اقتباس:
المشاركة الأصلية كتبت بواسطة mmamdouh
هى الزيوت التخليقية خفيفة مش تقيلة... بس مع زيادة الحرارة بتحافظ على مستوى لزوجة كافى للحفاظ على المحرك... يعنى لما تلافى الزيت و هو جديد و عامل المحطة بيصبة و نازل زى ما يكون مية متقلقش خالص... هو طبيعتة كدة
انا جربت موبيل 1 و لاحظت نسبة بخر كبيرة شوية و طبعا هو اغلى زيت تخليقى استعملتة حتى الان
و بعدة جرب فيسكو 5000 كذا سنة و شغال معايا زى الفل و مرة فضلت بيه حوالى 13 الف كيلو... و بالتقريب هو ارخص زيت تخليقى
انا حاليا حطيت شل هيلكس الترا للتجربة و حتى الان مش شايف فرق بينة و بين الفيسكو... هو اغلى 30 جنية من الفيسكو (250 مقابل 250)
طبعا فية زيوت كاسترول و مصر 1 و دزل انا مجربتهمش فا مقدرش افتى... و للاسف معرفش اذا كانت توتال و كالتكس و امارات مصر عندهم زيوت تخليقية ولا لا
عموما عن تجربتى الشخصية انصحك بالفيسكو 5000... و بعد ما اكمل تجربة الشيل حقولك ايه ظروفة و ان كان حتى الان انا شايف انة كويس جدا
mmamdouh
يعنى حضرتك ترشحلى زيت فيسكو 5000 لعربيتى اللانوس 99 ، طب المفروض يقعد كام كيلو ، وكنت عايز اعرف مدى صحة او خطأ ان اللى كان بيحط زيت عادى لا يفضل ان يضع زيت تخليقى ؟