عرض للطباعة
للأمانة حبيت أعرف الناس أول مشاكل للتيدا معايا وهى:
1. الكلاكس فيه ناحية مش شغالة, يعنى لازم أضغط شمال أو منتصف الدركسيون علشان أكلكس , لكن فى اليمين مفيش كلاكس ؟؟؟؟؟؟؟؟؟؟؟؟؟؟؟؟
2. من 3 أيام أخدت مطب بسعر 60 كيلو وكان عالى والنهاردة ظهرت طقطقة من الناحية اليمين قدام وبتظهر مع الملفات وبعض أحبان مع الفرملة الهادية ؟؟؟؟
السؤال دلوقتى هل أروح الصيانة ولا أنتظر لإتمام أو ألف كيلو ؟؟؟؟ وتتوقعوا الطقطقة دى تكون إيه يا ترى ؟؟؟؟
الطقطقه اكيد كاوتش تراب باذن الله و استنى على صيانه الالف و روح كده كده خير ان شاء الله
لا حول ولا قوة الا بالله معلش يا باشا بس الكلاكس دية بيتهيقلي حاجة عبيطة هيفكو الوش دا و يشوفو مش واصل ولا اية بس موضوع الطقة دا غريب
بس اا مش عارف انت تروح دلوقتي و تقولوهم علي الموضع المطب دا و الخوف انهم لو طلع حصل حاجة يقولك دا عيب استخدام ولا تروح في الالف و يطلع حاجة كانت محتاجة تتظبط دلوقتي و تبوظ اكتر
هيا ان شاء الله حاجة بسيطة بس نستني رأي باقي الاعضاء
الف مبروك التيدا
وربنا يعطيك خيرها ويكيفك شرها
بخصوص الكلاكس امر عادى جدا ممكن يكون عاوز يترجلش , واذا كان فى حاجة مش مظبوطة حيتغير على طول
وبخصوص الطقطقة دى ممكن تكون من كذا حاجة مش شرط من حاجة واحدة
ممكن تكون كاوتشة التراب بس استبعدها
ممكن يكون قطمة الدريكسيون طالما بتظهر فى الملفات , والله اعلم
ممكن يكون حاجة بسيطة عادية وعايزة تتربط
فكل ده حيبان معاك لما تروح الصيانة باذن الله وتعملها
خاليك بما تعمل صيانة الالف ولو وصلت الى 900 كيلو ومستعجل روح عادى واعمل صيانةا لالف واطمن
وان شاء الله خير
متقلقش ان شاء الله خير و ممكن يكون الموضوع كله بس عايز تربيط عفشة .. لأن العفشة في صيانة الالف بيتم تربيطها تماما بعد ما العربية مشيت في الشارع او الف كيلو
شكرا للاصدقاء على الرد
وربنا يستر لحد ما اروح صيانة الالف
--------------------
استخدام الأحرف اللاتينية (الانجليزية) في كتابة اللغة العربية مخالف للقاعدة رقم 6 بند "ب".
يرجى مراجعة قواعد المنتدى
مشرف القسم
15ب
[mark=#ffffc4]اللي يحدد تروح دلوقتي ولا تستنى موعد الصيانة هو المسافة اللي مشيتها حتى الآن.. لو قربت من الألف يعني 700 أو 800 يبقى تستنى لغاية 900 ك وتروح.. أما لو أقل من 700ك يبقى تروح دلوقتي على طول علشان تطمئن.. طقطقة بعد مطب مش لازم تتساب كتير من غير تعرف سببها..[/mark]