تيجو ولا a113

**katoba** · 10-04-2011 08:53 PM

هو كونتاكت كارز ليهم مقر وكلام من دة ولا بيشتغلوا ازاى .. ياريت تعرفنى الله يكرمك وتبعتلى رقم تليفونهم او اى بيانات عنهم علشان اتصل بيهم واشوف نظامهم اية لانى ممكن اقسط عربية ..

**islamnasser10** · 11-04-2011 03:01 AM

المشاركة الأصلية كتبت بواسطة katoba

هو كونتاكت كارز ليهم مقر وكلام من دة ولا بيشتغلوا ازاى .. ياريت تعرفنى الله يكرمك وتبعتلى رقم تليفونهم او اى بيانات عنهم علشان اتصل بيهم واشوف نظامهم اية لانى ممكن اقسط عربية ..

هو من الواضح ان مفيش معرض ليهم
هو قالي هيبعتولي مندوب نملي الابليكيشن وهو هيشرحلي كل التفاصيل والاستلام بعد 4 ايام
ودة رقم استاذ محمد حمدي اللي اتصلت بيه
0166657972

بس انا شايف ابو الفتوح افضل كدة
ارخص 100 جنية واكيد التوكيل اضمن وبتبقي ماشيه كيلومترات اقل من المعارض
بس مش عارف التسليم بعد اد اية

**katoba** · 11-04-2011 02:34 PM

مشكور ياباشا على الرقم .. وبالنسبة لتشترى منين
انا رايى لو انت فلوسك جاهزة وهتشترى كاش توكل على الله واشترى من التوكيل حتى تعرف تعاين وتاخد راحتك ولو فية مشكله اثناء المعاينة يوريك حاجة تانية وتشوف الالوان الى على مزاجك وتستلم اسرع لكن انا سمعت ان فى المعرض زى المصرية للسيارات بيعملوا حبشتكانات وبيخلصولك اجراءات المرور وحاجات كدة غير انك لو هتقسط زيى مينفعش معاك التوكيل فهتضطر للمعرض .. دة حسب علمى وفية ناس تانية اكيد هتفيدك اكتر

**attiahf** · 11-04-2011 03:29 PM

العربية 113 حلوة سشبابى يعنى لغاية فترة معينة وحتحتاج عربية اكبر
وطبعا حط فى حسبانك ان طرق مصر سيئة وعايزة عربية عالية
بس لو سواقتك حلوة والمطبات مش مشكلة خش على 113
وربنا يوفقك

**islamnasser10** · 12-04-2011 05:53 AM

معلش انا عارف اني تقلت عليكم
بس القرار صعب بصراحه
فيه فكرة جديده دلوقتي
لو مبلغ ال 83 بتاع التيجو بعيد عليا
اية رأيكوا في ال 516 انا قريت ان اتعمل فيها تعديلات في العفشه وبقت افضل من الاول
بالاضافه لان مساحتها الداخليه واسعه وليها شنطة واسعه برضه
مع وجود ال 113 في المقارنة طبعا باعتبارها الارخص
يعني انهي الافضل مقارنة بسعرها والاقل عيوب واعطال
a113 وسعرها 51
ولا
a516 وسعرها 64
افيدوني

**katoba** · 13-04-2011 12:33 AM

والله اكيد انت الادرى بموضوع التوفير والفلوس ..يعنى لو محتاج توفر هتجيب ال a113 ولو مش هيفرق معاك لو ضحيت ب 14 الف كمان يبقى تجيب ال 513 بس انا شخصيا واحد من الناس الى مبحبش السيارات الهاتش باك مبتنزليش من زور مش عارف لية غير انها فعلا ضيقة جدا وعدم وجود الشنطة بيفرق معايا فى حاجات كتيرة وخصوصا انى بسافر دايما فانا لو هصبر شوية واجيب ال 513 افضل من ال113 من وجهة نظرى وانا شخصيا فضلت اتوكل على الله واغامر واجيب ال m11 حتى لو هصبر شوية على ماضبط الفلوس .. وفى النهاية لازم تفكر كويس اوى وتحسبها بالورقة والقلم وقبل متروح تشترى تصلى استخارة وتخلى الست الوالدة تدعيلك ان ربنا يوفقك ويباركلك فى الى هتختارة وتتوكل على الله وان شاء الله ربنا هيهديك للافضل وهيوفقك فيه .. بالتوفيق ياباشا

**said.d.y** · 16-04-2011 09:57 AM

السلام عليكم ورحة اللّه وبركات ،
سيدى الفاضل،،،
كما سبق واوضحت المشكلة ان حضرتك بتقارن بين سيارتين مختلفتين في الفئة من ناحية السعر و النوع.
وخصوصاً و تأكيداً على كلامك أن الفرق في السعر حوالى 32 الف كتير طبعا.
وطبعاً التيجو كفئة وحجم أفضل، تناسبك بوضعك الحالي (فرداني) وتناسبك وانت متجوز وعندك اولاد، وتناسب مشاوير السفر والشيل، وتناسب داخل المدينة، يعنى سيارة متعددة الاغراض ، وممكن تكفى احتياجاتك الحالية والمحتملة .
وخصوصاًأنك قلت أنك موش ناوي تغير العربية الا بعد فترة طويلة.
وبالتالي، قرار الاختيار يعتمد على قدرتك المالية انت، ف بالتأكيد كل ما تعلى المبلغ، هتحصل على سيارة اعلى في الفئة والامكانيات.
فلو الفرق متيسر عليك توفيره، وموش هيأثر على التزاماتك واحتياجاتك المستقبلية، طبعاً التيجو افضل.
لاكن لو الفرق هيأثر معاك وهيجي على حساب مشاريع اخرى مستقبلية زي الجواز مثلاً او ما شبة ذلك، أو هيرطب عليك ديون اعلى من امكانياتك، فلا داعى لشراء سيارة اعلى من امكانياتك الحالية، وتوكل على اللّه واشترى ال 113 و ماتبرجلش حياتك، لان ال113 سيارة جميلة وانا باعتبارها هي وال516 افضل سيارتين اسبيرنزا.
وممكن تعتبرها سيارة تناسب ظروفك الحالية، ولما ظروفك تختلف وتتطلب سيارة بمواصفات اخرى أبقى بدلها، وساعتها يكون الشكل الجديد من التيجو نزل.
وفى النهاية يا صديقي كلها اسبيرنزا !!!!!!!!!!!!!!!!!
توكل على اللّه وصلى ركعتين استخارة ،أدعو اللّه ان يهديك الى ما فيه الخير لك أن شأن اللّه.

**sab3aawy** · 20-04-2011 03:15 PM

انا مسقتش التيجو لكن بمنتهىالامانة بعد تجربة قيادة فى الأيام الأخيرة لل113 ومقارنتها بتجربة قيادة سابقة للبيكانتو، اقول لك لو مش هتقدر تستنى للتيجو(اللى انا معرفش عنها حاجة) استنى حبة وهات بيكانتو ، ببمقارنة ال بيكانتو بال113 البيكانتو حلال فيها كل قرش زيادة، والكلام ده بناء على تجربة قيادة حقيقية لمسافات طويلة لكل منهما وبعيد تماما عن قصيدة "ابعد عن الصينى وغنيله"

**said.d.y** · 21-04-2011 06:44 PM

المشاركة الأصلية كتبت بواسطة islamnasser10

معلش الاسئلة كتير ومش بتخلص انا عارف
بس اية رأي حضرتك في ال 516 كحل وسط بين ال 113 وال تيجو
اوسع من الاتنين وارخص من التيجو بحوالي 20 الف
شبابي ماشي عائلي ماشي
ال 516 ممكن تستحمل 5-6 سنين مثلا لو استخدامي ليها كويس
للاسف مش لاقي حد من صحابي معاه 516 خالص علشان اتناقش معاه واجربها ويطمني علشان اخد الخطوة دي

ال516 عربية ممتازة، خصوصاً لوجبتها 2011 زيرو، لان تقريباً حسب معلوماتى أن كل مشكلها اتحلت، وهى على فكرة افخم واشيك من التيجو من حيث الصالون والتجهيزات الداخلية.
وفعلاً فرق 20000جم كتير ، وهى سيارة عائلية وشنطتها كبيرة ـ وانا استخدمتها 3 سنوات ، وأعرف اصدقاء اشتروها معايا تقريباً فى نفس الوقت ولسة محتفظين بيها (يعنى اكتر من 4 سنوات).
أختيار موفق ان شاء اللّه ،وربنا يهديك للصواب

-

الموضوع: تيجو ولا a113

LinkBack

أدوات الموضوع

عرض

-

-

-

المواضيع المتشابهه

اللي بيحجز تيجو هيستلم تيجو 2013 ولا لا

تيجو*516

تيجو 1600 vs تيجو 2000

سوال عن تيجو

جين 2 و لا تيجو 1.6

الكلمات الدلالية لهذا الموضوع

المفضلات

المفضلات

ضوابط المشاركة