بالنسبة لناشونال موتورز اسيوط بقا هو مش زحمة و المعاملة جيدة . . بس في الضياع و لا ليهم فيها بربع جنيه . . . اخر مرة اتخانقو مع بعض العيب فلتر البنزين ولا البوجيهات . . طبعن سبتهم و قولت انزل السبع او مودرن الهايكستب
عرض للطباعة
بالنسبة لناشونال موتورز اسيوط بقا هو مش زحمة و المعاملة جيدة . . بس في الضياع و لا ليهم فيها بربع جنيه . . . اخر مرة اتخانقو مع بعض العيب فلتر البنزين ولا البوجيهات . . طبعن سبتهم و قولت انزل السبع او مودرن الهايكستب
هو مافيش غير مودرن بالاسكندرية ؟
أحلي حاجه في نيسان الخدمة ما بعد البيع
بص ياخى الفاضل انا فى توكيل الدراسه وهو زى اى توكيل لنيسان قطع الغيار الي عندنا لازم تكون اصليه ولا يمكن نجيب قطع غيار من الداخل وكنا حلنالك مشكلتك وبعدين ينفع تروح لحد علشان تنفعو ويقلك لا اكيد قطع الغيار الي انت طلبتها مننا احنا بنشوفها فى الاحطياطى عندنا ولما مش بنلاقيها بنطلبها من نيسان الام وانا اكيد هتابع لك الموضوع ده بنفسى ارجو زيارتى علشان نشوف الموضوع سويا وشكرا لحسن سعه صدركم
جربتهم
هما معاملتهم كويسه ومحترمين
بس مالهمش في حل المشاكل الكبيره
كبيرهم تغيير زيت وكشف عادي وخلاص وتخرج من عندهم وانت مبسوط
لكن لو عندك مشكله عاوزة تصليح قطعة غيار - انسى
ولو عندك مشكله عاوزة تغيير حاجه في الضمان - انسى وانسى
حيفضلوا يقولولك عملناها وبترجع تاني
انا اشتكيت من ضعف الكومبريسور اكتر من مرة خلال شهر واحد وكل ما اروح والعربية تدخل وتقعد بالساعات عندهم ويقولولي كان في حساس مش شغال
كان في نقص في الفريون
كان في مش عارف ايه وصلحناه
بس بعد ما اخرج من عندهم ترجع المشكله تاني وخصوصا في اليومين الحر الرهيب اللي عدوا علينا قبل دخول الصيف
المكيف تقريبا مش بيشتغل خاااااااااااااااااااااااا ااااااااالص
والمشكله التانيه اللي رحتلهم علشانها ورجعت قفايا يقمر عيش
انا عندي الكرسي اللي جنبي نازل لتحت بشكل ملحوظ جدا رحتلهم اول مرة قام المهندس اللي هناك قاللي انها مشكله معروفه والتوكيل بيغير الشلته علطول وقام صارفلي شلته سفنج ولقيته بيديهالي في ايدي وقاللي روح غيرها بره عند اي سروجي لان ماعندناش سروجي في المركز ؟؟؟؟؟؟؟؟؟؟؟؟؟؟؟؟؟!!!!!!!!!!!!!
طبعا قمت غيرت الشلته على حسابي بره ولكن بدون اي تغيير
رجعلتلهم تاني وقلتلهم ان مافيش اي تغيير حصل
قالولي يبقى لازم مهندس او مسئول الضمان يكشف عليها وهو اللي يقرر اذا كانت محتاجه تتغيرلها كرسي كامل ولا لا
وطبعا الحمد لله لقيت المهندس ده يومها لحسن الحظ وشافها وقاللي عاوزة تغيير كرسي
قلتله كويس امتى؟
قاللي حاكلم المصنع واشوف ممكن نستلم الكرسي من هناك امتى
سيبني يومين وانا حاكلمك
طبعا سيبته اربع ايام ولا عبرني
كلمته قفل علي
كلمته تاني يوم رد علي الحمد لله واعتذر انه قفل علي امبارح لانه كان سايق ؟؟؟؟؟؟؟؟؟؟؟!!!!!!!!!!!!
طيب لما انت كنت سايق امبارح ما افتكرتش تكلمني بعد ما خلصت سواقه؟ ولا انت فضلت سايق لحد تاني يوم؟؟؟
المهم رد علي وقاللي ان الكرسي مش موجود في المصنع حاليا ولما يتوفر حنبقى نتصل بيك
ومن ساعتها ولا من شاف ولا من دري
هي دي حكايتي مع الزمان قصدي مع ابوغالي العبور
وليك مطلق الحريه بعد كده في التعامل معاهم من عدمه
نيسان عربية كويسة جدا بس اسواء حاجة فيها مر اكز مودرن مورتز
بصراحة فية مهندس استقبال فى السبع اسمة محمود عصام
انا حبيت مركز السبع علشان المهندس دة-مؤدب ومحترم
السلام عليكم
المهندس كريم السبع المعادى ذوق ذوق ذوق ... معاملة ذوق كتير
انا بصراحة مستاء جدا من وضع التوكيل اللى خلف مرور الدراسة لانة ببساطة مافيش ضمير واى كلام بجد وهرجلة جامدة
هي مواعيد الصيانه في مركز السبع اللي في زهراء المعادي ايه في رمضان
وكمان عايز استفسر عن حاجه انا امبارح الاكصدام الخلفي اتخبط من ناحيه اليمين بس رحت عند واحد بتاع سمكره عملهولي بس قاللي ان فيه قطعه من جوه بتبقي شايله الاكصدام ده اتكسرت انا ممكن اشفلك حل ليها قلتله لا انا كده كده ادامي اسبوع وهعمل صيانه الالف كيلو فايه رايكم اغير الاكصدام كله ولا في الصيانه اخليهم يركبولي القطعه اللي اتكسرت دي وشكرا واسف للاطاله
انا عملت صيانة 1000 كم فى ابوغالى العبور وكانت كويسة باستثناء المهندس اسامة اللى نسى انه قطع كوبون الصيانة المجانية من دفتر الضمان وحاسبنى على المصنعية وتمن زيت توتال 5000 كم وفلتر زيت والوقت كان ساعتين واحلى حاجة غسيل العربية من برة وجوة ولكن للأسف خدشوا الاكصدام الخلفى من الجنب وهما بيدخلوها الورشة
اما صيانة 5000 كم فكانت برضه فى ابوغالى العبور بالرغم من انهم سحبوا توكيل نيسان منهم قبل يومين بس من تاريخ ذهابى بس اضطريت عشان فلوس الصيانة اللى دفعتها دون داعى فى 1000 كم ودفعت يومها تمن زيت توتال 5000 كم وفلتر بس
وطبعا فى صيانة ال10000 هاروح لحد غيرهم يكون بيفهم ويحط زيت موبيل 1 وغالبا باذن الله يكون يونايتد جروب الدراسة لأن السبع بعيد عنى وبيحطوا زيت شل
بصراحه التوكيل فى الاقصر رائع وعندهم ضمير والعمل ممتاز والخدمه والمقابله رائع توكيل الكرنك
شكرا للاختيار ياسين الراوى الاقصر
---------
ممنوع الكتابة باللون الاحمر , اللون الاحمر مخصص للمداخلات الادارية
يرجى مراجعة قوانين المنتدى
مشرف القسم
15ب
أنا عايز أسأل سؤال لو سمحتوا ... أنا ساكن في المعادي وبيقولوا مركز الخدمة في زهراء المعادي .. هل مركز الخدمة ده هو توكيل نيسان ولا أيه ؟؟ وبعدين أيه علاقة السبع بمركز الخدمة ؟؟
مش المفروض بيكون مركز الخدمة هو توكيل نيسان فقط لا السبع ولا مودرن ولا اي حاجه تاني؟؟
شكراً
السلام عليكم ... ا/محمد كيف حالك
انا هافهمك الدنيا ماشية ازاي
دلوقتي في حاجة اسمها موزع معتمد ...... ومركز صيانة معتمد من شركة نيسان
وممكن يكون الموزع نفسه ليه مركز صيانة زي (السبع - مودرن موتورز -يونايتد جروب-.وقريبا اوتو ايجيبت ان شاء الله... )
وممكن الموزع نفسه ميكنش عنده مركز صيانة .... فبتروح تعمل الصيانة عند اي مركز تاني معتمد من شركة نيسان .. مش شرط تكون شاريها من عنده
انت ممكن تعمل الصيانة بتاعتك الدورية كل مرة في مركز شكل ... ملهاش علاقة باي حاجة ..المهم يكون معاك كتيب الضمان ده مهم جدا جدا جدا
اتمني اكون افدتك
اقعد بالعافية :bye2:
الله يبارك فيك أخي الحبيب على أهتمامك بالرد عليا وجعل الله عملك هذا في ميزان حسناتك .. بس سؤال لو سمحت
هو أيه أفضل مركز صيانة أعمل فيه صيانة للعربية ؟؟ علماً بإني هجيب عربيتي من السبع :))
بص يا جميل .... هي كل المراكز المعتمده فيها مهندسين وفنيين مختصين وبيعرفوا يشتغلوا في العربية ... بس هتلاقي واحد متفوق عن التاني في حاجات
يعني السبع ... في الصيانة والميكانيكا سمعت انه افضلهم
بالنسبة لمودرن مثلا ... عالي جدا في الكماليات وتركيبها ... بجميع فروعه طبعا
والصني مش معقدة لدرجة ان يبقي في مشكله مينفعش تتحل ... اللي خلاهم يجمعوها في مصر مش هايعرفوا يفوكها ويركبوها تاني ؟؟
وانت ان شاء الله زي ما قولتلك مش هتحتاج الا الصيانات الدورية ... تغير زييت -فلاتر - الخ
وقداااااااااااااااااااااا م ان شاء الله كبالن ومساعدين .... الخ ودول مفهومش مشكلة برده
وحاول متيلش من العربية ومتقلقش منها ... خااااالص ان شاء الله
وهاتعجبك وهاتتمتع بيها بفضل الله
اقعد بالعافية :bye2:
ربنا يبارك ليك أخي حسين (صح الاسم كده) على كلامك وطمأنتك ليا بجد أنتا كلامك ده ريحني أوي . وبعدين أنا سايبها على الله وهروح مركز الصيانة اللي قريب مني في المعادي (السبع) ومن خلال الزيارة دي هحدد إذا كنت هتابع معاهم بعد كده ولا لأ بناء على مستوى الخدمة بتاعتهم .
وبصراحه يا حسين الصني فيها كل الاوبشين وأنا مش بفكر في كماليات أضافية عشان انا من النوع اللي مش بحب ألعب في العربية كتير وهي الصني 2011 جايه مش ناقصة حاجه بصراحه كل الاوبشين فيها . فأعتقد ان السبع بناء على كلامك هيكون مناسب أني أعمل عنده الصيانة .
بس أنتا مقولتليش أنتا بتعمل صيانة عربيتك فين ؟
سؤال صغنون : هو الكاسيت الكينوود اللي راكب في العربية صناعة ياباني ولا صيني ؟؟ وهل البطارية عليها ضمان والكاسيت ولا لأ ؟
شكراً كتير ليك ودمت سالماً وبخير
صح كده .... هههههه :16: ربنا يعزك
انا عملت الالف بس في السبع ... زهراء المعادي
وبفكر اغير المرة الجاية ... علشان اعرف اقارن بين المراكز والخدمة
بالنسبة للكاسيت ... بصراحة انا قلبت الكاسيت فوقيه تحتيه وقلبت الكتالوج .. معرفتش صناعته ايه
بس شهادة لله ... كاسيت محترم بشكل ماشاء الله عليه ... بيشغل mp3 و wav وفيه وصلة AUX
وبيقدم وبيأخر الملف الصوتي الواحد ... فعلا مش هتحتاج حاجة جنبيه
البطارية عليها ضمان
الكاسيت عليه ضمان
الكاوتشات بريدجستون عليها ضمان
وطبعا العربية كلها عليها ضمان مش فاكر 3 ولا 5 سنين ... او 100000 كم
انا تحت امرك في اي حاجة
اقعد بالعافية :D
انا عملت صيانة الألف فى اوتو ايجيبت ابورواش وكان ممتاز وبتشوفهم و هما شغالين فى العربية و فاهمين بيعملوا ايه واعضاء المنتدة ليهم خصم هناك
توكيل اسكندرية الهندسية للسيارات على طريق اسكندرية القاهرة الصحرواى الكيلو 27 مرغم
تقييمه جيد ومعاملتهم ممتازة وده لينك تقريرى عن الفحص المجانى فى المركز ده
http://www.nilemotors.net/Nile/33118...post3874761964
انا بروح اوتو ايجيبت ممتاز جدا ومستوا الخدمة جيد جدا انا رحت مرة ابو رواش الكيلو 28 مش تمام
بصراحة السؤال المطروح لا يمكن الإجابة عليه باختيار من التلاتة لأن مش كل توكيلات أو مراكز الخدمة زى بعض أو بنفس الكفاءة ... بس عن تجربة شخصية مركز الدراسة "يونايتد جروب" أكثر من ممتاز و يستحق التقدير ، خدمة جيدة و مش زحمة و أحيانا يتصلو تانى يوم للاطمئنان عن مستوى الخدمة و مستوى الرضا عنها
زوجتي راحت مودرن موتورز الدقي لصيانة آلاف كيلو و صوت غريب في التكييف. و هذا لظروف سفري المستمر.
١- معاملة سيئة.
٢- ضربوا عل باقي الزيت.
٣- ما ربطوش العفشة و قالوا لما كلِمتِهم بعد ما انا سألتها،،،،، حضرتك ما قولتلناش نربط عفشة.
٤- صوت التكييف، فالولها عادي هو كده بيحشرج لما الكمبرسور يلقط، قالت لهم يا عالم انا كان معايا شاهين و بعدين لانوس و جوزي كان معاه لانسر و دلوقتي الانترا، عمري ما سمعت حاجة كده، و لا حياء لمن تنادي، كلمتهم تاني و قالت لهم حاشتكيكو لنيسان و حماية المستهلك، قالوا خلاص، اعمليلنا زيارة تانية و حانشوف.
انا قلتلها ولا تروحي ولا تيجي لغاية مارجع من السفر و نطلع علي أوتو ايجيبت ان شاء الله و ربنا يسهل و تطلع حاجة بسيطة، العربية لسا ما كملتشى ٢٠٠٠ كيلو.
انا محتاج نصيحه منكم انا قدامى اروح المراكز دي فقط
مودرن الدقى او ابو رواش
يونايتد جروب العباسيه
ياريت تقولولى ايو الاحسن مع العلم عربيتى صنى الشكل الفديم ٢٠١٢ و الصيانه اللى جايه ٢٠٠٠٠ كم
اقرأ المشاركة اللي فوقك علي طول عشان تعرف مستوي الخدمة المتدني لمودرن موتورز.... و بالاخص فرع الدقي، مزبلة، و بقولها ضميري مرتاح..
ما عنديش فكرة عن يونايتد، لكن اللي اعرفه ان اوتو ايجيبت، أكثر من ممتاز و أمانة و بيشيلوك من العرض شيل.
و في القسم هنا و في الموضوع ده بالأخص، اتعب شوية واقرأ الموضوع ده و انت تعرف كل حاجة عن التوكيلات و مواضيع تانية كتير خاصة بتجارب الناس.
تحياتي
السلام عليكم
غيرت فلتر البنزين فى شهر 10 الماضى فى يونيتد جروب
بقالى شهر او اكثر مشيت حوالى 9000 الف كيلو , السيارة بقلها فتره بتتخنق
كل ما اروح بصراحه لميكانيكى يشك فى الفلتر وانا اقوله دنا مغيره فى التوكيل
يقولى يبقى فيه حاجه تانيه
حتى لما رحت لمركز خدمه غير التوكيل واللى المشكله تبقى طلمبة البنزين وقال لى ها افتح وافحصها
بالفعل فتحها واذا به ينده عليه ويورينى الفلتر ويقول لى انفخ فى الفلتر بالفعل لقيت الفلتر شبه مسدود
اللى احسن من كده انى ركبت الفلتر القديم
والسيارة رجعت لحالتها
والحمد لله
الساده المحترمين مالكى سيارات نيسان فى مصر
احذروا التعامل مع شركة اوتو ايجيب
للاسف بيسرقوا قطع الغيار وبيستغلوا العملاء اسواء استغلال
والشركه الام نيسان مصر ضعيفه مبتعرفش تعمل حاجة
عن تجربة شخصية سرقونى وحولوا يستغلونى بمحاولة اقناعى بتشخيص غلط فى العربية علشان يرفعوا الفتورة علشان يخدوا عموله اكبر
واللى مش مصدق عندى الدليل
والشهاده لله
ان شاء الله قررت اعمل شبه حملة تحذيريه من هذه الشركه
توكيل مودرن موتورز - الحضره - اسكندريه >>> ممتاز
تحياتي
تجربتي مع السبع و الاهمال الشديد و الحادث
http://www.nilemotors.net/Nile/42308...post3875592082
احمد مرعي غايه في السوء في كل شئ
سﻻم عليكم
انا روحت السبع بس كان زحمة جدا واضطريت امشى ﻻنى من السويس
وروحت i f g اول صيانة واخدو منى فلوس لتنشيط جهاز اﻻنذار رغم ان مراكز الخدمة مابتاخدش فى الوقت
اللى روحت فيه
وكمان ﻻقيت المركز مافهوش اى امكانيات خالص وﻻ حتى لتركيب دﻻيات للعربية وﻻ حساس ركن تاسيارة
كل خاجة اسالهم يقولو لسة اعندناش
انا بتابع مع احمد مرعي
وحدث ولا حرج عن الاهمال
السلام عليكم .....كل عام وأنتم جميعا بخير
أود أن أحذر الأخوه جميعا من السيارة قشقاى .وأعرف أيضا إن كان أحد من الأعضاء بإمكانة مساعدتى .ولكم جزيال الشكر.
أمتلك سيارة قشقاى 2014 وحدث لى حادث وبكل أمانة لا أعرف سبب الحادث هل هو خطأمنى أم من السيارة لقد كسر الجنط الأمامى الأيمن وكل محتوى العجلة حتى المساعد والمقص والكوبلن مما أدى إلى عدم إتزان السيارة ومالت بى على كاوتش سيارة نقل مما أدى إلى كسر المرايا الشمال وحك البابين وكسر الأوكرة وفى هدة اللحظة نتيجة الأهتزاز ضرب الإير باج وعند الخروج بسلامة الله لم أجد العفشة الأمامية يمين ودخلت العربية التوكيل فى مودرن موتورز والمهندس صور العربية وبعت الصور نيسان مصر اللى بدورها قالت دى حادث بدون إرسال أى فنىزوقلت قدر الله ماشاء فعل وطلبت مقايسة علشان التأمين وهنا كانت المفاجئة المقايسة ب 140000 جنية وسألت الخبير بتاع التامين قالى اللى باز فى العربية حوالى 15% مها مجرد بابين شمال وإيرباج والعفشة الأمامية يمين ولكم للأسنف أسعار قطع الغيار نار فمثلا
إيرباج 22000
كوبلن 18000
جنط 4250
باب 4950
وهكذا مع العلم العربية جديدة ماعملتش غير 2000 كم بس ومش عارف إدخلها هلاك كلى ولا أصلحها أرجو من الأخوة الكرام إن كان أحد يعرف من لدية قطع غيار إستيراد للقشقاى يرسل لى إسمة وبيناتة حفظكم الله جميعا .
انا أتعامل مع مودرن موتورز الهايكستب ويؤسفنی ان اقول انه سیء جدا فالقول الشائع عندهم ان كل شيء تمام وتخرج من عندهم وكل شيء كما هو ونفس الملاحظات فی السيارة موجودة ولا يفعلوا شيء غير انهم يلطعوك طول اليوم ويأخذون فلوس وبس وشكراً
سلاماااات استاذ نصر
بالنسبه لي طبعا انا اتعاملت مع احمد مرعي عنده اهمال وعدم نظافه غريب الشكل نصابيين
بعد كدا جربت aec في الصيانه المجانيه عجبني نظافتهم بس هم اقل من احمد نرعي في الامكانيات
قلت اجربهم في صيانة 10000 طلعوا زي الزفت كمان كله اشتغالات المره الي جايه ناوي اجرب مودرن موتورز
بس بصراحه حرام الي بيعملوه دا كدا بيسئو لشركة نيسان انا العربيه عجباني بس هيكرهوا العملاء في نيسان
حد لقى حل لمشكلة الطنابير وتيل الفرامل