انهى تيل تيــــت اللى كان بيعمل كدة

**mido_soliman** · 07-04-2011 12:02 PM

ازيكوا يا اسود اتمنى تكونوا بخير
عندى صوت طقة بيظهر من العجلة الخلفية (اللى ناحية السواق) بتحصل مع كبس فرامل بس ساعات ساعات مش دايما يعنى لازم عند دوسة فرامل تكون قوية شوية
المهم الصوت دة مكنش بيظهر معايا الا من يومين تقريبا فانا عندى توقعين
1-الصوت دة من التيل التيت اللى راكب فى التوكيل وتقريبا كان فى شكوى قبل كدة من حاجة كدة ان التيل بيلق فى المكان او ان مقاسة مش مظبوط
2-الاحتمال التانى ضعيف جدا وان يكون المساعد وانا استبعد حاجة كدة لانى بحسس على العربية فى النقر والمطبات(ببقى هاين عليان انزل اشيلها اعديها المطب واكمل مشى )
عايز اقتراحات وتصورات ودردشة فى نفس الوقت
يعنى مش الاقى 5000 مشاهدة وردين :) كلة يدخل يشارك لان المنتدى بعافية بقالة فترة
تحياتى

**MohssenRashed** · 07-04-2011 12:20 PM

انا معرفش بس قولت ارد بدل ماتتحسب مشاهدة على الفاضي هههههه . ان شاء الله تطلع حاجة بسيطة والاسود هنا يفيدوك اكتر مني.

**eslam_wega** · 07-04-2011 12:37 PM

ركبت تيل نوعة اية وراء ؟

**mido_soliman** · 07-04-2011 01:54 PM

المشاركة الأصلية كتبت بواسطة eslam_wega

ركبت تيل نوعة اية وراء ؟

المصرى اللى فرحانين بية اوى فى التوكيل وهوة تيل تيت اساسا سواء وراا او قدام الصفارة منقطعة النظير بصراحة

**mido_soliman** · 07-04-2011 01:56 PM

المشاركة الأصلية كتبت بواسطة mohssenrashed

انا معرفش بس قولت ارد بدل ماتتحسب مشاهدة على الفاضي هههههه . ان شاء الله تطلع حاجة بسيطة والاسود هنا يفيدوك اكتر مني.

ههههههه انا مبسوط منك على فكرة علشان انت سمعت الكلام
شرفت الموضوع يا معلم

**prohossam** · 07-04-2011 02:52 PM

وانا بردو معرفش بصراحة بس قلت ارد
هو في تلات انواع تيل في التوكيل :d

**koheya** · 07-04-2011 09:38 PM

المشاركة الأصلية كتبت بواسطة mido_soliman

ازيكوا يا اسود اتمنى تكونوا بخير

عندى صوت طقة بيظهر من العجلة الخلفية (اللى ناحية السواق) بتحصل مع كبس فرامل بس ساعات ساعات مش دايما يعنى لازم عند دوسة فرامل تكون قوية شوية
المهم الصوت دة مكنش بيظهر معايا الا من يومين تقريبا فانا عندى توقعين
1-الصوت دة من التيل التيت اللى راكب فى التوكيل وتقريبا كان فى شكوى قبل كدة من حاجة كدة ان التيل بيلق فى المكان او ان مقاسة مش مظبوط
2-الاحتمال التانى ضعيف جدا وان يكون المساعد وانا استبعد حاجة كدة لانى بحسس على العربية فى النقر والمطبات(ببقى هاين عليان انزل اشيلها اعديها المطب واكمل مشى )
عايز اقتراحات وتصورات ودردشة فى نفس الوقت
يعنى مش الاقى 5000 مشاهدة وردين :) كلة يدخل يشارك لان المنتدى بعافية بقالة فترة

تحياتى

بص يا سيدى. الصوت ظهر عند اعضاء كتير ومنهم انا وحتلاقى كذا توبيك بيتكلم عنة.محدش عارف بالظبط هوة منين بس الاكيد ان شاء الله انه مش من التيل لان الصوت الى قاصدى علية بيبقى زى خابطة جوة العربية مش برة ودى فى التوكيل بيربط صامولة جوة الشنطة وبيربط حاجة فى العفشة للاسف معرفش اية هية والصوت بيروح خالص وبعد كدة بيرجع تانى يزورك كدة كل كام مطب واحيان تاخد نفس المطب واجمد وميظهرش.

**mido_soliman** · 07-04-2011 09:44 PM

المشاركة الأصلية كتبت بواسطة koheya

بص يا سيدى. الصوت ظهر عند اعضاء كتير ومنهم انا وحتلاقى كذا توبيك بيتكلم عنة.محدش عارف بالظبط هوة منين بس الاكيد ان شاء الله انه مش من التيل لان الصوت الى قاصدى علية بيبقى زى خابطة جوة العربية مش برة ودى فى التوكيل بيربط صامولة جوة الشنطة وبيربط حاجة فى العفشة للاسف معرفش اية هية والصوت بيروح خالص وبعد كدة بيرجع تانى يزورك كدة كل كام مطب واحيان تاخد نفس المطب واجمد وميظهرش.

الصوت مش على مطب ومسموع من العجلة الخلفية مش من جوة العربية خالص لو قافل الازاز مش حسمعة لو حصل

**Raul_7** · 07-04-2011 11:17 PM

المشاركة الأصلية كتبت بواسطة mido_soliman

الصوت مش على مطب ومسموع من العجلة الخلفية مش من جوة العربية خالص لو قافل الازاز مش حسمعة لو حصل

أعتقد إنك مادام سامعه من بره يبقى ممكن يكون من الفرامل واللهِ أعلم يابو حميد.

**farag_alla_83** · 07-04-2011 11:29 PM

انا عندي نفس الموضوع بس حاسس إنه ممكن يكون من المساعدين أو السوست بتاعة المساعدين بس بكبر دماغي علشان هو مش متواصل بسمعه على فترات مختلفة

الموضوع: انهى تيل تيــــت اللى كان بيعمل كدة

LinkBack

أدوات الموضوع

عرض

انهى تيل تيــــت اللى كان بيعمل كدة - انشر الموضوع فى :

-

-

-

-

-

المواضيع المتشابهه

اللى بيتنصب علية بيعمل أية؟؟!!

مين اللى بيعمل العزل الحرارى

عاوز رقم المصنع اللى فى طنطا اللى بيعمل الاكزوزت او الديقيل

موقع بيعمل بيعمل براويز لصور الاطفال زى اللى فى الاستوديهات

يا ترى مين اللى بيعمل كده ؟؟

الكلمات الدلالية لهذا الموضوع

المفضلات

المفضلات

ضوابط المشاركة