اليوم ظهرا حدث لى حادث بسيط يعنى خبطه كده فى الرفرف الامامى يمين والحمد لله قدر الله وما شاء فعل بس انا حاسس انها غلطتى ودى اكتر حاجه مزعلانى انى غلطت الغلط الساذج ده رغم حرصى الشديد ولكن...
انا ماشى فى امان الله وقدامى سياره نقل بمقطوره _يا رب يلغو المقطورات كلها_ وبتاع المقطوره عمال يرقص يمين وشمال بالعربيه وانا وراه بعدت عنه لما لقيته كدا
المهم انا المفروض انى داخل يو ترن شمال وبحضر علشان ادخل لقيت بتاع المقطوره هو كمان داخل وبيلف على وسع ، انا قلت اخطفها بسرعه والف من على شماله لقيته عمل حاجه غريبه وهى انه زود السرعه فى الملف بدرجه كبيره لدرجة انى لقين نفسى حتزنق لو دخلت المف معاه المهم وقفت قبل دخولى الملف على اخر لحظه وهو كان مكمل فخبطنى باخر عجله عنده شمال فى الرفرف بتاعى اليمين العجيب انه بص كده من الشباك وكمل ومشى ولا كأن حاجه حصلت وانا نزلت من العربيه علشان اشوف الخسائر وطبعا زعلت من نفسى جدا لانى دخلت معاه الملف علشان كان المفروض ما ادخلش معاه طالما كان بيطوح طول الطريق بس انا قلت اخلص واعدى منه ودى كانت اخرة الاستعجال
والحمد لله على كل حال