ما هو تقييمك لوكيل نيسان و مراكز الخدمه

**dodyam** · 20-01-2013 03:37 PM

توكيل اسكندرية الهندسية للسيارات على طريق اسكندرية القاهرة الصحرواى الكيلو 27 مرغم

تقييمه جيد ومعاملتهم ممتازة وده لينك تقريرى عن الفحص المجانى فى المركز ده

http://www.nilemotors.net/Nile/33118...post3874761964

**dr_msm** · 07-02-2013 11:48 AM

انا بروح اوتو ايجيبت ممتاز جدا ومستوا الخدمة جيد جدا انا رحت مرة ابو رواش الكيلو 28 مش تمام

**amiralbehar** · 16-02-2013 04:45 PM

بصراحة السؤال المطروح لا يمكن الإجابة عليه باختيار من التلاتة لأن مش كل توكيلات أو مراكز الخدمة زى بعض أو بنفس الكفاءة ... بس عن تجربة شخصية مركز الدراسة "يونايتد جروب" أكثر من ممتاز و يستحق التقدير ، خدمة جيدة و مش زحمة و أحيانا يتصلو تانى يوم للاطمئنان عن مستوى الخدمة و مستوى الرضا عنها

**Nashaat Rady** · 05-03-2013 03:26 AM

زوجتي راحت مودرن موتورز الدقي لصيانة آلاف كيلو و صوت غريب في التكييف. و هذا لظروف سفري المستمر.
١- معاملة سيئة.
٢- ضربوا عل باقي الزيت.
٣- ما ربطوش العفشة و قالوا لما كلِمتِهم بعد ما انا سألتها،،،،، حضرتك ما قولتلناش نربط عفشة.
٤- صوت التكييف، فالولها عادي هو كده بيحشرج لما الكمبرسور يلقط، قالت لهم يا عالم انا كان معايا شاهين و بعدين لانوس و جوزي كان معاه لانسر و دلوقتي الانترا، عمري ما سمعت حاجة كده، و لا حياء لمن تنادي، كلمتهم تاني و قالت لهم حاشتكيكو لنيسان و حماية المستهلك، قالوا خلاص، اعمليلنا زيارة تانية و حانشوف.

انا قلتلها ولا تروحي ولا تيجي لغاية مارجع من السفر و نطلع علي أوتو ايجيبت ان شاء الله و ربنا يسهل و تطلع حاجة بسيطة، العربية لسا ما كملتشى ٢٠٠٠ كيلو.

**Nashaat Rady** · 11-03-2013 07:43 PM

المشاركة الأصلية كتبت بواسطة dr/ p.k.sh

انا محتاج نصيحه منكم انا قدامى اروح المراكز دي فقط
مودرن الدقى او ابو رواش
يونايتد جروب العباسيه
ياريت تقولولى ايو الاحسن مع العلم عربيتى صنى الشكل الفديم ٢٠١٢ و الصيانه اللى جايه ٢٠٠٠٠ كم

اقرأ المشاركة اللي فوقك علي طول عشان تعرف مستوي الخدمة المتدني لمودرن موتورز.... و بالاخص فرع الدقي، مزبلة، و بقولها ضميري مرتاح..

ما عنديش فكرة عن يونايتد، لكن اللي اعرفه ان اوتو ايجيبت، أكثر من ممتاز و أمانة و بيشيلوك من العرض شيل.

و في القسم هنا و في الموضوع ده بالأخص، اتعب شوية واقرأ الموضوع ده و انت تعرف كل حاجة عن التوكيلات و مواضيع تانية كتير خاصة بتجارب الناس.

تحياتي

**mmnagy** · 24-04-2013 04:38 PM

الساده المحترمين مالكى سيارات نيسان فى مصر
احذروا التعامل مع شركة اوتو ايجيب
للاسف بيسرقوا قطع الغيار وبيستغلوا العملاء اسواء استغلال
والشركه الام نيسان مصر ضعيفه مبتعرفش تعمل حاجة
عن تجربة شخصية سرقونى وحولوا يستغلونى بمحاولة اقناعى بتشخيص غلط فى العربية علشان يرفعوا الفتورة علشان يخدوا عموله اكبر
واللى مش مصدق عندى الدليل
والشهاده لله
ان شاء الله قررت اعمل شبه حملة تحذيريه من هذه الشركه

**BassamHafez** · 30-04-2013 01:43 AM

المشاركة الأصلية كتبت بواسطة mmnagy

الساده المحترمين مالكى سيارات نيسان فى مصر
احذروا التعامل مع شركة اوتو ايجيب
للاسف بيسرقوا قطع الغيار وبيستغلوا العملاء اسواء استغلال
والشركه الام نيسان مصر ضعيفه مبتعرفش تعمل حاجة
عن تجربة شخصية سرقونى وحولوا يستغلونى بمحاولة اقناعى بتشخيص غلط فى العربية علشان يرفعوا الفتورة علشان يخدوا عموله اكبر
واللى مش مصدق عندى الدليل
والشهاده لله
ان شاء الله قررت اعمل شبه حملة تحذيريه من هذه الشركه

على فكرة يا جماعه انا عرفت تفاصيل الموضوع من التوكيل وكلام الاخ ده مبالغ فيه جدا وفيه افتراء

والتوكيل بيجهز رد على الكلام ده ها يحطه في النتدى هنا ردا على الموضوع اللي عمله العميل

فبرجاء انتظار رد التوكيل على الموضوع ده