مليان وكل 25000 كيلو مش كل تفويلة زي ما فية ناس بتعمل يقوم مبوظ خراطيم الوصلات و الفلتر
وفايدتة تنظيف الدورة ابتداء من الطرمبة لحد الفلتر و ملوش علاقة بالرشاشات خالص فمتتوقعش انك لو جبت علبة لو حتي ب100 جنية انها هتعمل حاجة لو اصلا دورة الوقود عندك نظيفة
الحل
لو حسيت ان سحب المكنة ضعف تعمل الصيانة الدورية من تغيير فلاتر و زيت و خلافة ماجبتش نتيجة تعمل تنظيف للرشاشات مرة واحدة فقط اذا منفعش تحطهم علي الترا سونيك طلع فيهم عيوب تغيير المعيوبين فقط مش تغير كلة برضة بعد كل ده لسة السحب وحش يبقي العيب برة قصة دورة الوقود و ممكن يا اما حاجة في الفتيس يا اما حاجة في المكنة
لو في الفتيس تعرفها من الطلعة وحشة و التسارع وحش و فية رجة اوا اصوات عالية مع النقلات او نتشات ما بين الغيرات و خشانة وخلافة
في المكنة لو المكنة بتتطلع معاك حلو وبعيدن بتموت علي سرعة معينة يعني مبتكملش بعد 120 مثلا او ما بتكملش بعد 140 ساعتها تروح محطة بنزين نظيفة وتقيس كبس المكنة هتعرف فين التنفيس و التهريب اللي بيحصل وتغير ما يلزم تغييرة
دي وجهه نظري باذن الله لو ميش علي الخريطة ان شاء الله متضييعش فلوس كتير ملهاش لازمة ومش هتاخد من وراها نتيجة وعلشان تبعد عن الميكانيكية عشان معظمهم ببعيشو علي قفانا احلي عيشة
تقبل مروروي
ممكن اعرف منك بنزينه محترمه اكشف عندها عالموتور وتعرفنى التنفيس فيناقتباس:
المكنة بتتطلع معاك حلو وبعيدن بتموت علي سرعة معينة يعني مبتكملش بعد 120 مثلا او ما بتكملش بعد 140 ساعتها تروح محطة بنزين نظيفة وتقيس كبس المكنة هتعرف فين التنفيس
شل بشارع الهرم
هو فية زميل نصحنى بانى اشترى زجاجة اسمها max44
وهى لونها ازرق
بتتحط على اخر شوية بنزين بالتنك وتمشى عليهم شوية وبعدين تفول العربية بالكامل
بس أنا لسة هاشتربة
لو عايز منظف رشاشات فيه عبوة سودة stp مكنوب عليها منظف رشاشات بالانجليزي طبعا ودي امريكي انا لسة حاطط عبوة على تفويلة التانك امبارح تمنها 33 جنية
وخلي بالك في كذا نوعstp انت هتجيب السودة