من فضلكم دلونى بأمانة و بحيادية و بالتفصيل عن الفروق بين جين 2 اتوماتيك و لانسر 1300 اوتوماتيك خليجى من حيث المميزات و العيوب لان قرار الشراء صعب جدا.
عرض للطباعة
من فضلكم دلونى بأمانة و بحيادية و بالتفصيل عن الفروق بين جين 2 اتوماتيك و لانسر 1300 اوتوماتيك خليجى من حيث المميزات و العيوب لان قرار الشراء صعب جدا.
السلام عليكم
بص يا باشا انا رأى جين 2 اقولك لية
كماليات اعلى بكتيير
شكل جديد
ثبات افضل من الانسر
محرك اقوى من الانسر و بالتالى تسارع و سرعة اكبر من الانسر
العربية انتشارها معقول جدا مش منتشرة زى الانسر و مش قليلة زى الألفا روميو يعنى دية فى رأى ميزة علشان دلوقتى كل الناس راكبين لانسر
سعر الجين 2 ممتاز جدا اما سعر الانسر فا رأى انة غالى جدا على امكانياتها
الجين 2 حيبقى ليها ضمان انما الانسر حسب ما حتشتريها منين ممكن بضمان او بدون ( ضمان الجين 2 3 سنين او 60000 الف كم على السيارة ككل و 5 سنين او 100 الف كم على المحرك و الجيربوكس و 10 سنين على الطلاء )
الانسر تتفوق من ناحية
توافر قطع الغيار خارج التوكيل ( على فكرة العربيتين قطع غيارهم متوفرين فى التوكيل و الجين 2 متوفرين برضة خارج التوكيل ولكن مش زى الانسر )
الوسع الداخلى للانسر افضل
اعادة البيع للانسر افضل
الانسر حتبقى اكثر توفيرا فى البنزين و دة لأن العربية 1300 بينما الجين 2 1600
و فى النهاية االقرار يرجعلك
لو هتقارن جين 2 1600 اتوماتيك ولانسر 1300 اتوماتيك ارشح بلا تردد جين 2 لان النسر 1300 اتوماتيك سحبها ضعيف وخصوصا مع التكيف بس المشكله في الجين سعر اعاده البيع وقطع الغيار الغاليه جدا ومش موجوده غير في التوكيل واستهلاك للبنزين اعلي وصوت الموتور عالي بس مش وحش ومحرك الجين معقد يعني محدش هيشتغل فيها غيير التوكيل بس دا امر طبيعي.....في المقابل سحبها ممتاز ثبات غير عادي كماليات ممتازه مقارنه بالنسر في حدود السعر....بس عفشتها خشنه
.....النسر 1300 مانيوال ممتازه انا معايا العربيه دي خليجي وبصراحه زي الفل في كل حاجه سحب...ثبات...قطع غيار متوفره بكثره وبجميع الاسعار خارج التوكيل...وفي ميكانيكه كتير بيفهمو فيها اوي لان محركها مش معقد بالاضافه انها منتشره من زمان واخيرا سعر اعاده اللبيع ممتاز وبسموها التجار الجنيه الدهب..يارب اكون عرفت افيدك
الله ينور يافهد باشا انا لسه شايف ردك دلواقتي ولو كنت شوفته قبل ما اكتب رسالتي مكنتش كتبتها لان رايك هو راي تماما
رد فهد فيه الخلاصة
بس أنا ليا رأي في كلام حضرتك يا أستاذ تيمو كروس ويند
حضرتك بتقول
قطع الغيار الغالية جدا ............ و أستهلاك البنزين العالي .......... و صوت موتور عالي و بتقول العفشة خشنة
طيب تسمح لي أرد علا كلام حضرتك و بالتجربة
قطع الغيار تُباع في التوكيل و خارجه و أسعار عادية جدا ( مش رخصية و مش غالية ) و مش منتشرة زي اللانسر و لكنها موجودة خارج التوكيل و مش غالية قوي زي ما حضرتك بتقول
استهلاك البنزين ...... ممكن حضرتك ترجع لهذا الموضوع و تشوف استهلاك البنزين بتاع الجين 2 عامل ازاي ........... و أكيد اللانسر 1300 أقل في الاستهلاك
و إليك رابط الموضوع
http://www.nilemotors.net/Nile/showthread.php?t=20056
صوت موتور عالي
صوت الموتور مش عالي .......... صوت الموتور صوت زئير و صوت قوة مش زي العربيات اللي بتنعر من غير قوة
و كل اللي ركب معايا كان تعليقه على صوت الجين 2 ......... " صوت العربية دي زي عربيات السباق بالظبط "
العفشة مش خشنة إطلاقا .......... بل هي متوسطة
--------------------------------------------------------
الحاجة بقى اللي ما بتعجبنيش في اللانسر هي السعر المبالغ فيه جدا جدا جدا
علي فكره انا رشحت ليه الجين تو وده معناه ان واثق في قدرات السياره ومرحب بيها جدا ومش معني ان صوت الموتور العالي للعربيه ان ده عيب او حتي ميزه اذا كان صوتها العالي انت بتبرر انه صوت زئير مش صوت مستفز ده مش معناه انه ميزه لان مش كل كل الناس بتحب تسمع صوت الموتور العالي مهما كان نغمته حلوه انا عن نفسي بحب جدا لما اكون جوا العربيه مسمعش صوت المكنه وفي ناااااااااااااس كتير كدا ...انا حبيت بس اوضح ليه موضوع الصوت ده لمجرد المعرفه يمكن لما يعرف ميتقبلش ويمكن يحبها اكتر وفي تلك الحالتين هتسعده اكتر في الاختيار ...اما موضوع قطع الغيار ده مع احترامي الشديد ليك ممكن يكون متوفر في اماكن معينه في القاهره يعني انا مثلا من اسماعيليه تفتكر هلاقي قطع غيرها متوفره هنا ؟؟؟؟او في اي محافظه تانيه؟؟؟ لكن اللنسر موجوده في كل حته فيكي يامصر وبكل الاسعار اللي ممكن تحتاجه بمعني انا مش مرتبط بقعه غيار اصليه ممكن اوي امشي حالي بقطعه كوري او حتي صيني لحد مقدر اشتري الاصلي.........موضوع الانتشار موضوع منتهي اكيد مش هنتكلم فيه....بس عاوز اسئلك لو الجين انتشرت بسرعه والكل حبها زي النسر تفتكر هيفضل سعرها هو هو؟؟؟ ولو غليت هتغلي حاجه بسيطه ولاهتفتح زي النسر؟؟؟صدقني سعر النسر انا معاك انه مبالغ فيه جدا بس العيب مش منها المشكله ان الاقبال عليها كبير جدا وده اللي بيشجع التجار ان يغلو السعر بدون اي مبرر..وانا بكرر لو الجين اخذت فرصتها زي النسر هيتكرر نفس السيناريو في الاسعار...واخيرا موضوع البنزين ده بردو مع احترامي الشديد استهلاكه مش زي اي مكنه 1600 .........اسف جدا اني طولت عليك ياقائد
انا رأيي الجين 2 اولا عربية انا مش هحكم عليها انها ممتازة بس هي بقالها بتاع 3 سنين بدون مشاكل جوهرية 1600 سي سي 148 نيوتن 110 حصان تصميم الموتور لوتس العربية جراية و ثباتها تحفة لحسن من لانسر ال 1300 هتقرفك مع الاوتوماتيك و 92 حصان الجين 2 100 حصان مش هتكلم علي الشكل لان الجين تكسب و نص و3\4 هههههه العمر الافتراضي انا شفت لانسر فلة مفيهاش الهوا لسة تكاد تكون جديدة بتعمل شغل عفشة معرفش ازاي بس كانت 1600 سوبر اكشن بس انا لو مكاك هجيب جين 2.................
Ibiiiiiiiiiiiiiiiiiiiiiiiiiiiiiiiizzzzzzzzzzzzzzzz zzzzzzzzzaaaaaaaaaaaaaaa For Ever
اللانسير اللي معايا 2007 اوتوماتيك خليجي 1300 (1299 علشان اكون دقيق معاك)
السحب بتاعها مصيبه ... من 0 - 100 خلال فتره زمنيه قياسيه ... 21 ثانيه
استهلاك البنزين ... الخزان من اول ما تعبيه فل تانك لحد ما اللمبه تنور بتمشي 270 كيلو جوا المدينه و 400 برا المدينه (طبعا من غير مكيف) ...
مع المكيف التسارع بيزيد مدته كمان 4 ثواني و استهلاك البنزين بيزيد حوالي 50 كيلو جوا المدينه (يعني تمشي 220 كيلو) و على الطريق السريع مش هيقل كتير
السياره مش عمليه في السحب او الغرز
ولو محمل معاك ناس في العربيه فموضوع التسارع ده تنساه خااااااااااالص
الجير الاول فيها بيخلص على 40
التاني على 80
التالت على 120
الرابع على 160 ... (سرعه العربيه القصوى فعليا) 155 ... لو الارض منحدره ممكن توصل لـ 160 بس مش اكتر من كدا
ثبات العربيه مش اوي ... اتزحلقت مني على سرعه 50 في ملف مع ان فيها Abs
علشان تضبط العربيه في الشركه هيقولك هنركب لك تيربو بـ 6000 درهم و هناخد 500 درهم على كل ساعه عمل (هياخد حوالي 4 ساعات ) يعني التيربو هيقف بـ 8000 درهم اجمالا و طبعا هيكون متركب في التوكيل
العربيه نوعا ما ورقه ... اقل خبطه هتلاقي الشاسيه هوا اللي شال الصدمه كلها
مقارنه مع الجين ... قوتها اكبر بكتير وناوي اشتريها ان شاء الله بعد ما اخلص من الاخت التانيه
سرعتها و ثباتها كويس
ومقارنه مع سعرها في فرق تقريبا حوالي 30 الف جنيه لصالح الجين
الجين 2 سعرها بيبدأ من 85000 للاوتوماتيك (كاش)
اللانسير 1600 سعرها بيبدأ من 115000 للاوتوماتيك (كاش)
اعتقد ان بالفارق ده ممكن تجيب جين و تركب لها اللي انتا عايزة ... جنوط - سبويلر - زينون - تلفزيون - كراسي رياضيه - سماعات محترمه (مع ان اللي جواها كويسه) .... وكل ده تكلفته مش هتجيب 30 الف
الجين افضل بكتير ... مش عن تجربه ... ولكن ناس كتير جدا بتشكر فيها ... لكن اللانسير 1300 ... انسى
تحياتي
ياراجل بتقارن اللانسر بالجين 2 دي الانسر تخسر قدامها
الجــــــــــــيـــــــــ ــــــــــــــــن 2
الاخ الفاضل whiterose
انا شايف ان الناس كلها مع الجين 2 و الكل افادك و القرار فى ايديك ( و ياريت الاستخارة )
و الردود ماشاء الله كتيرة اهوه انت عملت نفس الموضوع فى قسم الميتسوبيشى ماحدش رد عليك غير اخ واحد فاضل و كلمك على الكيا السيرتو و اختيا تانى موش فاكره
المهم احب اوضحلك انا كنت فى نفس الحيرة و الاختيارات كتير
- فئة الـ 1600 نيسان صنى و الاوبترا
- فئة الـ 1300 هوندا سيتى و لانسر و اليارس
و مع ذلك الجين تكسب مستريح بلا اى تعب و عموما انا جربت المانيوال و الاوتوماتيك و طبعا الاخوة الافاضل هنا كانوا متعاونين جدا و بيتكلموا عن فهم و تجربة
اشترى العربية و انت مطمئن و مستريح و سيبك من قصة سعر اعادة البيع لانك موش هاتبيعها اصلا و لو بعتها هايبقى بعد فترة و اكيد طبعا هاتبقى خسران لانك اشتريت زيرو و بتبيع مستعمل ماتفكرش بمنطق انك تجيب عربية للى هايشتريها من بعدك
اركب العربية اللى انت نفسك بيها و خد خيرها و اتمتع بيها
معلش هيا فرقت 5000 جنيه ... مع اني كنت واثق اني قرأتها 85 الف ....
سعر العربيه هو 89900 جنيه عند كونتاكت كار ...
http://www.contactcars.com/NewCars_All.asp
وآسف على الخطأ غير المقصود
اشكركم شكرا جزيلا على الردود الوافية و أرحب باى اضافات
شوف اللينك ده
http://paultan.org/archives/2008/03/...-cps-launched/
معلش انا رايى مختلف تماما
و لا دى و لا دى
بعد رفع سعر اللانسر بالشكل المباغ فيه جدااااا دا لا انصح نهائيا باللانسر
و بسبب ردائة صنع الجين 2 بشدة منصحش بيها برده
شوف الياريس او الصنى
سُمعة باشا ....... دعني اتعجب من هذا الكلام من فضلك !!!!!!!!!!!!!!!!!
رداءة صُنع الجين 2 ............ هو حضرتك بتتكلم على عربية بروتون جين 2 اللي بتتباع عند عز العرب و لا أنا فهمت حاجة تانية ؟؟؟؟؟؟؟؟؟؟؟؟؟؟
لأني بصراحة مش شايف أي فرق نهائي بين الياريس و الصني و الجين 2 في الصناعة و جودتها
و الدليل على كدا
إن العربية لو ردئية في صنعها ......... مكنتش اتباعت في انجلترا و استراليا و دول الخليج ........ الخ
أنا بس عايز حضرتك تشوف حد تعرفه و تروح تركب العربية و تحدد أيه هي الردائة بالظبط و تقرر إن كانت ردئية أو لا ؟؟؟
و الله الموفق
يا جماعة انا مش عارف مين الى طلع الأشاعة ان الجين 2 ردييييييييييييييييييييئة :( :( :( يا جماعة روحو شوفوها و قارنو الخامات بالياريس و الصنى و كل الحاجات دية و قولولى رايكم مش حتلاقو اى فرق خالص انا ملاحظتش الكلام دة مش عارف ازاى الأشاعة دية طلعت :(
الجين 2 احسن طبعا بس حط في اعتبارك ان التسارع بتاع الاوتوماتيك بتاعها في الضياع برضو
اقتباس:
أنا بس عايز حضرتك تشوف حد تعرفه و تروح تركب العربية و تحدد أيه هي الردائة بالظبط و تقرر إن كانت ردئية أو لا ؟؟؟
أنا اللى بقول ان الجين 2 يتاعت عز العرب رديئة جدا فى الصناعةاقتباس:
يا جماعة انا مش عارف مين الى طلع الأشاعة ان الجين 2 ردييييييييييييييييييييئة
أولا العربية عند اختى و انا سقتها 1000000000 مرة و أقدر اقولك عيوبها
اولا العيب الخطييييير اوى فيها ضغطة البنزين , أول متدوس بنزين تحس ان العربية بتحتاج ثانية او 2 لحد متجمع انك دست بنزين بعدين تنطلق , و خصوصا لو مشغل التكييف لازم تدوس بنزين جامد لما تيجى تنطلق(الكلام دا لما تيجى تنطلق فى الاول الacceleration يعنى و عداد الrpm بيرتفع اوى(العربية اوتوماتيك موديل 2007)
تانى حاجة و دا دليل واضح اوى على ردائة الصنع , الmultifunction تدوس على زرار مثلا اللى بيعلى يقوم يوطى او يقلب الاغنية!!!!
تالت حاجة مرة و هى بتشحن الموبايل قام عامل شرار و الفيوز ضرب(انا كنت معاها) و شفت بنفسى!!!!!
للاسف العربية بره فشلت فشل زريع و انا مرة قريت فى الجرنال مش فاكر مين كان بيضرب مثل ليه مصر مش مفروض تصنع عربية مصرى مية فى المية بتجربة proton و اللى حصل معاها و المصاريف الكتيير اوى اللى صرفتها علشان تعمل عربية و فى الاخر تطلع بالجودة دى.اقتباس:
مكنتش اتباعت في انجلترا و استراليا و دول الخليج
و للعلم بتتباع فى انجلترا علشان بروتون تملك لوتس (اللى هى شركة انجليزية اساسا) فعلشان كده بتحاول تسوق العربية فى انجلترا و استراليا .
بس برده مبيعاتها ضعيفة جدااااا و دا بسبب سوء الجودة و دا تقدر تقرا عنه reviews كتير بره.
طبعا علشان سعرها فى مصر و علشان العربيات اللى بنفس سعرها فى مصر جودتها مش اوى يعنى و كمان علشان شكلها الجميييل جدا و التابلوه الجميل و امكانياتها اللى مستحيل تنزل فى عربية بالسعر دا (multifunction-2airbags-abs-cruise control-جنوط) و طبعا سعرها علشان كده بنقول عربية كويسة.
و طبعا دى مش بتبيع فى الخليج يمكن قليللللل اوىىى
و أقرا مثال للreviews :
مدينها نجمة و لا اتنين
http://www.whatcar.co.uk/car-review-summary.aspx?RT=688
معلش نسيت اكتب كمان عن الانذار اللى شغال بمزاجه يعنى سعات مبيكنش عنده نفس يفتح او يقفل العربية.
نسيت اكتب من ضمن امكانيات العربية الparking sensors
و طبعا العيوب اللى انا ذكرتها ظهرت بعد كام شهر من شراء العربية , تخيل بعد سنتين و لا تلاتة و لا اربعة!!
أقرا هنا review كويس اوى عن العربية , حيادى جدا و مطلعها عربية كويسة اوى(مديها 3 نجوم تقريبا)
بس طبعا عيوبها مبتظهرش علطول بتاخد وقت و كمان اللى مجربينها مانيوال و الظاهر العيب الخطير فى ال acceleration دا فى الاوتوماتيك بس _على فكرة دا عيب رهيييب العربية فعلا بتاخد وقت جامد من بعد متدوس بنزين علشان تنطلق و خصوووصا لو التكييف مفتوح).
السلام عليكم و رحمة الله و بركاته
أزيك يا أستاذ سُمعة
أولا في بداية الكلام .... أحب أقول ان تسارع الأوتوماتيك بتاع الجين 2 مش كويس
بس ....... و كل العيوب اللي بتظهر عند حضرتك دي ( حاجات فردية جدا )
يعني مثلا العبد لله يملك العربية منذ 8 شهورألآن ....... و عندي واحد صاحبي يملكها منذ 3 سنوات ........ و آخر يملكها منذ عام و بضعة شهور
و لم تظهر مع أي منا أي عيوب و الحمد لله فيما عدا صديقي الذي اشتراها منذ 3 سنوات و العيب كان في الزجاج اللي كان بيعلق و تم تصليحه في التوكيل وقتها مجانا
بالنسبة لموضوع مبيعات بروتون في انجلترا
معلش ...... فلتت منك المرة دي
بروتون تبيع سياراتها في انجلترا منذ سنوات بعيدة و قبل أن تشتري لوتس
و الشركة بتبيع كويس هناك ( أنا كنت عايش هناك و بشوف بعيني )
و شرطة بريطانيا تستعين بسيارات بروتون في عملية الدوريات الخاصة بالمدن
و كفاية إن الحكومة هناك لا تسمح بدخول منتجات معيبة لداخل البلد
فما بالك بسيارة ممكن أن تقتل الناس ؟؟؟؟؟؟؟؟؟؟؟؟؟؟؟؟؟؟؟؟
لذلك السيارات الصيني لا تدخل حتى تُحسن الأداء الأمني و السلامة للركاب
أما بروتون فتبيع منتجاتها كما قلت سابقا قبل أن تشتري لوتس بكثير
و في الآخر أنا فعلا زعلان علشان العربية اللي معاكوا فيها عيوب .... و كان يجب عليكم اصلاحها في التوكيل
على فكرة ( موديلات 2007 و 2008 لا يوجد بها أي عيوب اطلاقا )
و لو عربية أختك لسة في الضمان ....... خدها و روح التوكيل و إن شاء الله أي مشكلة يتم حلها بإذن الله
و تحياتي لك
أولا أحب اوضح حضرتك من الناس اللى بحترم ارائهم جدا هنا فى نايل موتورز
نرجع للgen2
و دى لوحدها كارثة حقيقية تخيل حضرتك تدوس بنزين و العربية بتتاخر فى الاستجابة كانها بتفكر و لو مثلا انت فى اشارة او حاجة لازم تدوس جامد جدا و عداد ال rpm بينط ل 5 مثلا علشان تتحرك بسرعة.اقتباس:
أحب أقول ان تسارع الأوتوماتيك بتاع الجين 2 مش كويس
صحيح ممكن تكون فردية او جماعية بس احنا مش عارفين بس بتدى مؤشر على الجودة بس الصراحة مقارنة بالسعر و الامكانيات كل دى حاجات بسيطة و تتصلح فى الضمان عادى بس الفكرة بتوضح مدى جودة العربية, و كدا كدا ممكن تحصل حاجة فى اى عربية غالية مش بس الgen2 و لولا موضوع التسارع دا مكانتش فرقت معايا اساسا.اقتباس:
و كل العيوب اللي بتظهر عند حضرتك دي ( حاجات فردية جدا)
ايوه فعلا هما عندهم معايير لدخول السيارة بس معظمها معايير امان و العربية فيها 2 airbags و من ناحية الامان فهى كويسة و كمان عندهم معايير معدل ال emissions اللى العربية بتطلعوا و كل دا مش متوافر فى العربيات الصينى , اما من ناحية الجودةفمعتقدش ليها مواصفات لان دى هيقسوها ازاى؟ كمان دى حاجة بتبان مع الزمن.اقتباس:
ذلك السيارات الصيني لا تدخل حتى تُحسن الأداء الأمني و السلامة للركاب
ايوه علشان كانت عاملة تعاون مع كذا شركة بريطانية و منهم لوتس قيل حتى متشتريها.اقتباس:
بروتون تبيع سياراتها في انجلترا منذ سنوات بعيدة و قبل أن تشتري لوتس
و الشركة بتبيع كويس هناك ( أنا كنت عايش هناك و بشوف بعيني )
و شرطة بريطانيا تستعين بسيارات بروتون في عملية الدوريات الخاصة بالمدن
بس للاسف الشركة هناك مش بتبيع كويس خالص و للاسف برده العربية شبه مبتبيعش اى حاجة و مبيعتها قلت فى ماليزيا كمان :
و دى الدول اللى proton بتصدرلهااقتباس:
By 2002 Proton held a market share of over 60% in Malaysia, which was reduced to barely 30% by 2005 and is expected to reduce further in 2008 when AFTA mandates reduce import tariffs to a maximum of 5%.
و للاسف دليل انهم مش بيبيعوا اساسااقتباس:
Proton exports cars to the United Kingdom, South Africa, and Australia and the company is aggressively marketing its cars in several other countries including the Middle East. Besides that, Proton cars has also been exporting a small volume of cars to Singapore, Brunei, Indonesia, Nepal, Sri Lanka, Pakistan, Bangladesh, Taiwan , Cyprus and Mauritius.
صدروا 14706 يعنى حوالى 15000 عربية فى 2006 , مع ان مبيعات هيونداى فى مصر بس اكتر من 30 الف عربية فى السنة , و رقم 15000 دا رقم ضعيف جدا جداااا.اقتباس:
14,706 .Proton cars were exported in 2006
كمان انتاج proton نفسه قليل اووووى يعنى 115 قول 150 الف عربية فى السنة دا قليييل جداااااا (لا يذكر)اقتباس:
from 166,118 in 2005 to 115,538 for the Malaysia market
أما داخل ماليزيا :
حققت خسائر فى 2007 تقدر ب 169 مليون دولار و تراجعت حصتها فى السوق الماليزى.اقتباس:
Proton's market share fell from 40% in 2005 to 32% in 2006. In the period ending December 31, 2006, Proton has also suffered three consecutive quarterly losses. Compared to a profit of 86.5 million ringgit in 2005, the car company lost 281.5 million ringgit in 2006. Proton blamed discounts from rivals. Total losses in 2007s financial year climbed to $169 million
هنا بيتوقعوا بمصيبة لproton لو مبذلوش جهد اكبر لان استبارا من 2008 الجمارك عندهم فى ماليزيا هتبقى 5% بس حسب الاتفاقية الدولية
http://www.malaysia-today.net/Blog-e...as-another.htm
بس كل دا ملناش دعوة بيه فى مصر لان سعر بيع العربية عندنا مميز اوى و كمان الoptions اللى فيها ممتازة و مستوى الجودة كويس بالنسبة للسعر بس محدش خالص يشترى الاوتوماتيك , لو المانيوال كويسة فى التسارع تبقى ممتازة.
متشكر جدا ليك , بس انا بقول الصراحة كل العيوب دى بسيطة و لا تفرق معانا ماعدا التسارع (يا ريت تجرب واحدة اوتوماتيك) كل اللى بقوله الواحد يخاف بعد سنتين تلاتة يظهر عيوب جوهرية بس طالما تعرف ناس جربوها كذا سنة يبقى فعلا العربية كويسة(المانيوال) , لولا كدا كانت تبقى ممتازةاقتباس:
و في الآخر أنا فعلا زعلان علشان العربية اللي معاكوا فيها عيوب .... و كان يجب عليكم اصلاحها في التوكيل
و فى الاخر احب اقول ان لو مانيوال فعلا تسارعها كويس تبقى عربية حلوة اوى ب 83 الف .
طبعا احنا ملناش دعوة ببره مصر علشان هما يختلفوا عنا فى حاجات كتيير و اسعار العربيات عندهم مختلفة و دخولهم مختلفة تماما يعنى ممكن العربية مبتتبعش علشان بيزودوا عليها شوية و يشتروا حاجة احسن مثلا.
على فكرة انا مش بعيب على proton ولا حاجة بالعكس انا بحترمهم جدا جدا لانهم عملوا عربية من الصفر بس عيبهم انهم مش بيطوروا نفسهم بسرعة علشان يواجهوا السوق العالمى و اللى قريته ان اللى حاميهم جوه السوق الماليزى الجمارك بس لما تتشال السنادى هتبقى مشكلة بالنسبة لهم , اما بالنسبة للجين 2 العربية ممتازة لانهم مستعينين بلوتس و لوتس هى اللى عامللهم كذا حاجة فيها و علشان كدا طلعت عربية جميلة كدا بس عيبها جودة التصنيع اللى بيحاولوا يحسنوها دلوقتى.
و يكفى اقول ان صاحب لوتس كان صاحب بوجاتى اسرع و اغلى و احسن عربية فى العالم (باعها لفولكس).
الجين 2 الاوتوماتيك منصحش حد يشتريها نهائيا اما المانيوال فانا كتبت كل مميزات العربية و العيوب اللى واجهتنى شخصيا فرايى انها كويسة و اللى يحب يقارنها بالياريس هو اللى يختار الجمال + الامكانيات + قوة الموتور و يضحى بالقليل من الجودة و لا الجودة و الشكل الجميل برده بس قلة الامكانيات و الموتور الضعيف(1300).
شكرا ليك على ردك