هل ممكن ان يتنامي الارهاب في مصر

**aminibrahim** · 08-04-2011 03:13 AM

بعد اللت والعجن هل من الممكن ان يتنامي الارهاب في مصر ؟

محدش يقولي ايه ياعم

دا سؤال عادي للحوار

**Ahmed Anwer** · 08-04-2011 03:18 AM

ممكن طبعا ،،، و إحتمال مش ضعيف

بس ربنا يحمي البلد و يحفظها إن شاء الله

**itsonlyme** · 08-04-2011 03:24 AM

الارهاب بينموا في جو من الكبت والقمع والاستبداد.

المفروض اننا مش هنعيش في استبداد تاني ... نرجو ذلك.

في ظل السماح للجميع بالمشاركة السياسية ... مين هيلجأ للارهاب؟

**aminibrahim** · 08-04-2011 03:38 AM

المشاركة الأصلية كتبت بواسطة itsonlyme

الارهاب بينموا في جو من الكبت والقمع والاستبداد.

المفروض اننا مش هنعيش في استبداد تاني ... نرجو ذلك.

في ظل السماح للجميع بالمشاركة السياسية ... مين هيلجأ للارهاب؟

ممكن بعض الجماعات لمجرد انها تشعر الممجتمع بتامر لتشويه صورتها وخاصة ان احنا عندنا اعلام فاشل

**alaa_dash** · 08-04-2011 03:40 AM

المشاركة الأصلية كتبت بواسطة itsonlyme

الارهاب بينموا في جو من الكبت والقمع والاستبداد.

المفروض اننا مش هنعيش في استبداد تاني ... نرجو ذلك.

في ظل السماح للجميع بالمشاركة السياسية ... مين هيلجأ للارهاب؟

اي عنف في مصر بعد 25 يناير .... اتوماتيك هيكون من جهة خارجية او مصري مضلل قولا واحدا

و حلال فيه اي عقاب ..... و مفيش حد هيعارض ..

لكن اللي انا متوقعه .... تفجير مجهول المصدر لضريح مثلا او لمنطقة سياحية... يليه كام تصريح حماسي فوري باتهام جهة معينة

ثم قتل رمز من التيار المتهم ....من مجهول ايضا ..او معروف و لكن متحمس .....

و يبقى غبي اللي ما يفهمش ساعتها من اللي هيكون وراه

**m3_dolphen** · 08-04-2011 08:22 AM

المشاركة الأصلية كتبت بواسطة aminibrahim

ممكن بعض الجماعات لمجرد انها تشعر الممجتمع بتامر لتشويه صورتها وخاصة ان احنا عندنا اعلام فاشل

زى مين كده ؟

**r0xer** · 08-04-2011 08:36 AM

على الأقل لايوجد رعب الأن من الإرهاب الإسلاموي اللي كان موجود في التسعينات أو اللي كان بيحصل في سيناء مثلاً.

لأن الآن الجميع عرف إنه له تأثير، السلفيين دلوقتي بينادوا بدولة إسلامية و محدش بيمنعهم ولا يعتقلهم، و العلمانيين الأن واخدين حرية كاملة في التوعية، لدرجة إن عبود الزمر الإرهابي طلع يتكلم عن قتل السادات ويقولك عادي اننا قتلناه وواخد حريته في الإعلام عالآخر. وبالتالي ليه هيلجأ للعنف إذا كان واخد حرية كاملة في الكلام و في الحركة و في الاجتماعات وخلافه؟

حتى أعتى عتاة الإرهاب ميعملوهاش في مصر حالياً، الوحيد اللي ممكن يعمل حاجة زي كدا هو دولة خارجية تريد ضرب الإستقرار الوطني و ساعتها هيبقو مفضوحين.

لكن بصراحة برضو مسألة تفجير الأضرحة وخلافه لا أستبعد أن يكون ورائها فكر إسلامي متشدد ومتحمس من بعض الشباب اللي غرر بيهم من شيوخ البترودولار وللأسف أخشى ما أخشاه أن يؤدي ذلك لفتنة بين المسلمين وبعضهم البعض لما عند المصريين من حب لآل البيت و الأولياء.

عموما خلونا نتفائل شوية، احنا عملنا معجزة في حد ذاتها..حد تخيل إنه هيجي اليوم اللي نشوف زكريا عزمي في السجن!! انا كنت ممكن أتخيل إني اطلع القمر و لا أشوفش اليوم دا :d

ارجو بس من الناس انها تبطل تنزل مظاهرات واعتصامات عشان نعرف نميّز بين اللي معانا مين ومين اللي مع النظام القديم.

**abo3bdolrahman** · 08-04-2011 10:27 AM

الإرهاب مصدره إيران اللعينة لعنة الله عليها و على من يساندها هم من صدروا الإرهاب للعالم كله منذ الثورة التى قام بها المأفون لعنة الله عليه الخومينى و حتى الآن و يرصدون لذلك أموالاً طائلة و صحف و هو ما يخدم مخططات بنى صهيون الذين يلقون كل حفاوة فى إيران و التى تأوى الكثيرين منهم حتى الآن ربنا يستر على مصر من شرهم و إن شاء الله هانفوت المخطط ده عليهم لأن الإسلام الوسطى بفهم الصحابة و السلف الصالح لم يكن عنيفا فى يوم من الأيام و الله المستعان

**أبومعاذ** · 08-04-2011 10:41 AM

المشاركة الأصلية كتبت بواسطة r0xer

لكن بصراحة برضو مسألة تفجير الأضرحة وخلافه لا أستبعد أن يكون ورائها فكر إسلامي متشدد ومتحمس من بعض الشباب اللي غرر بيهم من شيوخ البترودولار وللأسف أخشى ما أخشاه أن يؤدي ذلك لفتنة بين المسلمين وبعضهم البعض لما عند المصريين من حب لآل البيت و الأولياء.

هو حضرتك معرفتش الخبر ده:
ط¶ط±ط¨ط© ظ…ظˆط¬ط¹ط© ظ„ط.ظ…ظ„ط§طھ ط§ظ„طھط´ظˆظٹظ‡.. ط§ظ„ظ†ظٹط§ط¨ط© طھط¨ط±ظ‰ط، ط§ظ„ط³ظ„ظپظٹظٹظ† ظ…ظ† ظ‡ط¯ظ… ط§ظ„ط£ط¶ط±ط.ط©

طب ولا ده:
http://www.alwafd.org/index.php?opti...#axzz1IM33k7RK