اية رايكم فى اليوم ده؟؟؟؟؟

بصراحة اول مرة اكتب عن يوم يحصلى فى حياتى الشخصية بس النهاردة يوم غرييييييب من اوله بدايتا من الساعة 8.30 الصبح لقيت عربية لادا210 محترمة ماشية عكس:untitled 1: فقولت اما اوقفها:36_9_4: عشان يدخل اى شارع جانبى و يحترم القانون المهم وقفت فى وشه لقيت راجل محترم فى الخامسينات من العمر يرتدى نظارة من النوع الثخين نحيل العود مثى الظهر و قال فى صوت اجش (ككفار قريش):36_2_49[1]: انت مش شايفنى يا ر........ يا بن................ الى جدى ال111 فبقولة حضرتك ماشى عكس و ممكن تسبب حوادث قام قاللى مبقاش الا ........* يابنى ده انت................ قولتلو حضرتك مش ممكن تكمل عكس قاللى طب هى بلطجة و قام مطلع عصاية الكوريك قام سواق نقل عام الله يكرمه وقف ( الكلام ده فى شارع ملك حفنى ) قام قاللو يا حج انت غلطان ولا حياة لمن تنادى قمت سايبه و مشيت و برضة بتاع النقل العم عمل زىى

يخلص اليوم على كدة وبس !!!! لأ طبعا لازم تكمل

روحت الدرس و جيت على الساعة 5 المهم لاقيت مكان ركنه بسهولة :Oc_sun1[1]: جمب البيت قعدت مش مصدق نفسى الحمد لله لسة بدخل بوشى لقيت كرسى و قرطاس زى بتاع المرور قومت شايل بتاع القرطاس و لسة حركن لقيت واحد صنايعى بيقولى ماتركنش هنا فى عربية جاية كمان شوية:untitled 1:!!! قولتلو ماشى ياعم من عنيا قومت مرجع القرطاس مكانه و الراجل اطمن ودخل الورشة و قومت راكن كانى صف تانى :Ka_che1[1]: و قفلت العربية و مشيت و رديت على الموبايل و كملت على البيت لقيت حاجة بتنعر حبوظلك الاربع عجلات يا حمار يا ابن ........* فقولت "يا واد طنش خالص" واعمل نفسك مش سامع و قولت لابن البواب لو جه جمب العربية ابقى بلغنى معلش انا طولت فى الكتابة بس بحكيلكم بالتفصيل الممل لحسن بجد غريب جداا بالنسبالى
اه لو عايزين اكملكوا باقى اليوم قولولى
و الى اللقاء فى الجزء التانى
شوية تسريبات للجزء التانى
1- اية اللى حصل مع الراجل ده؟
2- اية اللى مكنتش متوقعه و حصل؟
3-كمالة اليوم مع المدرس بتاع الدرس و المكتبة اللى زى الفل؟؟

ملحوظة: اللى مكتوب ده بجد و حصلى بجد مش تأليف و ربنا بجد

في أنتظار باقي القصة شوقتني

شكلك كده بتحب الشتيمة يا ابن ال .............................









الناس الطيبين :)

اقتباس:

---

المشاركة الأصلية كتبت بواسطة M.Alaa92

1- اية اللى حصل مع الراجل ده؟ رجعتله وضربته بالكوريك في وشه
2- اية اللى مكنتش متوقعه و حصل؟ ان الكوريك اتكسر
3-كمالة اليوم مع المدرس بتاع الدرس و المكتبة اللى زى الفل؟؟ أن ان ااااااااااااان

---

وبعدين

اقتباس:

---

المشاركة الأصلية كتبت بواسطة hussein

شكلك كده بتحب الشتيمة يا ابن ال .............................









الناس الطيبين :)

---

و ربنا اتشتمت النهاردة اكتر ما اتشتم مبارك فى الثورة:10D5C8w1107:

عارف انا الايام الزرقا دي، كمل كمل

طبعا لازم تكمل
احنا ولانافع فينا ثوره ولا نظام ولا اي حاجه خالص

اقتباس:

---

المشاركة الأصلية كتبت بواسطة m.alaa92

و ربنا اتشتمت النهاردة اكتر ما اتشتم مبارك فى الثورة:10d5c8w1107:

---

هههههههههههههه الله يكون فى عونك انك مابتردش الاهانه والشتيمه :fun_10_9_134[1]: , انا لازم اوسخ لسانى علشان ارد على كل واحد بيشتم لانى مش بطيق حد يشتم واقعد فى تلاجه وماردش عليه خصوصا لو كان غلطان ,, ياريت تكمل اليوم ويارب مايكونش فيه شتيمه تانى

قولى الاول انت ساكن فين فى ملك حفنى علشان شكلنا كده هنطلع جيران

اقتباس:

---

المشاركة الأصلية كتبت بواسطة m.alaa92

1- اية اللى حصل مع الراجل ده؟ اتخانقت معاه لما بوظلك عجله من الاربعه واكيد المره دى انت اللى شتمته :grin54:
2- اية اللى مكنتش متوقعه و حصل؟ ان الناس اتلمت ووقفت معاك وضربت الراجل :10_1_102v[2]:
3-كمالة اليوم مع المدرس بتاع الدرس ؟؟ قالك انا هزود سعر الحصه او انت دافع شهر مقدم وقالك انا ماختش الشهر ده :angry06:

---

مستنين باقى الموضوع و تقولنا سنك قد ايه

هااااااااا وبعدين ؟؟

جارى كتابة الجزء التانى و اسف على التاخير و سنى 18 سنة

السلام عليكم و رحمة الله و بركاته

أنا كمان مستنى الحكاية بفااااااااااااااااااارغ الصبرو يا ريت تقولنا أنت ساكن فين بالظبط لأنى متشوق أعرف المكان اللى فيه الشتايم بالأهل أكتر من سلاموا عليكم دى.

متابع باهتمام :biggrin24:

الجزء التانى ان ااااااان
المهم سبت الكائن تحت بينعر و طلعت اريح شوية لسة بغير هدومى لقيت صوت عراك و الشارع ملموم و صوت والدى هادد الدنيا فى اية بقى؟؟؟ والدى كان راجع من الشغل لقى الكائن اللى بينعر بيشتم يا ابن........ فوالدى بيسال بطيبة من اللى بيتشتم فلقاه بيقلو الواد اللى كان سايق النوبيرا الكحلى اللى متلقحة على اول الشارع ده اهلو ماربهوش المهم والدى مرضاش يكبر الموضوع من الاول و استفسر عن الحكاية عرف انى مظلوم و اتاكد و طبعا وصلة شتيمة محترمة للواد و اهله والدى قاللو انا صاحب العربية و ابو اللى بتشتم فية من الصبح كلمة من هنا لكلمة من هناك الناس اتلمت و انا نزلت اشوف فى اية لقيت والدى و الكائن اللى كان بينعر ماسكين فى بعض و هات يازعيق يا ابو محمد و انا واقف هادى خالصصص الناس شيل العربية انا لأ ياعم شيلها لأ و والدى قاللى ما تشلهاش و سيبها زى ما هى كلمة من هنا كلمة من هناك العربية مش ماشية المهم قمت متصل بالجيش و المفجأة انو مردش ولا الهوا قمت اتصلت بالشرطة 122 لقيت النجدة بترد و قومت قايلهم فى ناس بتبلطج عليا و عايزين يكسرو العربية عليا والناس فكرة انى بهوش و ان الشرطة مش جايلة و فى تلك الاثناء جه كام واحد بقى بالسيوف والذى منه بعد اما كانت الحكاية شومة و عصاية كوريك :16: مفيش 5 دقايق بجد والله ولقيت بوكس محترم شيفورلية و فية ملازم اول تقريبا و كمية عساكر معاهم سلاح ميرى يقفل المنطقة كلها و السارينة شغالة و كانت زفة :Oc_sun1[1]: وبعد ما الظابط شاف البطاقة و اتاكد انى المقدم البلاغ عرف الحكاية و طبعا البلطجية الرجالةةةةة بقو يجرو ولكن على مين :B4_611: علطول بعد ما المخبرين اتلموا عليهم وبقو:crying2: و روحنا القسم المحضر اتفتح و الاقوال من هنا و كل حاجة بامانة و البطايق وقلع ال 3 التيشيرتات طلعو مختومين طلع 3 من السنج مسجلين خطر و هربانين و اتهام بقتل :oops1:والدى بصلى بصة ازبهلال و انا رافع راسى (اخلاق شباب 25 يناير بقى) و المعاملة مع ال3 بعد اما كانت حضرتك و اتفضل بقيت حاجة تانية خالص بس من غير ضرب ولا شتيمة بامانة و ربنا يشهد (قسم منتزة اول) و المحاضر اتقفلت بعدم تعرض و طبعا ال3 التانين فى الحجز

كدة الجزء التانى انتهى فاضل جزء المكتبة و المدرس

اه و انا ساكن قريب من فيكتوريا على جمال عبد الناصر و المشكلة كانت فى شارع متفرع من عبد الناصر

الى اللقاء فى الحلقة التالتة من اليوم الغريب العجيب اللى متركب غلط من اوله لاخرة و عايز رايكم فى اللى حصل
و للمرة التانية اللى حصل ده بجد من غير اى خيال ولا مبالغة

اقتباس:

---

المشاركة الأصلية كتبت بواسطة m.alaa92

الجزء التانى ان ااااااان
المهم سبت الكائن تحت بينعر و طلعت اريح شوية لسة بغير هدومى لقيت صوت عراك و الشارع ملموم و صوت والدى هادد الدنيا فى اية بقى؟؟؟ والدى كان راجع من الشغل لقى الكائن اللى بينعر بيشتم يا ابن........ فوالدى بيسال بطيبة من اللى بيتشتم فلقاه بيقلو الواد اللى كان سايق النوبيرا الكحلى اللى متلقحة على اول الشارع ده اهلو ماربهوش المهم والدى مرضاش يكبر الموضوع من الاول و استفسر عن الحكاية عرف انى مظلوم و اتاكد و طبعا وصلة شتيمة محترمة للواد و اهله والدى قاللو انا صاحب العربية و ابو اللى بتشتم فية من الصبح كلمة من هنا لكلمة من هناك الناس اتلمت و انا نزلت اشوف فى اية لقيت والدى و الكائن اللى كان بينعر ماسكين فى بعض و هات يازعيق يا ابو محمد و انا واقف هادى خالصصص الناس شيل العربية انا لأ ياعم شيلها لأ و والدى قاللى ما تشلهاش و سيبها زى ما هى كلمة من هنا كلمة من هناك العربية مش ماشية المهم قمت متصل بالجيش و المفجأة انو مردش ولا الهوا قمت اتصلت بالشرطة 122 لقيت النجدة بترد و قومت قايلهم فى ناس بتبلطج عليا و عايزين يكسرو العربية عليا والناس فكرة انى بهوش و ان الشرطة مش جايلة و فى تلك الاثناء جه كام واحد بقى بالسيوف والذى منه بعد اما كانت الحكاية شومة و عصاية كوريك :16: مفيش 5 دقايق بجد والله ولقيت بوكس محترم شيفورلية و فية ملازم اول تقريبا و كمية عساكر معاهم سلاح ميرى يقفل المنطقة كلها و السارينة شغالة و كانت زفة :oc_sun1[1]: وبعد ما الظابط شاف البطاقة و اتاكد انى المقدم البلاغ عرف الحكاية و طبعا البلطجية الرجالةةةةة بقو يجرو ولكن على مين :b4_611: علطول بعد ما المخبرين اتلموا عليهم وبقو:crying2: و روحنا القسم المحضر اتفتح و الاقوال من هنا و كل حاجة بامانة و البطايق وقلع ال 3 التيشيرتات طلعو مختومين طلع 3 من السنج مسجلين خطر و هربانين و اتهام بقتل :oops1:والدى بصلى بصة ازبهلال و انا رافع راسى (اخلاق شباب 25 يناير بقى) و المعاملة مع ال3 بعد اما كانت حضرتك و اتفضل بقيت حاجة تانية خالص بس من غير ضرب ولا شتيمة بامانة و ربنا يشهد (قسم منتزة اول) و المحاضر اتقفلت بعدم تعرض و طبعا ال3 التانين فى الحجز

كدة الجزء التانى انتهى فاضل جزء المكتبة و المدرس

اه و انا ساكن قريب من فيكتوريا على جمال عبد الناصر و المشكلة كانت فى شارع متفرع من عبد الناصر

الى اللقاء فى الحلقة التالتة من اليوم الغريب العجيب اللى متركب غلط من اوله لاخرة و عايز رايكم فى اللى حصل
و للمرة التانية اللى حصل ده بجد من غير اى خيال ولا مبالغة

---

الله ينور عليك فعلا هية دى اخلاق شباب 25 يناير
وتحية كمان لوالدك على الموقف الشجاع
ويارب يكون دا سلوك الشرطة من هنا ورايح

السلام عليكم و رحمة الله و بركاته

أيوه كده يا أخى, بل ريقنا, أنا افتكرت أن الحكاية كلها شتيمة و تهزيق و بس, انا برضه قلت كده.

الحمد لله انك اخدت جزء من حقك

اقتباس:

---

المشاركة الأصلية كتبت بواسطة M.Alaa92

و روحنا القسم المحضر اتفتح و الاقوال من هنا و كل حاجة بامانة و البطايق وقلع ال 3 التيشيرتات طلعو مختومين طلع 3 من السنج مسجلين خطر و هربانين و اتهام بقتل :oops1:والدى بصلى بصة ازبهلال و انا رافع راسى (اخلاق شباب 25 يناير بقى)

---

قريت الجملة دى 3 مرات و مش فاهمها برضه :blink4:

اقتباس:

---

المشاركة الأصلية كتبت بواسطة kareemz

قريت الجملة دى 3 مرات و مش فاهمها برضه :blink4:

---

يعتى 3 من البلطجيه لما قلعوا التشيرتات , طلعوا مسجلين خطر قدام , و مختوم على كتفهم من المباحث انهم سوابق وده كان نظام قديم للتعرف على المسجلين خطر

انتظور الجزء الاخير من اليوم العجيب دة واسف على التاخير ظروف الدروس

الله ينور عليك وعلى الحاج كده تمام
انا بقى يا سيدي كل يوم في المشاكل بتاعتك دي بس بصراحه مبخليش الامور تتطور لاني واثق ان لا في جيش ولا شرطه هيجو
وحتى لو جم هيجو متأخرين وهكون اتبهدلت
يعني بقعد اتخانق شويه وبعدين امشي هههههههههههه

مستنين معاك و بحيك على اللي انت عملتو و صبرك و تعاملك بالقانون

الله ينور عليك
معاك للاخر
ولازم كلنا نكون ايجابيين

الجزء التالت و الاخير
خلص الموضوع بمحضر عدم تعرض ل 3 محلات (يعنى المعلمين و الصنايعية ) :Oc_sun1[1]: الساعة كانت حوالى 8 و كان عندى درس الساعة9 و رجعنا البيت و قولت الحمد لله عدى اليوم على خير و اخدت حاجة الدرس و اتكلت على الله و روحت الدرس
و طبعا بما ان الثورة لسة ماوصلتش للتعليم فاخلاق الطلبة بتوع سنة اولى ثانوى زفت اقسم بالله اقسم بالله (حشيش بيشرب - بيرة شغال- ....) احنا يا بتوع تالتة منعملهاش المهم روحنا للراجل-بدون ذكر اسماء او المادة عشان مشهور- و وقفنا فى الشارع و بنتكلم انا و اصحابى و لقينا سكرتير المدرس ده نازل جرى و بيقول ادى اخرة الامتحان... ادى اخرة الامتحان:oops1: قولنا الراجل لسع و سمعنا صوت زعيق و صريخ :oops1: طلعنا نجرى نشوف فية اية لقينا العيال ماسكين المدرس و بالمطوة مثبتينه و بيضربوه دخلنا نسلك بحذر لحسن السلاح يطول و نروح فيها المهم لقيت واحد اعرفة( بيتفرج) من العيال دى فبقولة اية اللى حصل؟؟؟ الاجابة: الراجل ده (طبعا قبل ده فية كلام ماقولتوش) :angry06: عملنا امتحان ........ و و بيصلح الورق قدامنا و اللى درجته اقل من 70% بيتصل باهله ( من وجهة نظرى انو راجل محترم و خايف على الطلبة) فطبعا قامو موجبين معاه عشان يبطل كلمة من هنا كلمة من هناك الموضوع هدى و سابوه المهم ققولتو اخلع دلوقتى احسنلك لية؟؟ عشان حبلغ الجيش ( و قولت هو يوم باين من اوله و شكلى حكمله فى القسم او المنطقة الشمالية) العيال نزلو ولسة ببلغ الشرطة المدرس قاللى لأ يا ابنى حراااام مستقبلهم و الكلام ده قولنالو دول بيبلطجو و هم كدة اما يكبرو حيعملو اية؟؟؟؟المهم مرضاش و ادانا الحصة و طبعا اعصابه سايبة و احنا كمان و عديت الحصة و اخدنا الورق نصورة الساعة كام دلوقتى؟؟ 12 قولنا لو لقينا مكتبة يبقى قشطة ما فيش حد يصوره و يجيبه بكرة لقينا مكتبة فاتحة قولنا يبقى نصور الورق و نخلص
دخلنا المكتبة سلاموا علي
قعدنا نكح بتاع 4 دقايق من الشبورة الزرقا و ريحتها و لقنا ولد و بنت قاعدين مدينها سجاير بتطلع دخان غريب !!! و زجاجات من الخضر اللى بنشوفها فى الافلام و بس و قاعدين على ترابيزة و حاجات مقززة و لسة حنمشى لقينا الواد جايلنا عايزين حاجة؟؟ لالالا ما فيش حاجة خالص لأ عايزين حاجة :untitled 1: عايزين نصور ورق (المكنة فى نص المكتبة) قام منادى يا بت يا...( اسمها) دورى معايا على مكنة التصوير هى اساسا عندنا ولا لأ؟؟ و قعدو يدورو لحد اما ربنا هداهم و لقوها و احنا مش قادرين نتكلم مرعوبين و ابتدى يشغل المكنة و بيعزم علينا فبنقولة لأ
( الكلام ده و احنا على باب المكتبة ) المهم ابتدى يصور بعد ما ربنا كرمو و افتكر ازاى يشغل المكنة و قعد يكلم البنت بالفاظ وحشة و قصص و ذكريات مهببة بينهم واحنا قومنا واقفين فى نص الشارع نص ساعة و قام طالع برا المكتبة وقام واقع زى الجردل وبيقولنا الحساب 50 قرش يعنى 20 ورقة لكل واحد فينا يعى 80 ورقة ب 50 قرش !!!!!! :36_1_50[1]: و قمنا دفعنا 8 جنية عشان حرام و ديلى فى سنانى و قولت يا فكيك على البيت و بوست ايد امى و ووالدى و جريت على السرير عشان اخلص من الكابوس اللى انا فية:crying2: الكلام ده بجد مش هزار ومافيش اى خيال فى الموضوع خالص
اية بقى رايكو فى اليوم الغريب العجيب ده؟؟

يوم جاي غلط من اوله
وبجد احييك على موقفك وموقف والدك