الى كل واحدعنده صفاره على سرعة 100 الخبر اليقين

**ma_zaher** · 07-04-2011 03:09 AM

الخبر اليقين
الصفاره دى يا اخونا فعلا من الكبوت الكبوت بيبق مفارق مليات بس بيعمل الصفاره دى والتوكيل عرف كده وبيعملها وانت واقف بس لازم تقوله
انا رحت عملت الصيانه بتاعت 5000 فى العبور وقلت له على الصفاره دى وبعد مخلص الصيانه سالته عملت ايه فى الصفاره قالى روح ورا هتلاقى ورشة السمكره قول لهم وشوف هما هيقولو ايه
رحت قابلنى مهندس رفع كده المهم قلتله قالى ماشى وبعدين لف حولين العربيه لفتين وقالى انا عرفت ده من ايه ده من الكوالين بتاعت الباب طبعا مدخلش دماغى الموضوع ده المهم قلت يمكن انا مبعرفش حاجه قلتله بس ده مستحيل قالى بكل ثقه انا واثق من كلامى هنظفهالك وهتشوف قلتله ماشى المهم جاب رشاش ورش فى كل كلون رشتين وقالى اطلع جرب انا قلت ده عبيط ولا ايه المهم خدته على قد عقله وطلعت جربت لقتها زى مهيا رجعت له تانى وقلتله مش قلتلك قالى والله ومستغرب جدا المهم نده ليا مهندس تانى بس شكله من البدايه كان فاهم قالى تعالى ورينى العربيه وورتهاله قلى بس عرفت ده من ايه قلتله من ايه قالى على موضوع الكبوت ده والصراحه كان واضح انه فاهم وقالى احنا دورنا كتير عل المصدر وعرفنا فى الاخر ان هى من الكبوت وعملها والحمد لله راحت

**abo_pasem** · 07-04-2011 11:21 AM

بس هوا عملك إييه في الكبوت؟

بس تحفه قوي المهندس بتاع كوالين الباب

فيه مهندس تلاقيه واقف قدام العربيه زي الالف كده مش فاهم اي حاجه وييجي صنايعي ويظبط الكلام

والاسم مهندس

ابو باسم هدانا الله

**gebreel** · 07-04-2011 11:21 AM

شكرا يا باشا على نقل التجربة

**MOUSTAFA_SAAD** · 08-04-2011 04:51 PM

شكرا على المعلومه

**shoka** · 08-04-2011 05:11 PM

شكرا وياريت توضح هو عمل ايه بالظبط فى الكبوت

**mohandes0ali** · 09-04-2011 03:34 AM

يا جماعه خدو بالكو الله يخليكو

انا كان عندي نفس الصفاره وقالولي من الكبوت وعملوها
والصفاره راحت

تمام تمام

المصيبه اني بعد مارجعت من التوكيل لقيت ان الكبوت معدش بيقفل كويس

يعني بيشبك مع اللسان بس مش هتسمع طقه القفله اللي لازم تسمعها عشان تعرف انو قفل

بالعربي كده

انا اقدر افتح الكبوت من غير ما اسحب الدراع اللي جوا العربيه

وهطر ارجع الصيانه تاني ....

**abo_pasem** · 09-04-2011 08:46 AM

طيب مكان يركبلك كاوتشه رفيعه من اللي بتركب في الببان وخلاص

**ma_zaher** · 10-04-2011 03:40 AM

معلش يا جماعه انا كنت مسافر اليومين الى دول والحمد لله رجعت مكنتش عارف ارد
المهم
كل الى عمله المهندس انه نزل كالون الكبوت الى مثبت فى جسم العربيه عن طريق صامولتين فكهم ونزل حوالى نص سم بس وربط تانى والكبوت بيقفل كويس جدا ومفيش اى حاجه
وانا راجع النهارده من السفر جبت بالعربيه 170 على الدائرى عند الوصله الجديده بتاعت المطار والعربيه مشاء الله ثبات جميل ومفيش صفاره ولا اى حاجه بس لسه صوت الماتور عالى شويه وبيعمل فيبريشن عند 3 و3.5 اربى ام دى الملحوظه الوحيده

**akerima** · 10-04-2011 11:21 AM

http://www.nilemotors.net/Nile/209278-a.html

ده موضوع كنت رادد علية في المنتدي بيشتكي من نفس السبب والله يا جماعة التوكيل عندنا في الاسكندرية بيعمل الموضوع ده اتوماتيك انا مش عارف ازاي في القاهره لسة بيشتكشفوا فية صوت الصفاره من الكبوت