انا لو جبت نوبيرا 2 ان شاء الله اجبها منيوال ولا اتوماتك احسن واجبها مودل كام وايه موضوع عفشتها الي بتبوظ علي طول ده وهيا احسن ولا اجيب فيرنا واريح دماغي ؟؟
عرض للطباعة
انا لو جبت نوبيرا 2 ان شاء الله اجبها منيوال ولا اتوماتك احسن واجبها مودل كام وايه موضوع عفشتها الي بتبوظ علي طول ده وهيا احسن ولا اجيب فيرنا واريح دماغي ؟؟
السلام عليكم و رحمة الله
هو طلعت اشاعات كتير علي الفتيس الأوتوماتيك وعلشان كده نبعد عن الشر و نغنيله
بالنسبه للمانيوال مفيهوش مشكله وعربيه واسعه و قطع غيارها بسيطه و رخيصه وكل الناس بتشتغل فيها
وبالنسبه للفيرنا نفس الكلام
بالنسبه للعفشه نفس موضوع الإشاعات ... و علي فكره كل شئ طالما يستخدم أستخدام عادي يعيش معاك أكتر ما المصنع محدد له وده مع الصيانه الدوريه
بالنسبه للموديل فالمبلغ المتاح هو اللي يحدد الموديل
الفيرنا جميله ... والنوبيرا جميله لكن النوبيرا واسعه عن الفيرنا وحضرتك اللي تقرر وتختار حسب أرتياحك
شكرا لرد حضرتك بس ممكن لو تقدر تقولي عيوب الاتوماتك دي ايه والعيوب دي في النوبيرا بس تقصد ولا الاتوماتك عموما؟ لان الاتوماتك ارييح بكتيير
فى النوبيرا و الانوس فيهم قلق
لو دماغك عايز العلابية تبقى فايقة وتشد و سحب يبقى مانيوال لو عايز راحة يبقى اوتو و اهم حاجة زيت الفتيس على 20000 تغيره والفلتر مرة و مرة ولو عايز تحس بالفرق اركب نوبيرا مانيوال و وراها واحد اوتو حتشوف فرق السما من الارض فى الطلعة و السحب
حضرتك هي مش عيوب معروفه أو محدده ولكنها تتراوح ما بين التنتيش وعدم سلاسة النقلات الي قلة السحب و خلافه من تلف قطع ملحقه بالفتيس زي سلك الكيك داون مثلا
ده بالنسبه للنوبيرا
مع أني من حوالي شهر كنت بأبحث عن نوبيرا ولقيت واحده أوتوماتيك وكانت حالة الفتيس و الموتور زي الزيرو ولكن لم يكتب لي نصيب
أما الفيرنا فليس لها عيوب تذكر مع الاستخدام العادي سواء أوتو ماتيك أو مانيوال
و انصح حضرتك لو مفيش مشكله مع المانيوال بالنسبة لك خليك في المانيوال ليه طعم تاني و متعة تانيه في السواقه
متشكر ليكم جدا يا جماعة :)
nubira vs verna???
مقارنة صعبة شوية يعني nubira و elantra مثلا ماشي
بص أنا ركبت nubira 1 أوتو كانت حلوة قوي وعربية بحر من جوه وشنطة ممكن تحط فيها 3 بني آدمين مستريح
والفتيس بتاعها ممكن تظبطوا رياضي بس بينقل على رد زون
معرفش عن مشاكل ال 2 حاجة بس أنا بحب nubira1 أكتر من 2
هههههههه انا مش بقارن بينهم يا باشا بس دا حسب الميزانية مش اكتر ولو في حاجه في رايك كويسه في حدود 50 ياريت تقولي عليها
مينفعش تقارن بين نوبيرا وفيرنا
والنوبيرا هاتها مانيوال
نوبيرا طبعا