الحركة دي صح ولا غلط

**eldeplomasy** · 15-04-2008 03:50 AM

هل ليها تأثير ولا ملهاش على موتور العربية

اعرف ناس كتير جدا بيعملوها وبيقولولي انها بتخلي الموتور يشد معاك فجربتها محستش باي فرق ولكن في واحد عملها قدامي في عربيته خلى الشكمان طلع نار

الحركة هي اني اضغط على بدال البنزين كذا مرة وكتير وورا بعضه يعنى بلغه الميكانيكي ( أكارك بنزين)

15-04-2008 04:03 AM

مفهااااااش اى حاجه ومفيش منها ضرر...اللهم انها بس ساعات ممكن تشررق العربيه
بس لو هتعملها ..متعملهاش وانت على RPM عالى
أوى
عشان مايبقاش فى تحميل ذياده عن اللزوم
لأنك بتكون على نفس الغيار

**eldeplomasy** · 15-04-2008 01:45 PM

شكرا جزيلا على الرد السريع ده

**Ahmad Allawy** · 15-04-2008 01:59 PM

بيتهيألي انك انت تقصد انك تعمل كده و العربية واقفة..
وفي الحالة دي انت بتبقي بتفصل بالعربية..
بمعني ادق.. انك بتوصل الار بي ام للرد زون و تلقائي الكومبيوتر بيخلي البنزين يفصل لوحده للحفاظ علي العربية..
هل ده اللي حصل ولا انا فاهم غلط؟.؟
ولو هو كده بيتهيألي ان الحكاية دي غلط.. قريتها علي لسان حد من كبار المنتدي هنا مش فاكر بالظبط كان مين..تقريبا كريم منير..

**eldeplomasy** · 15-04-2008 11:16 PM

لا انا قصدي انك تضغط على بدال البنزين وتشيل رجلك تاني ورا بعضه وبسرعه وانت ماشي بالعربية هتلاقي العربية بدات تسحب وتشد معاك اكتر بكتير جدا هو ده اللى قصدي عليه

**mohamed ibiza** · 15-04-2008 11:24 PM

في رأيي لو علي Rpm عالي هتعمل Load علي الموتور و خلاص و لو العربية واقفة ممكن تشرق انا جربتها بالابيزا قبل كده هي زي ما تكون بتسلك طريق البنزين كده يعني انا كنت ماشي و مورت و خليتها ماشية مفرملتش و قمت ضارب كام مرة بنزين و دست دبرياج و حطيت الاول و كانت بطأت شوية و عينك نا تشوف...........مش هتشوف النور حتي فتحت أكنها ما صدقت لقيتها فركت في الارض و طارت بس الحركة عموما ضارة مش نافعة....

Ibiiiiiiiiiiiiiiiiiiiiiiiiiiiizzzzzzzzzzzzzzzzzzzz zzaaaaaaaaaaaaaaaaa For Ever

**SEATLOVER** · 15-04-2008 11:24 PM

لا لازم تحس بفرق والا يبقى فى حاجة مش مظبوطة او الموتور ضعيف
وعموماً هى ملهاش تأثير مباشر على الموتور ..ولكن لها اعراض جانبية سلبية فى
(وحدة الانجيكشن -قواعد موتور-شداد الموتور -كهربا العربية -....)

الاستعمالات الغير طبيعية دايماً سلبية

**m7md_hany2** · 15-04-2008 11:52 PM

متهيألي أني فاهم قصدك .... أنا بعملها كتير بالشاهين بس بيبقي في سبب من الاتنيين :
1- عايز فعلا أجري جامد بارفع و أدوس مرة واحدة ... مش كذا مرة
2- في حد من صحابي نايم و عايز أصحييه

بس مدام عم هاني قالك أنها مش غلط .... خلاص يبقي مش غلط :d بس متزودش فيها قوي :d:d

**m7md_hany2** · 15-04-2008 11:57 PM

المشاركة الأصلية كتبت بواسطة SEATLOVER

لا لازم تحس بفرق والا يبقى فى حاجة مش مظبوطة او الموتور ضعيف
وعموماً هى ملهاش تأثير مباشر على الموتور ..ولكن لها اعراض جانبية سلبية فى
(وحدة الانجيكشن -قواعد موتور-شداد الموتور -كهربا العربية -....)

الاستعمالات الغير طبيعية دايماً سلبية

تمام الكلام ده

16-04-2008 12:38 AM

المشاركة الأصلية كتبت بواسطة m7md_hany2

متهيألي أني فاهم قصدك .... أنا بعملها كتير بالشاهين بس بيبقي في سبب من الاتنيين :
1- عايز فعلا أجري جامد بارفع و أدوس مرة واحدة ... مش كذا مرة
2- في حد من صحابي نايم و عايز أصحييه

بس مدام عم هاني قالك أنها مش غلط .... خلاص يبقي مش غلط :d بس متزودش فيها قوي :d:d

عامل ايه يا محمد باشا يا رافع رآسى :)

.................................................. ...............

المشاركة الأصلية كتبت بواسطة SEATLOVER

لا لازم تحس بفرق والا يبقى فى حاجة مش مظبوطة او الموتور ضعيف
وعموماً هى ملهاش تأثير مباشر على الموتور ..ولكن لها اعراض جانبية سلبية فى
(وحدة الانجيكشن -قواعد موتور-شداد الموتور -كهربا العربية -....)

الاستعمالات الغير طبيعية دايماً سلبية

.................................................. ..............................................

عفارم عليك يا معلم المعلمين.....عشان كده انا قولتلو ما يعملهاش على rpm عالى
عشان العربيه ما تتنططش جامد
.....

اما لو ياباشا انت يتحتاج الحركه دى كتير او بتحب تعملها....فاخد عندك المفيد...
فى حركه حنا بنسميها (دبرراجه).
...وهى عباره عن ..وانت ماشى برراحه وعلى غيار اكبر من السرعه اللى انت ماشى عليها...وفجأه حبيت تجرى......بدل مابتسققط غيار..او تكارك بنزين......بتحمل رجلك على البنزين سنه صغيره...وماتشيلش رجلك من على البنزين....وتكارك بالدبرياج...وشوف هتعمل معاك ايه .....
.......
وأليك..الثلاث طرق..الخاصه بحركة التسارع المفاجىء..مميزاتهم وعيوبهم

1-تسقيط الغيار....وهى ..لو انت ماشى على غيار اكبر من السرعه اللى انت ماشى عليها...مثلا..ماشى على 60 ...وحاطط الرابع...وحبيت تشد مع حد...او تجرى بسرعه لاى سبب من الاسباب...بتروح..نازل على أقل غيار يتناسب مع السرعه دى
..ولفات الموتور اللى انت عليها (rpm)...ومش شرط الغيار اللى يسبق الغيار الحالى على طول...انت ممكن تكون ماشى على الرابع..وتسقط التانى...

عيوبها

.لو انت مش محترف...او مش عارف نسب غيارات العربيه اللى انت ركبها كويس
ممكن لقدر الله تعمل حاجه فى التروس..(الفتيس)

2-(مكاركة البنزين)...

.لو العربيه مش مظبوطه كهربا...مش هتحش بفرق..ولو عملتها على rpm عالى...والقواعد بتاعتك فيها حاجه...مع التنطيط..القواعد هتتعب اكتر
دا غير ان لو فى وساخه فى التنك(البنزين) ...مممكن تطلع على الرشاشات وتسدها لو العربيه انجكشن
..ولو كربراتير..بردو هتطلع وساخه على البككات...دا غير انها ممكن تشرق منك
...
اما لو العربيه تمام...قواعد...كهربا مظبوطه...تنك ..وبنزين نضيف..يبقى مفيش فيها مشاكل.
.بس بردو مش هاتديلك...نفس نتائج..الدبرراجه (مكاركة الدبرياج)

..............................

3- الدبراجه(مكاركة الدبرياج)

احسن من الطريقتين اللى فاتو..فى

1- النتائج طبعا..ورد الفعل
2-مابتأثرش على حاجه فى دورة البنزين
3-مابتأثرش على القواعد...عشان رد الفعل بيمتصو طقم الدبرياج....
.....
عيوبها....

بتقلل العمر الافتراضى لاسطوانة الدبرياج