المشاركة الأصلية كتبت بواسطة meza
يا جماعة الراجل فاتح الموضوع و نفسه و منى عينه يشوف ناس متفائلين
حققوله أمنيته ....... حرااااااااام عليكم :p
معلش يا أستاذ محمد هانى توووو ..... شوية كده وهتلاقيهم زهقوا من كتر ما بيتكلموا على السلبيات و هتلاقيهم لوحدهم كده بيتلككوا على أى حاجة عشان تطلع حلوة :D
أنا بقى أكتر حاجة بتخلينى أستجم .... هو إنى أمشى فى أى شارع فى القاهرة الساعة 3 4 كده ....
أولاً الجو بيبقى تحفة سواء صيف أو شتاء .... حتى لو فى هواء ساقع لكنه بيفرفش الواحد كده :D
ثانيا أمنيتى إتحققت على أرض الواقع ..... بإنى ألاقى شوارع مصر فضيت من العربيات
ثالثاً الهدوء الرهيب ده...... بيحسسنى إنى فى إسكندرية (زمان) أو مرسى مطروح (دلوقتى) .... يعنى كأنى رحت أصيف فى وسط الدراسة.
بجد نصيحتى لأى حد فيكم زهق من الزحمة و القرف بتاع القاهرة اليومين دول
ينزل يروح أى حتة و يركن العربية على جنب و ييمشى شوية ........ هيحس بإحساس جميل
أنا بعمل الحكاية دى فى وسط الإمتحانات .... عشان الضغط الرهيب اللى بيكون علينا ....
المفضلات