طب بتحب فيها ايه ؟؟؟

**mohamed_88sk** · 15-04-2008 08:06 PM

ماهو لو كلامكو إن الناس 100 100 والحياة زبادي في الخلاط زي مابيقال يبقى ليه إحنا قرفانين؟!!
لا يا جماعة ده نادر اللي تلاقي حد بيساعد مثلا عيز تروح مكان والله في ناس لو ردى يقولك ويوصفلك لو مشيت ورا كلامه يا إما يوديك مكان غير اللي انت عايزة أو ممكن يرجعك نفس المكان اللي أنت فيه تاني.. تخيل؟
دول بيسرقوا بعض في وضح النهار وبيثبتوا الناس قدام الماره ومفيش حد يقول لأ أو حتى يدافع حتى لو أستنجدت بيهم تلاقي لا مبالاه..
عايز حد يزق عربيتك لو لاقيت يا أما يزهق ويسيبك بعد ما يزيق يا أما يزق فعلا يا أما ولا كأنه سامعك والتلات مواقف حصلوا معايا..
مره بقى بقول لواحد من فضلك زق معانا قالي حتديني كام ؟؟؟؟؟؟؟؟؟؟ تخيلوا ؟؟؟
يبقى الواحد يقول إيه ولا يعمل ايه؟؟؟؟

**m7md_hany2** · 15-04-2008 08:19 PM

يا جماعة أنا مبقلش أن الدنيا بمبي..... لأ طبعا .... بس الفكرة كلها أن الواحد يبص شوية علي أي حاجة بتحببه في البلد عشان كده فعلا هنتتجنن و يجلنا حالة اكتأب .... هوا أنا مثلا حياتي وردي..... و الله أنا لو بدأت أتكلم مش هخلص .... المهم ... أنا قصدي من الموضوع ده أن الواح يدخله كدة يلافي حاجة تفرحة .... يعني لو في 3 مواقف حصلولك ...و 1 بس منهم كان حاجة حببتك في البلد .... أحكييه هو ...أتمني تكونوا فهمتوا قصدي و شكرا ياجماعة علي الردود ..... :)

**Mzeid** · 15-04-2008 08:25 PM

1000 1000 مبروك يا أخويا - أنت فاهم بقى ;) - على النجاح و معلش أنا عرفت متأخر

يعني لو حصلك اي موقف في الشارع هتلاقي مليون واحد ممكن يساعدك

أنت هتلاقي اه مليون واحد بس مش بيساعدك إنما بيتفرج عليك

احلى حاجة في مصر انك لما تبقى تايه و عايز تروح حته و سألت حد في االشارع هاتلاقيه ساب الي في ايده وبيشرحلك بكل حماس و حرفية

مش مظبوط الكلام دة لأن كذا مرة أروح القاهرة و أسأل الناس على أماكن عايز أروحها أو عناوين تلاقي بتاع الكشك يقول لك على كلام و بعدها ب 5 متر عسكري المرور يقول لك على كلام تاني و بعدها بشوية أسأل سواق تاكسي يقول لي كلام ثالث غير اللي فات خالص

مش زي الناس بره غتته و دمها بارد

فعلاَ مرة كنت في PIRAEUS فبسأل واحد على محطة المترو لقيته بيبصلي بقرف و الكلمة طلعة من تحت ضرسه

**MEDO80** · 15-04-2008 08:34 PM

المشاركة الأصلية كتبت بواسطة CAMARO

1000 1000 مبروك يا أخويا - أنت فاهم بقى ;) - على النجاح و معلش أنا عرفت متأخر

أنت هتلاقي اه مليون واحد بس مش بيساعدك إنما بيتفرج عليك

مش مظبوط الكلام دة لأن كذا مرة أروح القاهرة و أسأل الناس على أماكن عايز أروحها أو عناوين تلاقي بتاع الكشك يقول لك على كلام و بعدها ب 5 متر عسكري المرور يقول لك على كلام تاني و بعدها بشوية أسأل سواق تاكسي يقول لي كلام ثالث غير اللي فات خالص

فعلاَ مرة كنت في PIRAEUS فبسأل واحد على محطة المترو لقيته بيبصلي بقرف و الكلمة طلعة من تحت ضرسه

البلد دية زي اسكندرية بالضبط تحس البحر قسم بلد اتنين واحدة اسكندرية و الانية بيريوس مع الفرق طبعا عموما شعبها مسالم جدا و في حالهم جدا جدا و مش بتوع مشاكل زي الايطاليين و الاهم من كدا لية سال واحد جريجي ؟ ممكن سال مصري او عربي هناك ما هما عاملين اهل البلد هناك في كل خرم لاقيهم

**Abo_Lina** · 15-04-2008 08:36 PM

انت قلت ان الناس اهي بتحاول تساعدك وده الي انا بتكلم عليه..بصرف النظر انت وصلت ولا لأ..
وبعدين ماعتقدش االنااس دي تعرفك و بتكرهك و عايزة تتوهك..القاهرة كبيرة وممكن تروح المكان الواحد بستين طريق