تحذير للاعضاء::"قصتي مع نصابين المستعمل" =ماتقولش فلوس الكشف على المستعمل كتير

القصه الاولى:
عربيه اوبل فكترا 2003 2000 سي سي"عربيه رائعه في السحب وراحة السائق وخاصة للعمالقه امثالي" صاحبها كان بيقول انها رشه اكصدام فقط ورفرف والتكييف عايز بس يتشحن :...بعد الكشف عليها تبين انها عامله حادث مؤثر في الشاسيه وفيها بويه في الحوض وشرخ في فردة الشاسيه اليمين والتكييف بايظ بسبب الحادث.

القصه الثانيه :عربيه نيسان تيدا بلس 2009 عامله 39 الف كم رشه اكصدامين فقط ... طلعت فعلا فبريكه... بس للاسف العداد بتاعها معدي ال100 الف كم وصاحبها لاعب فيه واللي اكتشف دا موظف التوكيل قالي العربيه دي عملت صيانه ال 70 الف في فرع الهايكستيب بتاريخ 8-2010 وكان فيها مشكله في التكييف في شهر 4-2010 وواحنا دلوقتي 4-2011 .....

حسبي الله ونعم الوكيل في كل واحد يغش الناس ...وصدق رسول الله صلى الله عليه وسلم عندما قال"من غشنا فليس منا"

سبحان الله: يوم مابيعت عربيتي قولت للراجل كل حاجه فيها وقولتله عيوبها كذا وكذا ولازم تكشف عليها واديته قطع غيارو زيت وفلتر جديد كنت ناوي اغيره بعد 500 كم .....العيوب في تقرير الكشف كانت اقل من اللي قولتله عليها ...الراجل قالي كفايه انك قولتلي اكتر من التقرير ...انا مش ماشي غير لما تسجلي العربيه النهارده قولتله طيب اصبر على لما اجيبلك المخالفات قالي انا هاجيبها بعد ماتسجلي العربيه ولوطلعت اكتر من 150 جنيه هاكلمك ... "طلعت عليها 20 جنيه مخالفات :ربنا يباركله فيها ويملاها له بركه"

الحمد لله ان ربنا انقذني من النصابين دول..... ودعواتكم الاقي عربيه مستخدمه بحاله ممتازه على حق
" نيسان تيدا اونيسان بلوبيرد سيلفي او فكترا b ايكوتك 2000 سي سي" كاش .....
والا هضطر للاسف لتقسيط التيدا او البلوبيرد زيرو لان دي العربيات الوحيده اللي ارتحت في قعدتها .وانا مش بحب القسط

مشكور علي نقل التجربة
ساعات بحس ان العربية المستعملة زي البطيخة . حمرا او قرعة . واما الواحد بيكتشف انها قرعة بيزعل اوي
ربنا يستر

السلام عليكم ورحمة الله
و الله مش حضرتك اللي بتعاني لوحدك
انا بقالي أربع شهور بدور علي عربيه تكون نضيفه ابدا مفيش عربيه نضيفه
وحصلت حوالي 9 مرات كل أما أتصل بأعلان يقولي فابريكه بره وجوه مفيش قلم دوكو فيها ولا خدش بسيط أروح ألاقي يا أما العربيه مغيره رفرف يا أما رشه كاملة و عايز يبعها علي أنها فابريكه بره
ووصلت بيا الدرجه اني خليت واحد صاحب عربيه حلفلي في التليفون أن العربيه مفيهاش خدش ومش راشه رحت لاقيتها راشه كاملة ماعدا السقف وبايظ
أما بالنسبه للصالون والشنطه والكابوت فحدث و لا حرج
هل أمنيتنا في إيجاد عربيه فابريكه بدون خدوش صالون نضيف صعبه؟؟؟

ياباشا انا بدور على عربية بقالى بالظبط سنه لا اللى يضحكك
اخر واحد رحتله قالى العربيه فابريكه ياباشا ومش بتمشى وراشه بابين بس ودول علشان صاحبتها واحده ومش بتعرف تركن
وقالى انها عامله اقل من 50000 كم

المهم رحت لاقيت العربيه صالونها متبهدل وعاوزه 4 فوانيس واكصدامين وكبوت وراشه بره بالكامل وواخخده خبطه فى الصدر

وفى الاخر طلعت كانت عربيه ايجار والعداد ملعوب فيه

بسم الله الرحمن الرحيم
حسبنا الله و نعما الوكيل فى كل غشاش و نصاب
برغم كدة الواحد لما بيبع عربيتة بيبعها بكل امانه

صدقت يارسول الله
(البيعان بالخيار مالم يتفرقا فإن صدقا وبينا بورك لهما في بيعهما وان كذبا وكتما محقت بركة بيعهما)

ربنا يبعدنا عن النصابين و يحفظنا شرورهم و يكرمك و يوفقك للي انت عايزة و تلاقي طلبك

ربنا يكفينا شر النصابين...المهم ان قبل الكشف مش راضي ينزل جنيه واحد من تمن العربيه وبعد الكشف يقولي شوف تحب تاخدها بكام ..طبعا لو نزل فيها ايه طالما طلع كذاب يبقي ممكن تلاقي بلاوي بعد كده ...الواحد بيستعوض ربنا في تمن الكشف.

السلام عليكم و رحمة الله و بركاته

أنا طول عمرى عارف أن التجار غالبا بيقوا كدابين و نصابين و قللات الحيا الا ناااااااااااااااااادرا و بالتالى أحسن حل,أن اللى رايح يشوف عربية, ياخد معاه 5 بلطجية:untitled 1:, العربية طلعت حلوة ياخدها و الله يبارك للجميع, العربية طلع ملعوب فيها, ياخدها برضه, بس ببلاش و يرن البياع علقة محترمة :crying2: و بالشكل ده, التجار هيبطلوا استهبال خااااااااااااااالص.

اقتباس:

---

المشاركة الأصلية كتبت بواسطة maserati

السلام عليكم و رحمة الله و بركاته

أنا طول عمرى عارف أن التجار غالبا بيقوا كدابين و نصابين و قللات الحيا الا ناااااااااااااااااادرا و بالتالى أحسن حل,أن اللى رايح يشوف عربية, ياخد معاه 5 بلطجية:untitled 1:, العربية طلعت حلوة ياخدها و الله يبارك للجميع, العربية طلع ملعوب فيها, ياخدها برضه, بس ببلاش و يرن البياع علقة محترمة :crying2: و بالشكل ده, التجار هيبطلوا استهبال خااااااااااااااالص.

---

عندك حق حلال فيهم بحق الوقت والفلوس اللي بيضيعوها بكذبهم على الناس... بس الواحد مش هيقبل على نفسه يعمل كده ...
ولكن يوم الحساب كل واحد هيعرف نتيجة غشه للناس ويعرف ان كام الف جنيه كسبها بالغش في الدنيا مش هترحمه من عذاب ربنا في الاخره

و الله بفكر فى المستعمل بس من كتر اللى بسمعه خايف و متردد جداً و الواحد بيقول عربيته اللى يعرفها احسن من البطيخة اللى هيفتحها و هو لسه مش عارف حمرا و لا قرعة!!
على الاقل انا عربيتى حمرا..

اقتباس:

---

المشاركة الأصلية كتبت بواسطة dramir1

القصه الاولى:
عربيه اوبل فكترا 2003 2000 سي سي"عربيه رائعه في السحب وراحة السائق وخاصة للعمالقه امثالي" صاحبها كان بيقول انها رشه اكصدام فقط ورفرف والتكييف عايز بس يتشحن :...بعد الكشف عليها تبين انها عامله حادث مؤثر في الشاسيه وفيها بويه في الحوض وشرخ في فردة الشاسيه اليمين والتكييف بايظ بسبب الحادث.

---

الفكترا كانت عاملة 80000 كم ولونها فيرانى وعلى كونتاكت؟؟
انا لسة امبارح شايف استرا صاحبها كاتب 44000 كم وفابريكة واول يد وحالة ممتازة وحركات
روحت بصيت على العربية 10 دقايق ومطلعلة حتت رشة ودة مصر انها فابريكة ةاستحاااالة العربية ماشية 44000 بس لأ اكتر من كدة بكتييييير وطلع تاجر فى الاخر وشارى العربية مش بتاعتة اصلا

د/أمير ...... كيف حالك
انت لو سألت كل واحد معاه عربية هتلاقيه مر بتجربة سووووووووودا من قلة الضمير وخيانة الامانة حسبي الله ونعم الوكيل
سوق السيارات - حتي مواقع النت
يبقي الصورة محطوطة حلوووة والعربية بتلمع وتروح تشوفها تلاقيها مكسرة وحالتها يرثي لها
انا شوفت 4 عربيات مستعملة (بالعين) ولبست في واحده منهم ... ده طبعا غير ملايين المكالمات التليفونية والسهر جنب الميكانيكي اتفرج علي عربيات
1- جيب رانجلر ..1982 تقريبا .. صورتها كانت وهم وكاتب قطع غيارها ببلاش ومسقطلها موتور مرسيدس c180 تقريبا ومرايات كهربا ومش عارف ايه
المفاجأة
طلعت بتاعه مقاول والواد نفسه بيشتغل فيهم والموتور بيودع والكاوتش متشرط وبتدخن وهي ماشية والمرايات تحركها بالدراع من بره .... يمكن قصده مرايات كهربا استاتيكية بحركة الجسم :Copy of rfds:
2- فيات تمبرا 2004 تقريبا ... صورة برده زي الفل ن بره وجنوط مش عارف ماركة ايه ومصروف عليها كذا
المفاجأة
واخده خبطة في الشنطة ومرشوشة والماتور بيفرفر برده وعايزة طقم شنبر والصالون حدث ولا حرج .
3- لانسر 2008 اوتوماتيك ..... العربية انا شوفتها قبل ما اعرف ان هي ديه للبيع ... والله قولت يارب تكون هي
شكلها لسه جديد فضي و عاملها عتب واكسسوارات ومش عارف ايه والكراسي متغلفة بلاستيك
المفاجأة
طلعت راشة كله من بره والصالون مدعوك مش مغسول ... ممسووح والصالون نفسه في حتت مكسرة ولزقين عليها حتت جلد .... وعامله 78000 كم تقريبا ... في سنتين يعني حراااااااام وفعلا كان شكلها بيتأجر وكان عايز يبعها ب75000 الف
شوفتوا افترا الخلق
اخيرا بقي العربية اللي لبست فيها وكرهتني في نوعها كله
4-بولو 1995 1300 سي سي ..... بيضا اشتريتها من السوق .. واقفه عروسة وشده حيلها وانا واقف بشتريها كانت الناس بتجري تسأل علي سعرها ..... تقريبا شبه مزاد
المفاجأة
تقريبا كل كماليتها مكسورة ... (مراية الصالون - درج التابلوه - العداد مش شغال - المسوجر طلع مكسور- الكارتيرات من تحت كلها متخيطة بسلك - احزمة الامان متقطعه - طقنم حشو الفتيس متكسر ............... الخ)
واتباعت في كلمتين ... فبريكة وموتورها مالوش حل ... ده طبعا بغض النظر عن الرحلة الشيقة الي الغربية لانهاء ورقها ومخالفاتها اللي كانت 800 جنيه تقريبا
اسبوع بعديها روحت اكشف .... المقصات عايزة تتغير ... وعلبة الدريكسيون عايزة تتظبط بدراعات الدريكسيون بالحاجات ديه كلها ... اسبوع جابت جوان وش سلندر ..(وديه كانت غلطتي ) فخدت في وشها بتاع 3000 جنيه ده غير النصب بتاع ميكنيكي شارع الاربيعن الا مارحم ربي ... يوم واحد دفعت فيه 1000 جنيه علسان حتة بلاستيكة
وغيرت المقصات وطلعوا مضروبين الجلب بتاعتها ضربوا.
قلت اجيبلها 4 فرد كاوتش جداد علشان اللي فيها كان السلك نفسه باين فيهم ...
تاني يوم نزلتلها اعلان والحمد لله خدت الشر وراااااااحت .. لاني كنت حاسس انها ممكن تقل معايا في اي موقف.
وفي الاخر ............!!!!
الحمد لله رب العالمين ... الحمدلله
ربنا كرمني بفكرة القسط والموضوع اتيسر واشتريت الصني .... !!
انت عارف يادكتور انا لو هادفع نصف تمن العربية زياد علي حقها قسط .... هادفعه وانا راضي بفضل الله
علشان عارف اني انا اول واحد اركبها ورجلي اول رجل تدوسها ... وبفضل الله مش هاتفكر تعمل فيها حاجة دلوقتي
انا من رأي تشتري حجاة زيرو علي قد الفلوس اللي معاك
ان شاء الله حتي ماروتي ....... وسيبك من المستعمل والكلام الفاضي ده ... الا لو حدمعرفتك عايز يبيع فتشتري منه
غير كده اوعي اوعي تشتتري من السوق
تقبل مروري ... اسف للإطاله
أقعدوا بالعافية :bye2:

اقتباس:

---

المشاركة الأصلية كتبت بواسطة dramir1

القصه الاولى:
عربيه اوبل فكترا 2003 2000 سي سي"عربيه رائعه في السحب وراحة السائق وخاصة للعمالقه امثالي" صاحبها كان بيقول انها رشه اكصدام فقط ورفرف والتكييف عايز بس يتشحن :...بعد الكشف عليها تبين انها عامله حادث مؤثر في الشاسيه وفيها بويه في الحوض وشرخ في فردة الشاسيه اليمين والتكييف بايظ بسبب الحادث.

القصه الثانيه :عربيه نيسان تيدا بلس 2009 عامله 39 الف كم رشه اكصدامين فقط ... طلعت فعلا فبريكه... بس للاسف العداد بتاعها معدي ال100 الف كم وصاحبها لاعب فيه واللي اكتشف دا موظف التوكيل قالي العربيه دي عملت صيانه ال 70 الف في فرع الهايكستيب بتاريخ 8-2010 وكان فيها مشكله في التكييف في شهر 4-2010 وواحنا دلوقتي 4-2011 .....

حسبي الله ونعم الوكيل في كل واحد يغش الناس ...وصدق رسول الله صلى الله عليه وسلم عندما قال"من غشنا فليس منا"

سبحان الله: يوم مابيعت عربيتي قولت للراجل كل حاجه فيها وقولتله عيوبها كذا وكذا ولازم تكشف عليها واديته قطع غيارو زيت وفلتر جديد كنت ناوي اغيره بعد 500 كم .....العيوب في تقرير الكشف كانت اقل من اللي قولتله عليها ...الراجل قالي كفايه انك قولتلي اكتر من التقرير ...انا مش ماشي غير لما تسجلي العربيه النهارده قولتله طيب اصبر على لما اجيبلك المخالفات قالي انا هاجيبها بعد ماتسجلي العربيه ولوطلعت اكتر من 150 جنيه هاكلمك ... "طلعت عليها 20 جنيه مخالفات :ربنا يباركله فيها ويملاها له بركه"

الحمد لله ان ربنا انقذني من النصابين دول..... ودعواتكم الاقي عربيه مستخدمه بحاله ممتازه على حق
" نيسان تيدا اونيسان بلوبيرد سيلفي او فكترا b ايكوتك 2000 سي سي" كاش .....
والا هضطر للاسف لتقسيط التيدا او البلوبيرد زيرو لان دي العربيات الوحيده اللي ارتحت في قعدتها .وانا مش بحب القسط

---

ربنا يباركلك ... ماشاء الله

طب ايه رايكم يا شباب لو كل واحد فينا شاف عربيه زى كده مضروبه بالنار يقول عليها هنا علشان كلنا نعرف و كمان كل واحد فينا ياخد باله و هو بيشترى

بس علي فكرة مش كل البشر وحشين ، يعني انا كذا مرة بعت عربيتي بعمل اعلان علي كونتكت كارز بما يرضي الله ورسوله وبحط صور اصلية بكاميرا عالية الوضوح من كل الجوانب حتي الشنطة والصالون بصورهم عشان لو حد عاوز يجي من مكان بعيد ميجيش علي الفاضي وبكتب كل اللي فيها بما يرضي الله والحمد لله ربنا بيراضيني وببيع العربيات كويس جدا ويمكن من اول يوم في الاعلان

الخلاصة ان اهم حاجة نرضي ربنا سبحانه وتعالي وانا يمكن كان ليا تجربة مع دكتور امير وقابلته شخصياً والحمد لله بعت له شاحن ماك برو بتاع صديق ليا .. والحمد لله اعتقد انه شغال معاه زي الفل من فترة طويلة

بالتالي مش كل الناس وحشة ولا كل الناس كويسة ، الفيصل طالما هشتري عربية مستعملة اني اكشف عليها في مكان محترم موثوق فيه وربنا الموفق

اخر عربيه جبتها كانت من كونتكت كارز من واحد مش تاجر ، عارفين قعد يقولي عاوزه طقم دبرياج كامل و مش عارف بترجرج ف الطلعه المهم نزلت علي بنزينة عباس العقاد دول ناس محترمين جدا عملت كشف ب 75 ج ادوني تقرير زي الفل وماشي ع الدبرياج اللي هو كان بيقول بايظ بقالي 6 شهور ... طلع ان العربية كنت مركونة فترات طويلة والدبرياج تقيل ولما استعملتها الدبرياج بقي حلاوة

المهم ان الراجل كان صادق معايا وانا ولا كأني سمعه انا صدقت المركز اللي رفعت فيه العربية وقبل ده كله صدقت عيني اللي نزلت تحت العربية وشفت كل حاجة وقبل كل ده استعنت بالله

ربنا يوفقك يا دكتور امير لعربية محترمة وكويسة لانك انسان كويس ومحترم جدا جدا وابقي طمني

سلامو عليكم

اقتباس:

---

المشاركة الأصلية كتبت بواسطة essam_shaaban

ربنا يوفقك يا دكتور امير لعربية محترمة وكويسة لانك انسان كويس ومحترم جدا جدا وابقي طمني

---

شكرا عصام باشا ...الشاحن بتاع الماك بوك برو شغال زي الفل بقاله اكتر من سنه... يارب الاقي عربيه بحالة الشاحن اللي اشتريته من حضرتك.....:16:....:grin54:

اقتباس:

---

المشاركة الأصلية كتبت بواسطة dramir1

شكرا عصام باشا ...الشاحن بتاع الماك بوك برو شغال زي الفل بقاله اكتر من سنه... يارب الاقي عربيه بحالة الشاحن اللي اشتريته من حضرتك.....:16:....:grin54:

---

ربنا يبارك لك في كل حاجتك وانا والله اصدقائي كتير بيبيعوا عربياتهم زي الفل بس للآسف عربيات مش عالية السعر انما متواضعة السعر زي اللانوس واللانسر انما حالات زي الفل وشبه جديدة منهم عربيتين لانوس كانت عداداتهم 30.000 ك ودهان المصنع موديلات 2006 و 2008 والحمد لله اصدقائي برضه بيبيعوا بما يرضي الله

هو انا اعرف تاجر عربيات علي الضيق ولكنه صديق شخصي ليا والحمد لله لجأت له في كذا عربية والحمد لله شرفني بفضل الله لو تحب اسأله لحضرتك علي اللي انت عاوزه قولي

حدد لي طلباتك و باذن الله ممكن يشوف لك طلبك ، واطمن هو مش بيشتغل غير في العربيات النضيفة جدا ومش بيحب يشتغل في العربيات المضروبة والحوادث والكلام ده

شوف كده ورد عليا وانا تحت امرك

شكرا لذوقك يا عصام باشا:
مطلوب : نيسان تيدا اتوماتيك بلس
او نيسان بلوبيرد موديل 2009

انا بقا نويت اغير العربية بتاعتي ونزلت اعلان بيع ليها باكتر من صورة وبراجع مواقع تانية للبيع لقيت صور عربيتي نازلة فيها ببينات تانية خالص وانا كنت ناوي ابيع علشان اغير العربية رحت شلت الصور وغيرت الفكرة من الموقف دة بجد اخر استهبال

بص يا سيدى
اول عربيه اشترتها صاحبها كان (ولاحظ كلمه كان)معرفه
قال لى العربيه واخده خبطه فى الشنطه والباقى فبريكه من جوه ورشه بره نضافه فاشتريت العربيه وبعد 6 شهور حبيت اغير فجالى سمكرى عاوز يشتريها المهم جه بالليل
بقوله مجتش بالنهار ليه قال لى انا عارف العربيه علشان اشتغلت فيها
قولت ماشى العربيه فيها خبطه فى الشنطه
قال لى والشنب راشش وفى كبسه فى الشاسيه ورشه قوايم
قلت له لاء هى الشنطه بس
قال لى مش دى عربيه فلان (اسم اللى انا اشتريت منه)
قلت له اه قال لى يبقى صدق اللى انا قلت عليه
ونزل من تمنها 10 الاف مرضيتش ابيع
بعد اسبوع جه صاحبها عاوز يشتريها تخيلوا ينقص من تمنها كام 15 الف جنيه قمه البجاحه طيعا مردتش عليه وسبته ودخلت بيتنا

اقتباس:

---

المشاركة الأصلية كتبت بواسطة abumoh2000

بص يا سيدى
اول عربيه اشترتها صاحبها كان (ولاحظ كلمه كان)معرفه
قال لى العربيه واخده خبطه فى الشنطه والباقى فبريكه من جوه ورشه بره نضافه فاشتريت العربيه وبعد 6 شهور حبيت اغير فجالى سمكرى عاوز يشتريها المهم جه بالليل
بقوله مجتش بالنهار ليه قال لى انا عارف العربيه علشان اشتغلت فيها
قولت ماشى العربيه فيها خبطه فى الشنطه
قال لى والشنب راشش وفى كبسه فى الشاسيه ورشه قوايم
قلت له لاء هى الشنطه بس
قال لى مش دى عربيه فلان (اسم اللى انا اشتريت منه)
قلت له اه قال لى يبقى صدق اللى انا قلت عليه
ونزل من تمنها 10 الاف مرضيتش ابيع
بعد اسبوع جه صاحبها عاوز يشتريها تخيلوا ينقص من تمنها كام 15 الف جنيه قمه البجاحه طيعا مردتش عليه وسبته ودخلت بيتنا

---

:7_6_5v[1]: عملها وهرب

طيب لية (بعض التجار ) غشاشين ؟

يمكن عشان مبنحبش نشتري عربية فيها اي حاجة في الدواخل بتاعتها ؟ (وانا مش عارف العربيات الي رشة هاتروح فين )
ولا هما كدة في طبعهم الغش ؟
ولا بيجيبوا العربية بتمن رخيص ويبعوها غالي ؟
ولا بيلبسوا وبعد ما يعرفوا يلبسونا ؟
ولا اية !!

في تجار محترمين بيقولك انا تاجر ومعايا توكيل لكن للاسف في اعلانات على النت يكتبوالسياره اول يد وتروح تلاقيه معاه توكيل ويقولك اصلها عربية ابن خالتي ..ههههههه النت كلها ولاد خاله دا تعرف انه تاجر على طول الا نادرا لما يبقى صادق..

اقتباس:

---

المشاركة الأصلية كتبت بواسطة essam_shaaban

اخر عربيه جبتها كانت من كونتكت كارز من واحد مش تاجر ، عارفين قعد يقولي عاوزه طقم دبرياج كامل و مش عارف بترجرج ف الطلعه المهم نزلت علي بنزينة عباس العقاد دول ناس محترمين جدا عملت كشف ب 75 ج ادوني تقرير زي الفل وماشي ع الدبرياج اللي هو كان بيقول بايظ بقالي 6 شهور ... طلع ان العربية كنت مركونة فترات طويلة والدبرياج تقيل ولما استعملتها الدبرياج بقي حلاوة

سلامو عليكم

---

حقيقى يا أستاذ عصام , كلام حضرتك أثار اهتمامى و واضح ان ربنا كرم حضرتك براجل أمين , ربنا يجعلنا من أمثاله :16:
المهم إنى عاوز أسأل حضرتك فى كام نقطة لو مش هاتقل عليك ,
1- البنزينة اللى قصدك عليها دى اللى فى أول عباس من ناحية طريق النصر , ولا أنهى ؟
2 - سعر الكشف ده معتمد على نوع العربية ولا ثابت لأى عربية ؟
3 - سؤال لباقى الاعضاء الكرام : هل الكشف ده كده كافى و شامل ؟ يعنى لو قالولى العربية تمام يبقى اجيبها على بركة الله ؟ ولا لازم اعمل كشف فى مكان تانى؟

مع العلم انى الحمد لله نفسى طويل و مستعد اقعد أكتر من سنة أدور (( و خصوصا انى حاليا فى الجيش و مش مستعجل:36_1_50[1]: و غالبا قدامى سنة أصلا أدور فيها براحتى )) بس المهم إنى لما آجى اشترى بإذن الله ما اندمش بعد كده
فيا ريت لو حضرتك أو أى حد من الاعضاء الكرام يفيدنى بالاجابة على الاسئلة دى

ياريت موضوعك بنقل للعام

انا قولت يبقى في قسم بيع السيارات عشان كل واحد بيفكر يشتري مستعمل يعرف انه لازم يكشف على العربيه كويس لان مش كل الناس زي بعضها ...والا لو اخد عربيه زي العربيات البايظه دي هيندم على الفلوس كلها..... وربنا يسترها معانا كلنا....ولكن اقتراح سيادتك يا دكتور محمود يحترم وممكن حضرتك تقولي وجهة نظرك لو كده نطلب من الاداره نقل الموضوع

البيع والشراء فى العربيات انت وحظك
اول عربيه 132
اول مره اشتريت عربيه سنة 96 فيات 32 وكنت مسافر وصيت واحد صاحبى كان بيتعلم التجاره فى العربيات وقولتله عايز عربيه ايه مالهاش حل قالى ابعت 16 الف والعربيه موجوده لقطه طبعا ماكدبتش خبر .
ونزلت من السفر طبعا اكيد حيقابلونى بالعربيه الجديده . للأسف فى 3 شهور صرفت عليها 8 الاف جنيه وزهقت منها وبعتها ب 12300 جنيه
تانى عربيه مازدا 323
قررت اشترى 128 مؤقت لفتره وابيعها واشترى حاجه احسن روحت معرض واتفرجت عليها وركبتها لقيتها ضيقه شويه وانا بتكلم مع

صاحبها لقيت واحد اعرفه على الماشى داخل المعرض بيسألنى بتعمل ايه فقلت له . قالى اخلع من المعرض ومعايا عربيه بره

شوفها واركبها وجرب . العربيه صالونها مترب شويه . المهم ركبت العربيه وجربتها ماكنتش مصدق مش ممكن تكون مستعمله

العربيه حلاوه ناعمه وهاديه وبتجرى حاجه مش معقوله ,طيب ياعم حالة العربيه قالى براحتك . جه بويجى اتفرج عليها . من غيرحاجه

قالى اتكل العربيه بحالتها كان شافها قبل كده. نص ساعه كان كل شىء خالص . وفعلا العربيه استمرت معايا 10 سنين لم ولن ازعل منها دقيقه
وبعتها من باب التغيير وفعلا اشتراها تلاته بعدى كله بيشكر فيها .

الصنى

الماذدا اتباعت فجأه واحد صمم يشتريها وخلصها من صاحبى ولقيتهم بيتصلوا بيه هات المفاتيح العربيه بعناها طيب ياجماعه اعمل ايه . اصرف
كلمت سمسار عربيات الله يرحمه وقلتله عايز ميتسوبشى لانسر عشان العربيه اتباعت قالى العربيه معاك قلتله اه بكره صاحبها

حياخدها . ركبناها وطلعنا على السبع عمارات وتحت شجره لقينا عربيه موجوده بعت جاب المفاتيح وقالى اتفرج . ياعم سعيد بقولك

لانسر قالى سيبك اتفرج وجرب وفعلا الحمدلله دفعنا عربون وتانى يوم خلصناها والحمدلله وكان عنده حق
متهيألى العربيات انت ونصيبك

اقتباس:

---

المشاركة الأصلية كتبت بواسطة essam_shaaban

بس علي فكرة مش كل البشر وحشين ، يعني انا كذا مرة بعت عربيتي بعمل اعلان علي كونتكت كارز بما يرضي الله ورسوله وبحط صور اصلية بكاميرا عالية الوضوح من كل الجوانب حتي الشنطة والصالون بصورهم عشان لو حد عاوز يجي من مكان بعيد ميجيش علي الفاضي وبكتب كل اللي فيها بما يرضي الله والحمد لله ربنا بيراضيني وببيع العربيات كويس جدا ويمكن من اول يوم في الاعلان

الخلاصة ان اهم حاجة نرضي ربنا سبحانه وتعالي وانا يمكن كان ليا تجربة مع دكتور امير وقابلته شخصياً والحمد لله بعت له شاحن ماك برو بتاع صديق ليا .. والحمد لله اعتقد انه شغال معاه زي الفل من فترة طويلة

بالتالي مش كل الناس وحشة ولا كل الناس كويسة ، الفيصل طالما هشتري عربية مستعملة اني اكشف عليها في مكان محترم موثوق فيه وربنا الموفق

اخر عربيه جبتها كانت من كونتكت كارز من واحد مش تاجر ، عارفين قعد يقولي عاوزه طقم دبرياج كامل و مش عارف بترجرج ف الطلعه المهم نزلت علي بنزينة عباس العقاد دول ناس محترمين جدا عملت كشف ب 75 ج ادوني تقرير زي الفل وماشي ع الدبرياج اللي هو كان بيقول بايظ بقالي 6 شهور ... طلع ان العربية كنت مركونة فترات طويلة والدبرياج تقيل ولما استعملتها الدبرياج بقي حلاوة

المهم ان الراجل كان صادق معايا وانا ولا كأني سمعه انا صدقت المركز اللي رفعت فيه العربية وقبل ده كله صدقت عيني اللي نزلت تحت العربية وشفت كل حاجة وقبل كل ده استعنت بالله

ربنا يوفقك يا دكتور امير لعربية محترمة وكويسة لانك انسان كويس ومحترم جدا جدا وابقي طمني

سلامو عليكم

---

متعرفش حد ياباشا او شركة بتبيع جهاز ماك بوك بالتقسيط او ماك بوك برو

بعد بحث عن سياره ياباني او الماني مستخدمه بحاله جيده للاسف لم اجد فاشتريت اكسنت rb الجديده هاي لاين والحمد لله قعدتها مريحه واداءها كويس ...وقريبا ان شاء الله اعمل تقرير عنها.

نصيحة اليوم : اوعى تشترى عربية من تاجر حتى لو كان معرفة

لولا الظروف الماديه,لكان الواحد اشترى عربية زيرو وريح دماغه من كل النصب ده.بس نقول ايه بقي . الحمد لله

ربنا يرزق اعضاء نايل موتورز كلهم بافخر سيارات تريحهم ويستخدموها في رضا ربنا

اقتباس:

---

المشاركة الأصلية كتبت بواسطة dramir1

ربنا يرزق اعضاء نايل موتورز كلهم بافخر سيارات تريحهم ويستخدموها في رضا ربنا

---

جزاك الله خيراااااا
:16:

الى يقدم السبت يلاقى الحد
انت راجل محترم وراعيت ربنا فى الحاجه الى بتبعها
يبقى اعرف ان ربنا ديما هيظهرلك اى شىء معيوب وهينصرك بشىء كويس

كلامك صح والحمد لله ان نجاك من الاثنين
وباذن الله موفق

ااااااااااااااااااااااااا اااااااااااااه
فكرتنى بعربيتنين اشترتهم
و دفعت عليهم اكتر من تمنهم و بعتهم بخسارة
لغاية ما ربنا كرمنى بالأوبل