الغاء الضريبه العقاريه

**magid1010** · 08-04-2011 03:07 PM

ابشرو قريت الخبر ده ايه رايكم

يسلم وائل الابراشى و يارتنى كنت وقفت زيه و ما قدمتش الاقرار اللعين
http://www.almasry-alyoum.com/article2.aspx?ArticleID=292997&IssueID=2099#Commen tFormAnchor

**l0new0lf** · 08-04-2011 03:14 PM

بالعكس
الخبر بيقول تعطيل القانون الجديد و العمل بالقانون القديم
يعنى الناس الى خدت اعفاء فى القانون الجديد هترجع تدفع تانى

وقالت مصادر مطلعة إن مستشاراً قانونياً معروفاً لوزير المالية الحالى، أقتى بعدم تطبيق قانون الضريبة العقارية الجديد، وأوصى بالرجوع إلى العمل بالقانون القديم، محذرة من أن هذا الرجوع يفيد رجال الأعمال والمستثمرين رغم أن القانون الجديد كان يهدف إلى حصرهم وخضوعهم للضريبة بالأساس.

http://www.almasry-alyoum.com/articl...ticleID=292947

انا مش فاهم حاجه
ياريت تتلغى نهائى

**Dr.SherifMansy** · 08-04-2011 05:10 PM

قانون الضريبة العقارية القديم هو المعروف باسم العوائد و ده الناس عارفاه من 1954 تقريبا و متعايشين معاه و خصوصا ان فيه قوانين اخرى عدلت فيه و جعلت هناك اعفاءات للشقق السكنية او التى لا تدر دخلا.
يمكن كان فيه ثغرات تخلى رجال الأعمال يتهربوا من الضريبة و لكن أكيد أرحم من القانون العظين بتاع يوسف بطرس غالى اللى فرضها على كل العقارات و الشقق و اعفى منها الفنادق و المصانع.

فيه شرح مقارن ظريف من هنا

و تحياتى

**mahfouz1983** · 08-04-2011 07:14 PM

الشعب كان بيدفع العوايد في الضرائب العقاريه ودي مكنتش مشكله ولكن المشكله في انه كان هيعمل ضريبه تصاعديه دي كانت مشكله وكانت هتكون مرهقه جدآآآ في الدفع وخاصه ان مكنش هيحسسك بيها في الاول ولكن لما المده تزيد كنت هتحس ان عبء كبير جدآآآآآآآآآآآ

**l0new0lf** · 08-04-2011 07:33 PM

ازاى يعنى معفى؟؟ و احنا بقالنا بتاع 20 سنه و اكتر كل سنه بندفع على البيت الى ساكنين فيه و البيت ملكيه خاصه لافيه ايجارات ولا مشاريع
و لما كنا بنتاخر كان بينزل علينا غرامه!!!!

**Dr.SherifMansy** · 08-04-2011 10:55 PM

المشاركة الأصلية كتبت بواسطة l0new0lf

ازاى يعنى معفى؟؟ و احنا بقالنا بتاع 20 سنه و اكتر كل سنه بندفع على البيت الى ساكنين فيه و البيت ملكيه خاصه لافيه ايجارات ولا مشاريع
و لما كنا بنتاخر كان بينزل علينا غرامه!!!!

يا اخى العزيز انا ماعنديش خلفية عن الموضوع بالكامل ، و لكن اللى اعرفه عن العوائد من الناس اللى عندهم عقارات و اعرفهم شخصيا ، و ماحدش فيهم كان بيشتكى منه (على حد علمى) و اعتقد كونكم متحملينه 20 سنة يبقى محتمل نوعا ما ، و لكن نظام ضريبة يوسف بطرس غالى كان رهيب ، بيدخل الكل تحت سيف الضريبة طالما غلطت و تملكت اى نوع من العقارات ، و ان ما طالتكش الضريبة المرة دى ، هاتطولك بعد كده ، و هى فعلا تصاعدية .. و بالتالى كانت النهاية ان اى حد عنده عقار هايوصل لمرحلة انه يبيعه علشان يخلص من الضريبة !!!

ده مش كلامى انا ... ده كلام الناس بتوع الضرائب و المحللين و الخبراء الأقتصاديين اللى بيكتبوا فى الجرائد و النت و غيره..

و تحياتى

**shaddadfalcon1** · 09-04-2011 12:09 AM

يارب عقبال ضرائب السيارات تتغلي هي كمان خلينا نركب عربيات بدل الغسالات اللي عندنا دي

نفسي يجي اليوم اللي يبقي تحت رجلي حاجه اكبر من 200 حصان بدل الكام جحش اللي بيمشو ينهقو في الطريق دوول

**Dr.SherifMansy** · 09-04-2011 07:05 AM

المشاركة الأصلية كتبت بواسطة l0new0lf

ان كان فيه حاجه غلط بتحصل قبل كده فدة مش معناه ان الغلط يستمر لمجرد انى قادر ادفع, زى كفار قريش لما كانوا بيقولوا (إنا وجدنا اباءنا على هذا)
هى دى الفكره لو الدفع مش قانونى يبقى ادفع ليه!!
لو مسكن خاص المفروض ميدفعش له ضرايب (عوايد) خصوصا ان مفيش عائد ربح جاى من وراه و ده الى فهمته من المقالين, وان كان فيه قانون للدفع و بعدين اتشال بحكم محكمه من على المسكن الخاص
طيب ليه لما بنتاخر المحصل كان ييجى البيت و يدفعنا كمات غرامة تاخير!!! ياريت لو حد عنده معلومات مؤكده فى موضوع الضرايب العقاريه ده

يا اخى العزيز انا مش باقول انه هو ده اللى لازم يفضل ، انا باقول انه ارحم من الجديد اللى كانوا هايطبقوه ، و لكن اكيد انا زى باقى الناس اللى مستنية قانون جديد تماما زى ما قالوا و يكون فيه عدل.. ده اللى انا باقصده ، و لكن مش معنى كلامى انى راضى عن القديم ، انا مجرد باوضح انه ارحم من الجديد

و تحياتى