هي العربية مانيوال
و يا ترى المخدع الاصلي دة ممكن اشتريه منين و اركبه عند مين
و هيبقى زيه زي اللي بينزل في الكرسي الاصلي ولا ايه ؟
و معلش لو فيها رخامة هيبقى في حدود كام
عرض للطباعة
أنا معايا فيرنا 2009 مانيوال كاملة والعداد دلوقتى عامل 18000 هو لازم أروح التوكيل وأعمل صيانة ال20000 ؟
وحاجة تانى كنت عايز أركب فوجات في العربية بس الراجل اللى في التوكيل قالى إنتا كدة هاتلغى التوكيل بتاع العربية هل الكلام ده مظبوط ؟؟
وشكرا
انا معايا فيرنا 2010 وعامل بيها 20000 كم
روحت عملت صيانة ال 20000 برة التوكيل
لقيت تيل الفرامل الامامي منتهي وغيرته
ايه اعراض ان التيل يكون خلصان؟!
وهل منطقي ان تيل الفابريكة ينتهي على 20000 كم؟!
علما بأن سواقتي هادية ومش رياضية ولا حاجة !؟
معايا نيو أكسنت عاملة 47000 كيلو بسمع طقطقة وانا بلف الدركسيون يمين و شمال .... الصوت في الدركسيون نفسة من جوا التابلوة دة
و التوكيل قال إن المشكله قطمة دركسيون و غالى جدااااااااااااااااااا فى التوكيل
و ساعات كمان بتنور لمبة EPS :Ka_che1[1]:
electronic power steering
و الدركسيون يقفش !!!!
إيه الحل ؟؟و يكون معقول فى السعر ؟
و متعرفش سعر القطعه فى الحرفيين ؟؟
و جزاك الله خيرا
بص يا سيدي اولا الصيانه دي بالذات مهمه للعربيه لان غير الصيانه العاديه يتم تغير الفلاتر و البوجيهات علشات العربيه ماتتكتمش و ثانيا عدم الالتزام بالصيانات بوجه عام يعرضك لالغاء الضمان فليه هتخسره
اما بالنسبه لموضوع الفوجات الكلام اللي اتقالك صح و التوكيل بصفه عامه لا يعمل اي تعديل علي العربيه
ليه بس بره التوكيل يا سيدي لضعف الايمان لبقي اعمل اللي انت عايزه لما تتطلع من الضمان ثانيا لما التيل يكون خلصان يعمل صفاره او صوت خشانه او يكون البدال واطيو بالنسبه لموضوع التيل ده بيكون علي حسب الاستهلاك بس نصيحتي ليك اتاكد من التيل اللي ركبته يكون مش اصلي لحسن ياكل الطنابير
باشمهندس هانى ربنا يجازيك خير على خدمتك للمنتدى وانا كنت متابع مواضيعك وردودك قبل كدة.
انا معايا النترا 2009 عاملة دلوقت 26000 وعندى بعض المشاكل اللى ظهرت من ال 10000 ومتحلتش ولا مرة فى الصيانة:
1- صوت تزييق فى دواسة الدبرياج مسموع من بره عند الكبوت مع احساس برعشة فى البدال من التزييق نفسه. وكل مرة بيعملوها وتظهر تانى فى اقل من اسبوع ( انا خايف طبعا ليكون طقم دبرياج وهما مش عايزين يصلحوه ) دى المرة التالتة ولسة هروع صيانة ال 25000 مش عارف اقولهم ايه ؟
2- صوت طقة فى الدركسيون لما بلف يمين بس وارجعه لكن لما ابتدى الف شمال من الوضع الوسط مبيعملش (قولتلهم عليها فى التوكيل وقالو عملوها بس بستلم العربية زى ما هى (انا خايف تكون قطمة الدركسيون دى اللى الاعضاء بيقوله عليها )
3-المارشدير مبيجيش من اول مرة (بس لقيت اعضاء كتير عندهم نفس الحكاية فقولت يمكن دة عادى ) والغيار الاول بيجى عادى فى وضع الثبات لكن لما تكون العربية ماشية هادى وعايز اجيب الغيار الاول ( مطب صناعى مثلا) بيجى بصعوبة جدا .
4- زجاج باب السائق لو فتحته للاخر مرة وقفلته المرة اللى بعديها يعمل صوت طرقعة فى الفتح.( عملوها برده فى الصيانة ورجعت تانى )
معلش اخر حاجة اخدت مطب نقرة فى طريق الفيوم والجنط اتعوج المهم جربت العربية الحمدلله مش بتحدف ومفيش تاثير ظاهر بس قلقان ليكون حاجة حصلت وتاثيرها مش هيبان دلوقت فكنت عايز اعرف من حضرتك اقولهم يكشفو على ايه فيها وانا فى الصيانة)
ارجو الافادة واسف على الاطالة اعمل ايه بقى العشم
شكرا ليك يا بشمهندس ولجميع الاعضاء