بنزين 80

**alynubira** · 08-04-2011 04:19 PM

السلام عليكم
انا معايا نوبيرا 1 اوتوماتيك بصراحه بتشفط بنزين وجربت كل حاجه
المهم وضعت بنزين 80 ودورت على فيشه الاوكتان لم الاقى اى فيشه غير فيشه كبيره مكتوب عليه cd cd cd
الecu عندى جنب رجل اللى قاعد جنب السواق على اليمين تحت الفيبره
المهم انا كنت قرات ان ممكن اعلى كهرباء العربيه علشان متسقفش ازاااى واعمل ايه
ولكم جزيل الشكر

**HOSSAM99** · 08-04-2011 04:39 PM

و عليكم السلام ورحمة الله و بركاته
هي فيشه الأوكتان في اللانوس بتبقي تحت فرش الكرسي اليمين الأمامي و كان فيه موضوع في القسم بيشرحها
أما موضوع تأخير أو تقديم الشراره اللي هي الكهرباء أنا مقدرش أفيدك لأنه ممكن يلغبط العربيه

**alynubira** · 08-04-2011 06:02 PM

المشاركة الأصلية كتبت بواسطة hossam99

و عليكم السلام ورحمة الله و بركاته
هي فيشه الأوكتان في اللانوس بتبقي تحت فرش الكرسي اليمين الأمامي و كان فيه موضوع في القسم بيشرحها
أما موضوع تأخير أو تقديم الشراره اللي هي الكهرباء أنا مقدرش أفيدك لأنه ممكن يلغبط العربيه

شكرا يا باشا
بس ايه الغلط فى تقديم او تاخير الشراره

**mahmoudysf** · 08-04-2011 06:49 PM

النوبيرا مينفعش ااقدام او ااخر في الكهربا الموضوع ده بينفع في النظام القديم اللي فيه ابلتين وكوندينسروالتقديم او التاخير بيتم عن طريق الكومبيوتر وفيشة الاوكتان اللي مش عارف موجودة في النوبيرا 1 ولا لا

**moko_2004** · 08-04-2011 08:02 PM

انا معايا نوبيرا ون ولا يوجد بها فيشة اوكتان العربية فيها حساس تسقيف وهو بيضبط العربية لوحدة
و هي في الأساس مضبوطة ضبطة بنزين 95 عشان نظام اوروبي
تجربتي لما حطيت بنزين 80 العربية ما كنش بيحصل فيها تسقيف الا حاجات بسيطة قوي ودة بعد ما بتسخن يعني بعد ما امشي بيها مشورا كبيراو لما اققف في الزحمة فترة كبيرة و لكن غير كدة مسقفتش
طبعا البنزين 95 استاذ في العربيات دي ولكنة غالي جدا
92 مستواه معقول وللعلم انا عربيتي اوتو و كنت بعمل في الصفيحة 200 كيلو لما اسوق بأدبي و علي طريق طوالي او 180 جوا البلد
لو عربيتك بتاكل بنزين تكشف عليها عشان لو فيها حساس او رشاشات وا غير كدة تحل المشكلة