ما هو تقييمك لوكيل نيسان و مراكز الخدمه

**K_Morsy** · 18-01-2010 12:55 AM

التوكيل اللي اشتريت منه : اوتو ايجيبت - المهندسين - قمة في الاحترام وحسن التعامل..
مركز الخدمة الذي تعاملت معه في صيانة ال 1000 : السبع - زهراء المعادي ..(بعد نادي وادي دجلة) والكل يشهد لهم بالاحترام والاهتمام بالعملاء.. وان شاء الله ساتعامل مع هذا المركز مستقبلا في الصيانات القادمة..

**ahm128** · 18-01-2010 08:40 AM

فعلا المركز فى ده محترم جدا انا لسه عامل صيانة 60 الف يوم السبت اللى فات من يومين يعنى

**AhmadKamal** · 18-01-2010 09:35 AM

المشاركة الأصلية كتبت بواسطة د.محمد

بعد اذنكم استفسار
او انا لو لسه شاري العربية وطبعا هى في الضمان , هل انا لازم اروح التوكيل نفسه ولا ممكن مراكز الخدمة المعتمدة تفي بالغرض , وكاني رحت التوكيل نفسه؟؟؟

momken trou7 markaz khedma mo3tamad, whomma hyktebouh fy kotayeb elsyanna whaykhtemouh kaman,

**mohaismail** · 29-01-2010 05:31 PM

السبع احسن ولا ابو غالى اللى فى العبور
من حيث كفاءة الخدمة والاسعار

**wal111** · 08-02-2010 05:55 AM

فى الاقاليم معندهمش فكره عن السياره-

**mohamedhamam** · 13-02-2010 01:31 PM

أنا جربت مودرن موتورز فى الاسكندرية بالحضرة القبلية و كانوا محترمين فى ميعادهم و فى شغلهم

**awdallah** · 26-02-2010 03:02 AM

محدش جرب ابو غالى العبور
ارجو الافاده لانى رايح بكره إن شاء الله

**ayman1974** · 03-03-2010 10:18 AM

امبارح عملت صيانة ال 1000 في صيانة ال 1000 الصيانة سريعة ( حوالي 40 دقيقة ) بس طبعا ما بتعرفش ايه اللي حصل الا من كلامهم ... كان فيه خربشة في الرفرف الوراني اداله لون بدون مقابل ... الصيانة اتكلفت 290 جنيه ( زيت 10000 + فلتر زيت )

**adel_esamt** · 09-03-2010 03:12 PM

you are right Modern Motors Abu-Rawash is not good and not technically qualified enough i will try al sab3

**awdallah** · 18-03-2010 12:32 PM

انا يا جماعه رحت يوم 16\3\2010 اعمل صيانه ال 80000 فى مركز السبع فى زهراء المعادى و طبعا مش محتاج اتكلم عن الذوق و الادب و الاحترافيه فى التعامل مع الزبائن و بالاخص المهندس حاتم و مهندس الاستقبال و للاسف مش فاكر اسمه و حتى صبحى بتاع الامن هناك.
انا بس احب اذكر موقف هوه ده اللى فعلا عرفنى انهم ناس محترمه.
انا رحت هناك الساعه 8:10 و كان معادى الساعه 9 المهم انى استنيت و فعلا كنت اول عربيه دخلت و التانيه دخلت بعدى بنصف ساعه على الاقل.
المهم المهندس حاتم طلع قابلنى و اتعرفنا على بعض و وضحلى ايه اللى حيتغير و كان الحساب 950 و قاللى لو حنغير تيل الفرامل او اى حاجه تانيه لازم نبلغك بالتليفون الاول و بلغنى بعدها ب ساعه ان فيه كاوتشه التراب للمساعد عاوزه تتغير فنزلت الورشه معاه علشان اشوفها و فعلا لاقيتها مقطوعه و قاللى ان ثمنها 100 جنيه و المصنعيه بتاعتها 80 جنيه فاقلتله مادام تيل الفرامل كويس و مش محتاج يتغير ماشى غيرها.
اللى عاجبنى قوى انه كان فيه مفاجأه و انا بحاسب, المهندس حاتم قاللى انه غير زوج المساعدين اللى قدام فى الضمان من غير و لا مليم و كمان انه شال ثمن مصنعيه تغيير الكاوتشه لانهم كدا كدا فكوا المساعدين علشان يغيروه و بالتالى انا دفعت ثمن الكاوتشه بس لان المساعد بيجى من غيرها و بصراحه انا كنت مبسوط جدا و كان لازم اشكرهم كتير و خصوصا بعد مسألت على سعرهم لو حركبهم على حاسبى طلعوا ب 1870 بالمصنعيه و الضريبه.
الحمد لله و 1000000 شكر ليهم.
بصراحه انصح اللى عاوز يعمل صيانه لعربيته النيسان يروحلوهم بس بصراحه انا معرفش هوه فيه توكيل تانى ارخص و لا لأ بس حتى لو هما اغلى فامعامله و الأمانه يكفيان.