صراع الأجيال::صدام الجبابرة:قصة واقعية
السلام عليكم
طبعا في ظل ظروف الامن حاليا..من العادي إنك تشوف حاجات ماكنتش تحلم إنك تشوفها
ولاكأنها فيلم عربي حقيقي..أو فيلم هندي أحيانا
القصة دي حصلت في البلد إلي انا فاتح فيها الصيدلية
فلان الفلاني
مجرم سابق ..يفترض إنه إعتزل مهنة الأساسية ..وإتجه للأعمال الخيرية(بيع الحشيش والبانجو بسسسسسس)
الجيل الجديد من بائعي المخدرت مش عاوزين فلان الفلان يدخل عليهم المجال
وهنا
تتصادم الأجيال الحديثة الطائشة..مع الأجيال القديمة الأكثر خبرة وحنكة
خناقة بين الشباب التيتتتت مع فلان الفلاني
فلان الفلاني يروح يجيب الرجالة بتوعه في عدد إتنين ميكروباص.محمل بالأسلحة النارية متعددة الطلقات(رشاشات)
وتحصل معركة بالأسلحة البيضاء تحت حماية الأسلحة النارية
يعني الطرفين كانوا سايبين السلاح الناري للأخر
وطبعا إصابات الحرب..كانت بتتورد ع الصيدلية عندي على طوووول بإعتبار إني دايما سهران
وأنا(ملاك الرحمة) عملت إسعافات أولية بسيطة بدون مقابل مادي..وكده أكون على أرض محايدة و(يعني أشيل الطرفين جميل)
يعني أنا حاليا تحت حماية الطرفين بإعتباري الدكتور أحمد الراجل المحترم المؤدب إلي بيخدم الناس كلها
المهم
دي قصة ماكنتش أتخيل إنها تعدي عليا
طبعا أحداث جانبية زي طفل كان مخطوف في النص..وعربية أتحرقت..وواحد حلقوله حواجبه من باب كسر الهيبة
وحاجات من دي
.تعرفوا.
ممكن تقولوا إني مش بخاف ليه...؟؟؟
أنا مش طرف في أي صراع مع أي حد..أنا يدوبك الدكتور أحمد..إلي بيضحك في وش الناس على طووول
ومش بيتأخر عن مساعدة أي حد..الحمد لله على فضله عليا
وطبعا
حاليا
انا عربيتي وصيدليتي تحت حماية الناس دي..قبل ماتكون تحت حماية الغفر الحكوميين
مع العلم طبعا
إني بضطر أدفع تمن الحماية دي شكل غير مباشر,,,محدش طبعا بييجي يقولي هنحميك وكلام من ده
بس بيكون المعنى ضمني زي مثلا"""أي حاجة يادكتور..أي حد يضايقك..قولي وأنا أتيتتتتتــهولك"""
في مقابل أشياء صغيرة إضطرارا
أنا مش فخور طبعا بالحاجات دي..بس ماباليد حيلة
ولله الامـــــــر