الموضوع: ما هو تقييمك لوكيل تويوتا و مراكز الخدمه

الناس هناك محترمه جدا وتعاملها اكتر من رائع غير تو كيلات تانيه كتير وطبعا الشاى المجانى لذيذ

أنا أتعامل معهم من 09/2007 حتى الآن 06/2011 و أعتقد إنهم ممتازين جداً جداً و كلامي على مركز العباسية و أبو رواش لأني أتعامل مع الإثنين.

طيب علشان نبقى متفقين الاول .... فعلا مركز خدمة العبور سئ ودا اغلب وجهة النظر اولا في مواعيدهم هما كانوا زمان كويسين انما مواعيدهم بقت زفت ثانيا في اسعارهم والتخفيضات المستفزة اللي بيعملوها ثانيا في الاستقبال بتاعهم اللي عايز يتغير كله من اوله لاخره و كمان قطع الغيار بتاعتهم ... وانا عندي مشكلة وكان نفسي اعرف منكوا ازاي احاول احلها ... انا عارف ان انا غلطان لاني كسلت من الاول وسبتهم يلعبوا بيا وماجرتش ورا حقي بس بصراحة انا كل مابفتكر بترفز
انا معايا كورولا الجنوب افريقي 2008 وطبعا فاكرين المشكله بتاعتها وبالنسبه للي كان بيقول انها مافيهاش مشكله واننا بس مش متعودين ولا فاهمين فهو لا لان فعلا في مشكله وهما اعترفوا بدا وكمان المشكله في النتشه اللي الناس كانت بتقول عليها عند الغيار لكن في مع النتشه دي رزعة في الفتيس والفتيس بتحس انه بيتاخر لما ياخد الغيار المهم هما كانوا عملوا معايا حركة نص كم في الاول ايام مااعلنوا انهم هايغيروا قطعة في الفتيس والعربية هتبطل تعمل الحركة دي واكتشفنا في الاخر انها افتكاسة ورجعت ريما لعادتها القديمة قبليها بشهر رحت اعمل صيانة وغيروا ليا زيت الفتيس وماعرفش كمان حاجه كمان وعرفت بعديها ان الحاجات دي ماكنش المفروض تتغير دلوقتي وانهم خدوا فلوسها لانهم غيروها مع قطعة الغيار اللي كان مفروض انها في الضمان المهم ماكنتش دي المشكلة عندي انما لما كنت بعمل الصيانة غيرت التيل امامي وخلفي - و صحيح دول بيتغيروا كل 20 الف الامامي والخلفي وانا حاسس ان دا قليل قوي بصراحة - ودا في رمضان اللي فات وانا اساسا مابمشيش بالعربية كتير المهم اني كنت بحس ان الفرامل مش مضبوطة بس شغالة وكانت كويسه لغاية في مره اضطريت اكبس فرامل وانا ماشي بسرعة وبعيد عنكوا حسيت ان مافيش حاجه اسمها فرامل خلفية وان حديد بيمسك في بعضه ودا بعد مالتيل عمل 13 الف فرحت التوكيل اكشف قالولي ان التيل عايز يتغير قلتلهم انا عملت بيه 13 الف بس قالولي هو كدا بدات احاول افهم لقيت الاخ بتاع الاستقبال بيزق في الكلام وسابني ومشي ماسيبتوش ورحت اتكلم معاه قعد يقول اي كلام بعيد خالص ان العيب من التيل قلتله عايز اكلم المدير قالي مافيش حد كبير تكلمه وجابلي الصنايعي اللي بيغير التيل قالي اننا هنجرب وبعد الفين كيلوا تيجي نبص عليه واي كلام بيتقال بصراحة انا كرهتهم من ساعتها ومامككرتهاش تاني و لما سالت واحد عن التيل اللي طلعوه وشافه قالي التيل دا زي الزفت والمفروض انهم كانوا غيروه على حسابه وازاي انت سكت عليهم انا دلوقتي مشيت 7 الاف على التيل الجديد وحاسس ان الفرامل برضه مش مظبوطه وجه ميعاد ال60 الف ومش عارف ارجع تاني اتخانق معاهم وهايقولي اول ماصحيت وافتركت !!! ولا اروح ابو رواش لان من كلمكم انهم محترمين وربنا يعوض عليا بس اصلي خايف يكون التيل القديم دا كل في الطنبورة و وبوظها .... معلش طولت عليكوا و ياريت تدلوني ربنا يكرمكوا ومايوقعكوش في توكيل مش محترم ابدا يارب .... :)

المشاركة الأصلية كتبت بواسطة amr_omran84

طيب علشان نبقى متفقين الاول .... فعلا مركز خدمة العبور سئ ودا اغلب وجهة النظر اولا في مواعيدهم هما كانوا زمان كويسين انما مواعيدهم بقت زفت ثانيا في اسعارهم والتخفيضات المستفزة اللي بيعملوها ثانيا في الاستقبال بتاعهم اللي عايز يتغير كله من اوله لاخره و كمان قطع الغيار بتاعتهم ... وانا عندي مشكلة وكان نفسي اعرف منكوا ازاي احاول احلها ... انا عارف ان انا غلطان لاني كسلت من الاول وسبتهم يلعبوا بيا وماجرتش ورا حقي بس بصراحة انا كل مابفتكر بترفز
انا معايا كورولا الجنوب افريقي 2008 وطبعا فاكرين المشكله بتاعتها وبالنسبه للي كان بيقول انها مافيهاش مشكله واننا بس مش متعودين ولا فاهمين فهو لا لان فعلا في مشكله وهما اعترفوا بدا وكمان المشكله في النتشه اللي الناس كانت بتقول عليها عند الغيار لكن في مع النتشه دي رزعة في الفتيس والفتيس بتحس انه بيتاخر لما ياخد الغيار المهم هما كانوا عملوا معايا حركة نص كم في الاول ايام مااعلنوا انهم هايغيروا قطعة في الفتيس والعربية هتبطل تعمل الحركة دي واكتشفنا في الاخر انها افتكاسة ورجعت ريما لعادتها القديمة قبليها بشهر رحت اعمل صيانة وغيروا ليا زيت الفتيس وماعرفش كمان حاجه كمان وعرفت بعديها ان الحاجات دي ماكنش المفروض تتغير دلوقتي وانهم خدوا فلوسها لانهم غيروها مع قطعة الغيار اللي كان مفروض انها في الضمان المهم ماكنتش دي المشكلة عندي انما لما كنت بعمل الصيانة غيرت التيل امامي وخلفي - و صحيح دول بيتغيروا كل 20 الف الامامي والخلفي وانا حاسس ان دا قليل قوي بصراحة - ودا في رمضان اللي فات وانا اساسا مابمشيش بالعربية كتير المهم اني كنت بحس ان الفرامل مش مضبوطة بس شغالة وكانت كويسه لغاية في مره اضطريت اكبس فرامل وانا ماشي بسرعة وبعيد عنكوا حسيت ان مافيش حاجه اسمها فرامل خلفية وان حديد بيمسك في بعضه ودا بعد مالتيل عمل 13 الف فرحت التوكيل اكشف قالولي ان التيل عايز يتغير قلتلهم انا عملت بيه 13 الف بس قالولي هو كدا بدات احاول افهم لقيت الاخ بتاع الاستقبال بيزق في الكلام وسابني ومشي ماسيبتوش ورحت اتكلم معاه قعد يقول اي كلام بعيد خالص ان العيب من التيل قلتله عايز اكلم المدير قالي مافيش حد كبير تكلمه وجابلي الصنايعي اللي بيغير التيل قالي اننا هنجرب وبعد الفين كيلوا تيجي نبص عليه واي كلام بيتقال بصراحة انا كرهتهم من ساعتها ومامككرتهاش تاني و لما سالت واحد عن التيل اللي طلعوه وشافه قالي التيل دا زي الزفت والمفروض انهم كانوا غيروه على حسابه وازاي انت سكت عليهم انا دلوقتي مشيت 7 الاف على التيل الجديد وحاسس ان الفرامل برضه مش مظبوطه وجه ميعاد ال60 الف ومش عارف ارجع تاني اتخانق معاهم وهايقولي اول ماصحيت وافتركت !!! ولا اروح ابو رواش لان من كلمكم انهم محترمين وربنا يعوض عليا بس اصلي خايف يكون التيل القديم دا كل في الطنبورة و وبوظها .... معلش طولت عليكما و ياريت تدلوني ربنا يكرمكوا ومايوقعكوش في توكيل مش محترم ابدا يارب .... :)

موضوع الشكوى من التيل فى الكورولا جنوب افريقى تكرر كثيرا وفى على المنتدى ناس اشتكت من انه بيوصل ويبوظ الطنابير علشان كده انا من رأى تروح الصيانة عند ابو رواش ناس فاهمةوعندهم ضميير شوية وتكون واخذ فاتورة تغيير التيل وتصر الدور ده انهم يكشفوا على التيل والطنابير اماى وخلفى دى ارواح وفلوس ناس (ما تقولش لهم انك غيرته لسه بس هما طبعان حيعرفوا من الكيلومترات) وبعد كده غالبان حيقولوا عاوزين يتغيروا لازم تصر انهم يتغيروا فى الضمان على حسابهم ولما تفشل فى اقناعهم واقناع مدير الصالة او مدير الصيانة وانك حتقدم شكوى لجهاز المستهلك (ده لو لسه شغال بعد الثورة وممكن تكلمهم تربط معاهم ايه المستندات اللى حيحتجوها فى حالة الشكوى) بس اهم اهم حاجة انك تسجل طلبك فى امر التشغيل (الورقة اللى موظف الأستقبال بيستلم عليها السيارة ويمضيك عليها وتصر تطلبها (حالة وجود مشاكل او استهبال منهم) وتسجل شكواك فيها او على ورقة تانية تمضى موظف الأستقبال عليهابالأستلام وتاخذ صورة من الأثنين طبعا كل ده قبل ما تدفع اى حاجة وكل ده حقك لغاية دلوقتى حتى لوا جابولك البوليس وانا 90% متأكد انهم حيغيروا لك الطنابير والتيل امامى خلفى على حساب الضمان....السبب انك تأخذ الصور دول علشان تستخدمهم فى جهاز حماية المستهلك (حققك حيجيلك وكمان ترسلهم لشكاوى تويوتا العالمية وهى بدورها يمكن يجى الحظ فى انهم يشوفوها فى الكشف الدورى على التوكيل ده لو ماخبوهاش) لازم نعمل كده مع التوكيل للأسف لانه حاليا لا يوجد ضمير وكل همهم دلوقتى استغلال العملاء بتوع الصيانة لان مبيعاتهم فى النازل...خسارة يا تويوتا

افيدوني لأنني زهقت وتعبت من اللف والدوران عربيتي لأنها مواصفات خليجدية كلمت تويوتا ايجبت العباسية لم يقبلها لأنها ليست مشتراه من عندهم طبعا شي غريب ومش منطقي .. المهم العربية كل ماأروح لأي مركز يفتي من غير فهم .. العربية مابتسحب معي وبتقطع بس المشكلة مش مستمرة معي .... ولما ذهبت لتويوتا العبور بصراحة تعاملهم سئ جدا وماعندهم نظام لا بالصيانة ولا مصداقية بالمواعيد .. لم اشعر ابدا اني اتعامل مع مهندسين .. وكأني بتعامل مع موظفين السجل المدني ان لم يكن اسوأ .. مع احترامي لموظفي السجل المدني واسعار مغالا بها كتير .... وكلامهم مش مرتب ابدا ولا بيعرفوا يفهموك شي .. اشك انهم مهندسين صيانة والعربية ليها اسبوع عندهم علي مشكلة تافهة ولم استلمها للأن ....
ارجوكم من يعرف حدا بيفهم بجد من غير نصب لأنني تعقدت بجد بيفهم بتويوتا الخليجي يرشدني وياريت يكون قريب من مدينة نصر
ولكم كل التقدير...

مركز خدمة التجمع الخامس اكتر من رائع ... مشكله واحده فقط احيانا مفيش التزام كامل بميعاد الاستلام....قالولي يوم التلات استلم العربيه لقيتهم بيكلموني يوم الاتنيين بيقولو ان العربيه هتتاخر للخميس الساعه 3 .....روحت الخميس الساعه 3 استلمت العربيه الساعه 4:30 .....بس اعتقد ان دي مشكلة مصر كلها مش بس توكيل و كده

بناء على التجربة الشخصية..
التوكيل فرع التجمع الخامس و ابو رواش فوق الممتاز..
و فيه قسم الجودة اللي بيتابع معاك بعد الصيانة ارائك و اذا كان فيه مشكلة واجهتك وقت الصيانة..
مفيش توكيل معصوم من العيوب..بس مقارنة تويوتا بالتوكيلات التانية اعتقد ان تويوتا افضلهم..
كفاية المعاملة المحترمة.