الموضوع: هل الايفو فقدت مايمزها بعد السعرالجديد ؟ سؤال للنقاش ؟

السلام عليكم .. كلكم عارفين طبعا اسعار الايفو الجديدة والي وصلت الى 121 الف للايفو الPKG2 اوتو
كانت ب 109 الف .. يعني زيادة 11 الف جنيه تقريبا يعني 10% زيادة بدون اي كماليات زيادة .

فبنظرة سريعة على المنافسين و كنا بنقول انها اكتر مايمزها سعرها .... هل ياترى حتفضل "مميزة" ... اولا المنافسة من نفس الفئة :


- سيــــات ابيزا 2011 - 1600 كاملة اوتوماتيك - 125 الف ( 1600 سي سي - DSG +ESP)

- فورد فيستـا 2011 1400 اوتوماتيك ( 5 ابواب )كاملة - 119 الف ( 1400 - 95 حصان )

- فورد فيستـا 2011 1400 اوتوماتيك ( 3 ابواب )كاملة - 122 الف ( 1400 - 95 حصان )

- فولكس فاجن بولو 2011 - 1400 اوتوماتيك كاملة - 130 الف جنيه

- اوبل كورسا 2011 اعلى فئة اوتو 1400 سي سي - 130 الف جنيه

- بيجو 207 1600 سي سي اوتو اعلى فئة - 131,900 جنيه

سكودا فابيا 1600 اوتو - 125,900


كل الي فات دول سيارات اوربية متميزة و يمكن بعضهم على الورق و التقيمات اعلى من الايفو كمان ! (مثل الفيستا )
كل الي فاتوا محركتاهم اقوى بكتير جدا جداد جدا جدا من الايفو ماعدا البولو يمكن و كلهم متقاسين NET علشان محدش يقولي الحصان الايطالي و الاي كلام ده .

يا ترى في ظل المنافسة العنيفة الي اوماترا حطوا نفسهم فيها ... باقل محرك متواجد للايفو ؟
حتى بالامكانيات الزيادة نسبيا عن بعض السيارات !!

ياترى لسة في حد بيفكر فيها ؟؟؟

انا بصراحة بصراحة ... كنت ناوي احجز ايفو مانوال PKG2 بيضاء على شهر 6 ... بس بالاسعار دي ... بشاور عقلي بصراحة اني اتجنب فيات خالص دلوقتي :) خصوصا بعربية ممتازة زي الفيستا بقت ارخص من الايفو !

ياترى تتوقعوا ايه الي يحصل ؟

ده طبعا غير ان في ناس كتيرة ممكن تفضل حاجة اسيوية اكبر اصلا عن الايفو ( دماغ تانية تحترم برده ) ( تيدا - سيتي - لانسر - سيراتو - الانترا - i20 - i30 - الخ الخ الخ )