إلى خبراء الدايو نوبيره

**ehabnew2004** · 08-04-2011 09:19 PM

السلام عليكم يا أجمل منتدى
أولا :عاوز أخذ رأى الأعضاء فى سيارة دايو نوبيره 2007 حالة جيدة جدا دواخل فابريكة بوهيه خارجية مش بطالة فول ابشن مانول استعمال طبيب مطلوب فيها 49500 من الأخر مش عاوز ينزل منها جنيه يا ترى السعر كويس ولا لأ ؟
ثانيا : سمعت أن النوبيرة بتأكل بنزين كتير هل الكلام ده صح و لا لأ ؟ معلش اصل أنا كان معايا لانوس 2 مكنتش بتأكل بنزين خالص .
ثالثا : سمعت ان عفشة النوبيره مش اد كده بيتغيرلها جلب و مقصات كل 4 أو 5 شهور الكلام ده مضبوط ؟
منتظر أراء الخبراء و مستخدمى النزبيره لأنى هتفرج بكره على السيارة .
وأسف على الإطالة و السلام عليكم و رحمة الله و بركاته .

**ramyhekal** · 08-04-2011 10:01 PM

سمعت أن النوبيرة بتأكل بنزين كتير هل الكلام ده صح و لا لأ ؟ معلش اصل أنا كان معايا لانوس 2 مكنتش بتأكل بنزين خالص .
ثالثا : سمعت ان عفشة النوبيره مش اد كده بيتغيرلها جلب و مقصات كل 4 أو 5 شهور الكلام ده مضبوط ؟
تمام

**Ahmed Nasser** · 08-04-2011 10:49 PM

السلام عليكم يا أجمل منتدى

وعليكم السلام ورحمة الله وبركاتة

أولا :عاوز أخذ رأى الأعضاء فى سيارة دايو نوبيره 2007 حالة جيدة جدا دواخل فابريكة بوهيه خارجية مش بطالة فول ابشن مانول استعمال طبيب مطلوب فيها 49500 من الأخر مش عاوز ينزل منها جنيه يا ترى السعر كويس ولا لأ ؟

اعتقد السعر كويس لانها موديل 2007 ودواخل فبريكة
والاخوة هيفيدوك فى السعر اكتر منى

ثانيا : سمعت أن النوبيرة بتأكل بنزين كتير هل الكلام ده صح و لا لأ ؟ معلش اصل أنا كان معايا لانوس 2 مكنتش بتأكل بنزين خالص .

داخل المدينة الاستهلاك عالى شوية بس مش لدرجة انها بتاكل

ثالثا : سمعت ان عفشة النوبيره مش اد كده بيتغيرلها جلب و مقصات كل 4 أو 5 شهور الكلام ده مضبوط ؟
منتظر أراء الخبراء و مستخدمى النزبيره لأنى هتفرج بكره على السيارة .

دى حلها انك تجيب مقصات وجلب اسبانى وهتعيش معاك
وكتير من الاخوة هنا مجربة وبيشكروا فيها

راى هية عربية ممتازة جدااا
ومميزاتها كتيرة وعيوبها تقدر تتغلب عليها

**elpasha1** · 08-04-2011 11:21 PM

سعرها ممتاز ... بالنسبة للبنزين اللانوس 1500 والنوبيرا 1600 فطبعا هتلاقى تغيير فى استهلاك البنزين بس مش بالدرجة اللى متخيلها
بالنسب للعفشة معرف ان عفش النوبير اضعيفة لكن فى انواع من قطع الغيار منهاكويسة جدا
بس توكل على الله واشتريها

**Mangog** · 08-04-2011 11:39 PM

النوبيرا غالية فى حاجتها ...لو عايز تركب فى الغالى اركب اوبترا لان مصاريف العربيتين .. قريبة من بعض الاربع مساعدين مثلا 1300 جنيه كمان نفس نوع المكنة A-Tek ممكن تلاقى فى الاوبترا مستعمل فى حدود 65 الف موديل 2006
اما لو عايز تشترى عربية و تبقى تبيعها بعد كده اشترى لانوس أحسن فى حدود 50 الف ممكن تجيب عجل حديث و من غير شغل كتير و تريحك وبعدين اللانوس مصاريفه كلام فاضى بينافس ال 28 و الشاهين .. لكن انا شايف ان النوبيرا عربية كئيبة و كانت قدامى و انا باشترى الاوبترا زيرو قبل ما يتوقف تصنيعها و كان ارخص 13 الف لكن العربية دى مش ظريفة و هتتعبك .. يا تجيب فى العالى اوبترا يا تجيب لانوس 2008 ولا حاجة

**alaasal** · 09-04-2011 01:38 PM

بالنسبه للعفشه انا جبت الحل للمنتدى من زمان
http://www.nilemotors.net/Nile/179845-a.html

**ehabnew2004** · 10-04-2011 09:14 PM

بارك الله فيكم جميعا و أشكر لكم اهتمامكم جميعا
الحمد لله أنا أشتريت عربية لانسر كريستالة 98 حالة جيدة جدا فى الدواخل و الحوض و لكنها تحتاج بعض السمكرة و الدوكو و موتورها ذى الفل و الحمد لله
ما رأى الاعضاء يا ترى ؟

**gassarian** · 10-04-2011 11:47 PM

الله يبارك لك فيها و يكفيك شرها و شر الطريق و يحميك من التاكسيات و المشاريع و الأوتوبيسات و عربيات النقل بأنواعه

**midooo_119** · 11-04-2011 12:12 AM

المشاركة الأصلية كتبت بواسطة mangog

النوبيرا غالية فى حاجتها ...لو عايز تركب فى الغالى اركب اوبترا لان مصاريف العربيتين .. قريبة من بعض الاربع مساعدين مثلا 1300 جنيه كمان نفس نوع المكنة a-tek ممكن تلاقى فى الاوبترا مستعمل فى حدود 65 الف موديل 2006
اما لو عايز تشترى عربية و تبقى تبيعها بعد كده اشترى لانوس أحسن فى حدود 50 الف ممكن تجيب عجل حديث و من غير شغل كتير و تريحك وبعدين اللانوس مصاريفه كلام فاضى بينافس ال 28 و الشاهين .. لكن انا شايف ان النوبيرا عربية كئيبة و كانت قدامى و انا باشترى الاوبترا زيرو قبل ما يتوقف تصنيعها و كان ارخص 13 الف لكن العربية دى مش ظريفة و هتتعبك .. يا تجيب فى العالى اوبترا يا تجيب لانوس 2008 ولا حاجة

ليه بس هى النوبيرا عملتلك ايه دى بنت حلال و الله :b4_611:

المشاركة الأصلية كتبت بواسطة ehabnew2004

بارك الله فيكم جميعا و أشكر لكم اهتمامكم جميعا
الحمد لله أنا أشتريت عربية لانسر كريستالة 98 حالة جيدة جدا فى الدواخل و الحوض و لكنها تحتاج بعض السمكرة و الدوكو و موتورها ذى الفل و الحمد لله
ما رأى الاعضاء يا ترى ؟

اليابانى يابانى ياباشا و مبروك عليك و ربنا يباركلك فيها