ما هى أنواع مستحضرات التنظيف (فى صورة سبراى أو سائل) و العناية بالسيارة التى تحتفظ بها فى سيارتك؟ و ما هى أفضل الماركات و أماكن شرائها؟
كذلك، أيهم أفضل، غسل السيارة بواسطة حارس العمارة أم فى محطة البنزين؟
ما هى أنواع مستحضرات التنظيف (فى صورة سبراى أو سائل) و العناية بالسيارة التى تحتفظ بها فى سيارتك؟ و ما هى أفضل الماركات و أماكن شرائها؟
كذلك، أيهم أفضل، غسل السيارة بواسطة حارس العمارة أم فى محطة البنزين؟
ولا حاجه من دول
انا بروح المغسله مره كل شهر أو شهر ونص وهم يظبطوها هناك وأريح دماغى
سبراي غسيل الموتور علي طول عندي عمره ما ساب العربية
( علشان مش باستخدمة زي قلتة او مش مقتنع بية ):d
انا معايا على طول علبة اسبراي مامع للتابلوة
بس مش بستعملة .... بستعمل اسفنجة تلميع الجلود
الخاصة بالشنط، اجدع 100 مرة.
برايت شوز؟اقتباس:
المشاركة الأصلية كتبت بواسطة Nader
ايوة حاجة من عينتة كدة بس دابل فيس اسمها
جولدن كراون وبتعيش شهوووور.
أنا فى شنطة العربية جميع أنواع المنظفات - أصلى مدمن الكلام دة - فى نوع منظف مالتى بيربوز وبيغنى عن معظم المنظفات
أنا بستخدم على طول إسبراى التبلوة
و زيت البرافين لفرش الباب الفبر بيديلوة لمعة وبيحافظ علية
و إسبراى الكاوتش علشان يفضل واخد اللون الاسود بتاعة
انا بقى شغال فى توكيل عربيات
ففى واحد محترم جدا بيورد الحاجات دى للشركة عندنا
المهم امبارح جبت منه الاتى
ملمع تابلوة أمريكى ب 14 ج الحلو فيه انه مش بيلمع اوى بنضف تنضيفه محترمه جدا
ملمع كاوتش لسه مستخدمتوش امريكى بردو
سبراى للموتور عشان الكنترول يونيت ميفلسعش أمريكى
سبراى للفرش ومعاه فرشه منها فيها بينضف حلو جدا
فلاش اويل مش عارف جبته ليه ده بيتحط مع زيت الموتور القديم بيغسل الموتور من الداخل وينزل العوالق كلها مع الزيت القديم ( للعربيات اللى مواتيرها مهببة مش عارف انا جبته ليه وانا اساسا لسه عامل عمرة وبلين طفاسه بعيد عنكم)
شماسه للعربيه ملهاش علاقة بالبوست عارف بس جبتها وانتو مش اغراب
منظف رشاشات انجيكشن وده يا جماعه مهم جدا جدا بسبب بنزين مصر ابو 175 و 185 قرش اللى مبهدل عربياتنا ده تحطه كل 5000ك محترم جدا
منظف مياة للمساحات
دفعت 130ج من الاخر وندمت انى اشتريت عربيه
انا جبت كل ده مين بقى ييجى ينضفلى عربيتى بيهم واديلو نصهم مفيش وقت
طفاسة شراء وبس
نسيت ااقول لو الاخوة اللى مسئولين عن المنتدى يحبو انى اكلملهم المستورد
اكلمه بحيث انى يدى اعضاء نايل موتورز الحاجه دى بسعر الجمله
طبعا هتسالو هنستفيد ايه
اجاوبكم
انى جايب الحاجات دى فرق سعرها عن اللى موجود فى محطات الخدمة ااقل حاجه 35% والله
وفى حاجات وصلت لاكتر من 60 %
________
تم دمج المشاركتين.
مشـرف القسم.
طيب ما تدلنا على طريق المستورد ده يا استاذ هانى
مش عارف يا باشا الراجل هيبيعلك دايركت ولا لا بس اساله وارد على سعادتك بكرة طبعا لو هينفع هاديكم رقم موبيله او عنوانه انا بتعامل معاه
على اساس انه شركة مش محل فاهم قصدى طبعا
لان بيبقى فى فرق بين انى اتعامل معاه كشركة او كفرد
المهم هاظبط الدنيا باذن الله تعالى بكره وارد عليكم ان شاء الله
ماشى يا باشا مستنى ردك
سبراي تابلوه armor all امريكي ممتااااااااز .. كل فترة كدة بنضف بيه التابلوه و الابواب بحس العربية من جوة بتلمع
و شايل من نفس الماركة سفنجة فيها السبراي بتاعها احتياطية لتنظيف الزجاج في حالة الطوارئ .. لأن مرة الملاحات اللي في اول طريق اسكندرية من ناحية اسكندرية .. اتنطر عليا منها حاجات بوظت الرؤية خالص و مشالتهاش المساحات مأنقذنيش الا البتاع ده .. و ساعتها كنت واخدها عينة من معرض الأهرام .. أول ما وصلت القاهرة اشتريته .. و بشيله احتياطي