تحذير من اصلاح الكاوتش في بنزينة مصر للبترول أول عباس العقاد

**Islam_galal** · 15-04-2008 11:09 AM

السلام عليكم

مع تكرار الحدث و حدوثه لي شخصيا ، أعتقد إن وجب التحذير من التعامل مع بنزينة مصر للبترول أول عباس العقاد - مدينة نصر في إصلاح الكاوتش فالضمير معدوم للأسف و بتواطؤ الإدارة بها سواء بالعلم أو بالجهل (سوء إدارة)

جرب تصلح فردة كاوتش هناك و حتطلع دافع علي الأقل 100 ج و حتخسرلك فردتين كاوتش علي الأقل، و أفضل إن محدش يشتري بنزين كمان منها أحسن يمكن يفهموا

و بشكل عام:
- لا تصلح كاوتش سيارتك في بنزينة.
- لا تصلح الكاوتش باستخدام الخابور أبدا.
- احتفظ بإطار داخلي (كمرة) في شنطة العربية ليوم تضطر آسفا فيه تدخل تصلح اطار في بنزينة (بدل ما تصلح ركب الكمرة و بعدين صلح الاطار عند حد محترم)

تم التثبيت بواسطتي للمنفعة
الادارة 1

**fiatmomo** · 15-04-2008 11:28 AM

اضم صوتى لصوتك .. عن تجربه حقيقيه من حوالى سنة فى نفس المحطة الحقيره ديه ...دخلنا نزود هوا ... ( ابن ال******** ) قالى الكاوتش فى 6 اخرام ؟؟؟؟؟؟ وراح الناحية التانية قالى فى 4 مش فاكر ولا 3 اخرام ؟؟؟؟؟؟؟؟؟؟؟وهو اساسا بيبقى جاهز بالمسمار الرفيع فى ايدة ومن غير ماتحس يخرم فى الكاوتش من غير ماتحس ... وبعد كدة بيبقى معاة ازازه فيها مية بصابون يرشها على الكاوتش وهو راكب و تطلع فقاقيع .. ويقولك يا بيه اية دة انتا ماشى كده ازاى ... وطبعا حينصحك بالخابور الامريكانى ( خابور لما يخرم دماغة).. ويقولك دة ممتاز يا باشا وعلاشان يحرق دمك اكتر يقوم جايب مفك ويقوم موسع الخرم اكتر !!!!!!! وبعد كدة يحط الخابور الزفت الى بيحطه . يارب يركبو 100 خابور فى دماغهم و 100 كمان فى قلبهم ..

وتطلع من المحطة وكاوتش عربيتك باظ تماما لان الخوابير دية اسوا حاجة تتحط فى الكاوتش وحتى لو ركبتها تتركب بشكل مؤقت لحد متروح مركز كويس ولازم تتغير باللزق العادى

اوعىىىىىىىى حد يصلح كاوتش فى بنزينة وحتى اوى تذود هوا فى كل بنزينات التعاون ومصر و موبل و اسو ... وانتا بتذود هوا حيخرمو الكاوتش حتى لو انتا مفتح اوى هما ليهم طريقة .

بس بالاخص بقى ... اوعىىىىىىىىىى حد يدخل بنزينة مصر الى فى اول عباد العقاد ... لان فعلا حتخرج دافع 100 جنية على الاقل اوىىىى

نفس الكلام فى بنزينة التعاون الى فى صلاح سالم بعد البانوراما .

**fakoussa** · 15-04-2008 11:36 AM

فعلا الكلام مظبوط و حصل مع والدى و دفع حوالى 85 جنيه اصلاح كاوتش .
الموضوع بيبدا و انت بتحط بنزين العامل يقولك الفردة دى شكلها مريح شوية و فيه عندنا خدمة كاوتش و تبقى انت كده بلعت الطعم . بصراحة حاجة حقيرة و زبالة .

هى دى مصر . لما عامل بيقولى كده و انا بحط بنزين مابديلوش بقشيش علشان يبطلوا الوساخة دى

**Islam_galal** · 15-04-2008 11:40 AM

أنا متأكد إن الموضوع مش صدفة دي منظومة في المحطة دي بالذات
برجاء ممن تعرض لموقف مشابه المشاركة للمنفعه العامة
و أناشد كل أعضاء المنتدي عدم التعامل بأي صورة مع المحطة دي و ابلاغ كل معارفهم بذلك

**ows212** · 15-04-2008 11:41 AM

أفضل إن محدش يشتري بنزين كمان منها أحسن يمكن يفهموا

اللى هايغش فى الكاوتش اكيد ها يغش فى البنزين طبعا المفروض ماحدش يشترى منها

**د.أحمد سمير** · 15-04-2008 02:03 PM

تحذير آخر من محطة التعاون على ناصية شارع مصدق بالدقي .. نفس القذارة

والحل لكل من يحتاج خدمة كاوتش في نطاق شارع عباس العقاد .. التوجه لمركز خدمة بريدجستون ببنزينة كالتكس تقاطع عباس العقاد مع مصطفى النحاس .

أو الدخول في شارع مصطفى النحاس حتى الحي السادس أمام المدينة الجامعية لجامعة الأزهر حيث سيجد عشرات المراكز المتخصصة
تقبلوا خالص مودتي

**abdelaziz-waleed** · 16-04-2008 07:18 AM

انا مشعارف ازاي الناس ديه بيجيلها نوم واكلها وشربها وعيشتها كلها من حرام. لا حول ولا قوة الا بالله

**shrofa** · 16-04-2008 10:50 AM

أنا حصل معايا الحركة ده من سنتين تقريبا فى بنزينة مصر الى فى شارع القصر العينى ...والراجل عملى فيلم هندى ساعتها ...

وقالى فيه 6 خرام واشتغالات بس الحمد الله مكنش معايا فلوس أصلا ساعتها ...هههههههههه

**Adham_Sabry** · 16-04-2008 11:52 AM

نفس الموقف في البنزينه اللي علي الكورنيش في الملك الصالح (اظن تعاون او مصر للبترول)

**kh_talaat** · 16-04-2008 12:08 PM

- لا تصلح الكاوتش باستخدام الخابور أبدا.

أنا طول عمري بصلح الخرم الناتج عن مسمار بالخابور والعملية وماشية والحمد لله وأعتقد إنه الأصلح في حالة الخرم الناتج عن مسمار

إنما اللزق العادى دة بيستخدم لما يكون الكاوتش به قطع كبير نتيجة المشي على لوح زجاج أو ما شابه ذلك

الموضوع: تحذير من اصلاح الكاوتش في بنزينة مصر للبترول أول عباس العقاد

LinkBack

أدوات الموضوع

عرض

-

-

-

-

-

-

المواضيع المتشابهه

بنزينة كالتكس عباس العقاد

أفاده فى عباس العقاد

من حلوان الى فرع بريدجستون عباس العقاد

تحذير من اصلاح الكاوتش في محطة كالتكس - امام بيبسي - مدينة نصر

تحذير هاااام - اوعى تركن في عباس العقاد

الكلمات الدلالية لهذا الموضوع

المفضلات

المفضلات

ضوابط المشاركة