اصدقائي النهاردة رحت شفت حته استيد 400 بس جمدا جدا حلوة ونضيفة مع واحد عاوز يبدل معاايا باريس وادفع فرق
هو موقف الريس 250 بي 12 والاستيد بي 15 وعاوز ادفع فرق 3 انتم اي رايكم وارجو النصيحة قبل ما اقدم علي الموضوع دا :b4_611:
عرض للطباعة
اصدقائي النهاردة رحت شفت حته استيد 400 بس جمدا جدا حلوة ونضيفة مع واحد عاوز يبدل معاايا باريس وادفع فرق
هو موقف الريس 250 بي 12 والاستيد بي 15 وعاوز ادفع فرق 3 انتم اي رايكم وارجو النصيحة قبل ما اقدم علي الموضوع دا :b4_611:
كتير عليها 15 لو الريس ال معاك كويس يبقى الف فرق كويس هوا ميوقفش حاجتك بكذى انتا تقوله حاجتى بكام وهوا يقولاك حاجته بكام مش هوا ال يحدد ليك سعر ياباشا زى ماهتاخد منه موتوسكل هوا كمان هياخد منك موتوسكل وموتوسكلك احسن من بتاعه يبقى انت كمان يكون ليك راى
لانك لما تيجى تبيع مش هتجيب ليك ال 15 يبقى لو جابت 14 وانات دافه 3 فرق يبقى كده انت خسرت 4000 فكر كويس الاول فى موضوع البدل ده بالذات
اول جاجة انا بشكر يا خالد والله علي الرد فعلن انا بفكر في رنج الف مش اكتر انا قلتله البايك بتاعي عامل 14 بيقلي كتير علي لقيت بيقلي الاستيد 15 قلتلي ليه دي معلق نمر يعني الافراج النضيف بتعمل 16 قلي لقيت بيقلي انا اخد منك 3 فرق انتا شايف الاستيد عامل ازي قلتله ما انتا شايف البيك عامل ازي المهم انا قلتلو فكر ورد علي فا مش عارف اعمل اي انا عامل رنج علي الف لو وصل لي 2 الف ماشي انتا اي رايك انتا جربت الاستيد قبل كدة
اولاً انتا هنا بتتكلم عن نوعين مختلفين تماماً لان المسكلة هنا انتا عايز تركب ايه او بتحب ايه
الريس قصة و الكستم قصة تانية خالص
الريس سحب اسرع تجميع اسرع سرعة اعلي شكل انسيابي يوحي بالسرعة و ملفط للنظر و شبابي و نيجي بقي للمهم انه طريقة سواقة محتلفة عن الكتم الي هو استيد 400 قعدة انتخة تجميع علي الهادة و بيجري برضة بس مش زي الريس خالص سحب اقل سرعة تجميع اقل سرعة عن الريس الا في حالات المواتير الكبيرة زي الفي تي اكس 1300 و 1800 و بالفوارد 1800
و نيحي برضه للمهم انه اسلوب سواقة مختلف تماماً من حيث كل حاجة بداية من الشكل يوحي بالقوة و ليس بالعصرية او ديناميكية صناعة اشكال الريس المتصفة بالهجومية و الانسيابية
و مافيش حاجة اسمها حد ساق البيك ده قبل كده لان مافيش بيك نزل وحش كل واحد بيعجبه حاجة
انتا بتحب الريس و عايز تسأل في موضوع تجربة سواقة تسال علي ريس حاجة انتا عارف ماشية اذاي
لكن بيك منهج سواقتة مختلفة تجرب الاول ممكن ميعجبكش
نصيحتي جرب سوقة شوف حيعجبك ولا لأ لو عجبك ابقي اتكلم علي السعر بدل ما تجيبة و ميدخلش دماغك
بس فى نقطة يا بوب عايز اقولك عليها اى واحد بيركب ريس ينزل منه ويركب كاستم هيستغرب الكاستم جداا وممكن ميعرفش يتحكم فية كويس ..ممكن او غلبا هترفض الكاستم اول لم تجربوا لانك مش متعود علية ... لازم الاول تحدد انت عايز تركب ريس ولا كاستم...اما بنسبه للسعر مقدرش احكم علشان لا شوفت ماكنتك ولا ماكنتواا لكن الاستيد ال 400الافراج ب 1600
فعلا كلام مضبوط الريس حاجة والكاستم حاجة خالص الريس موتوسكل مناورات الكاستم موتوسكل استرخاء مزاج عالى شوية الريس موتوسكل واحد مستعجل وعايز يروح بسرعه ههههههههه زى ماقلتلك فرق 1000 فقط علشان ماتخسرش ساعت البيع وزى ما انتا عايز تجرب الكاستم هوا كمان عايز يجرب الريس اصبر وماتستعجلش لانه هوا كمان معلق نمر اسمع كلامى ومتدفعش اكتر من 1000 جنيه
اشكرك يا mtgalx علي للشرح الجميل دا هو فعلن الريس حلو في كل حاجة الشرعة السحب التجميع بس انا حاسس ان الريس باعي بداء يفيص عشان كدة عاوز ابدل بس مش عاوز اجيب ريس تاني عاوز اجرب اركب حاجة تاني واكتر حاجة الكلاسيك وانا شفت الاستيد عشان هي لا كبيرة ولا صغيرة حجمها معقول عشان انا رفيع جدا جدا وبصرحة انا ركبت الاستيد وسقتها هي حالتها حلوة شهادة لله والراجل الي كنت وغده معايا قلي حاله نضيفه وشكلها مع مشيتش كتير وهي معلقه نمر من 3 شهور
والله يا خالد انتا عندك حق هو كمان عاوز يجرب الريس بس عاوز اقلك هو فعلن الكاستم استرخاء ورحه في السواقه
والريس بردو السواقه استعجال بس خطر الكستم سواقه هادي مش عاوز الغرز والتقسيم يعني احسن وامان
انا هسمع كلامك انا هنفع الف او الف ونص دا يعني لو جيت علي نفسي انا مش هقعد ادفع في فلوس في البايكت عشان اغير
وكمان انا كنت عاوز اعرف الفرق بيت الاستيد ال600 من ال400 اي الفرق بين الاتنين واعرف ازي انا دا 400 او 600 والاستيد الي مكلمكم عنه دا متعدل في الجدون مستره دا احسن ولا الاصلي باعه احسن اشكركم
هوا التعديل ده حسب راحتك انتا سواء جاون مسطرة او جادون الاستوك .....وفعلا ماتدفعش فلوس علشان تغير او ماتبالغش فى الدفع علشان هتخسر لحظه البيع .... انت لو بعت ب 12000 هتجيب واحده استيد ب 13000 يبقى الفرق 1000 او 1500 لو خلاص بقى المكنة التانية حالتها شاذه غير كده صدقنى بلاش هتندم لو حصل حاجة فى الاستيد مكنتش عامل حسابها 1000 او 1500 مش اكتر سيبه حب التجربة عنده هوا ال هيخليه يتنازل ويوافق بالفرق ال حددته الريس موتوسكل مميز جدا يعنى صعب تلاقى واحد راكب ريس وعايز يجرب كاستم انما طبيعى ان واحد راكب كاستم وعايز يجرب الريس يعنى بالعربى كده الكوره فى ملعبك اصبر لما هوا ال يجيلك لعندك وصدقنى هيجيلك ماتقلقش
نصيحه منى خليك ف البايك بتاعك احسن
مفيش حد موتوسيكله مريحه وعايز يبدله
ولو عايز تجرب الاستيد
اقترح على صاحبك اللى عايز يبدل معاك انكم تخرجوا مع بعض وكل واحد يركب البايك بتاع التانى
بعد الخروجه دى مش هترضى تديه البايك بتاعك
تمام يا عم خالد ظنك في محله الراجل فعلن اتصل بيا من نص ساعة وقلي ان يشيل 500 من ال3 قلتله لا يا عم انا مش معايا غير الف قلي لا بعيد قلتله انا لو معايا اكتير ما كنتش اتكلمت لكن انا مش معايا غير الاف دا
قلي بعيد انا يبدل بي استيد 400 بي الريس 250 واخد الف بس انا هسيه خالص لحد ما يستوي علي الاخر واشوف رد فعله اي بس انا كنت عاوز اعرف حاجة عداد الاستيد كام وعرف اي الفرق من 400 من ال600 وكمان انا جربت الاستيد بصرحة حلوة ومش لقي اي عيب اقنع نفسي بي اسيب الحوار دا وخلي بالك انا حاسس ان البيك بتاعي بداء يهيس كتير
لو حالة البايك بتعتك كويسه وحالت الاستيد كويسة البدل المفروض يكون راس براس
بيع الريس اسهل بكتير من الكاستم ومطلوب اكتر
انت لو عرضت بتاعك للبيع ممكن يجبلك 14 لو حالته نضيفة ويستاهل
لو جبت الاستيد مش حوصيك لو الاكسوست بتاعه الاورجينال شيله وخلي الهيدرز وركب استريت بايب بيبقى صوته جاااااااااامد
بص يا دوكاتي البياك بتاعي مش هقلك 100/100 دلوقتي بس كويس الوقعة الي انا وقعتها الفيبر اتجرح والمرايه اليمين اتكسرت
بصرحة الاستيد حالتا انضف من البايك ويستااهل انا مش فاهم ياعني اي الاكسوست بتاع الارجنال وخلي الهيدرز والاستيريت بايب انتا قصدق علي علبة الشكمان والهيدر بتعها ممكن نفهمني بس بلبلدي
طالما حلتها حلوه خلاص بعها افضل وبعدها اشتري الاستيد بس حتجبها من مين ؟؟
وبالنسبه لموضوع افهمك بالبلد بوووص يا برنس بالصلى على النبي كده عايزين نعمل شغل اوتيلات في الشوكمان عشان الكربيراتير يفتح هههههههه
حتشيل الشوكمااان وتخلي الهيدرز ياما تسبها كده او حتركب زي ماسووووورة مفتوحه مكان الشوووكمان وبيبقى صوته رائعه وممنوش ضرر على البايك بس بيقلل الهورس بور نوعا ما عشان مفيش باك بريشر
بهزر معاك اوعى تزعل
[QUOTE=Ducati;3873412668]بهزر معاك اوعى تزعل[/QUOTE
دوكاتي حد يزعل من ناس زي العسل والله ما كان في بالي الواحد يعرف ناس كويسين وناس محترمين وزي العسل وبجد رجاله مع العلم اني اول مره اخش منتدا واتكلم مع حد ونقاش ربنا يخليكم
ياشباب البيكرز نسيت اقلكم ان العداد بتاع الاستيد دي ماشي الرقم دا 25312 دا الرقم دا اي كويس ولا لا وللعلم ما بفهمش في العداد خالص الارقام
بص ياباشا انت كده بتبص للبايك بتاعتك بعين ساخطه وبصيت للبايك الاستيد بعين راضيه كده انت بدور على اى حجة علشان تبدل عموما دى حريه شخصية بس مش من مرة هتحس ان الاستيد حلوة يوم واتنين واسبوع ساعتها هتحس انك اتسرعت فى الموضوع ده .........البايك الاستيد تقريبا عداده 160 ومش بيقفلهم تقريبا اخره 140 وبعدين بايك ايه ال بدا يهيس موتوسكلك 4 سلندر يعنى لو انت وصاحبك طلعتوا طلعه هوا موتوره هيبقى بيصرخ على اخره لانه 2 سلندر انت 4 سلندر صحيح عدد لفات موتورك هتكون اكتر بس هتكون انت الاسرع ديما فى التجميع والاسرع فى المناورات والالامن فى الفرامل يعنى كل حاجة عندك احسن من عنده عموما .........انت شكلك عايز فعلا تجرب الاستيد بس خلى بالك لو معجبتكش بعد شهر كمان وحبيت تبيع مش هتعرف او هتبيع بخسارة لانك هتكون زهقت ساعتها هتبقى خسرت موتوسكلك وخسرت فلوس وياسلام بقى لو انت وواحده صاحبتكك ماشيين بالموتوسكل والعجله اتخرمت لان ماتنساش ان العجله سلوك مش جنوط علشان تبقى تيوبلس هتعمل ايه على الاقل انت العجل فى الريس معاك تيوبلس يعنى لو ماشي مثلا مع صديق او صديقه ايا كان لو العجله اتخرمت فجاه روح على اى واحد بتاع كاوتش يديهالك خبور وامشي علطول مع ان الخابور غلط على العجله بس اهو علشان تعدى الموقف والسلام وفكر كويس جدا قبل ماتشترى .........وبعدين ماتقولوش انا مش معايا غيرهم لا كلمه عادى قوله هوا مايسواش اكتر من كده وانت لو حبيت تبيع هتلاقى كذى زبون انما هوا الوضع عنده هيختلف انا مش عايز اقولك على كمية الناس ال بتتصل بيا علشان الريس ال 400 ال معايا حوالى 15 واحد كلمونى النهارده لدرجه انى قفلت التليفون المغرب لحد الساعه 1 مساءا واول لما فتحته لاقيت 4 مكالمات من ارقام غريبة ورسالتين ,....فديما الريس هتلاقى ليه زبون اسرع لانه موتوسكل شبابى وال 250 هتتباع اسرع من ال 400 وال 400 بتتباع اسرع من 600 وهكذه لان السي سي الصغير تمنه على الاد فبياع .........بيتباع بسرعه يعنى>>>>>>وعلى فكره هيكلمك تانى وهيوافق بدام كلمك المرة دى يبقى هيكلمك تانى وتحياتى ليك khaled 2010
100/100 يا خالد انتا والله بتفكر في الي انا بفكر في انا كدة كدة مش هتصل تاني بي صاحب الاستيد اتصل هو ووفق علي الف جنية ماشي ما وفقش يبقي جت من عند ربنا
ما تنساش يا خالد ان من ساعة ما المتور بدء يدخن والبيك بيهيس وخاف لا يكون متور فيما بعد وارجع الطم بعد كدة
دا انا بخاف امشي بي دلوقتي والمكانيكي قلي لو تعرف تسرف المتوتو سرفه عشان ما يتعبش اكتر من كدة معاك وتخسر اكتر اي رايك
اول يا جماعة كنت عاوز اعرف ازي تعرف مديبل الاستيد والفرق بين ال400 وال600 مع ان الشكل واحد و2 سلندر اي الفرق
تاني حاجة كنت عاوز اعرف الاستيد دي عمله عداد الرقم دا تقريباً 231242 انا مش بفهم في العداد خالص غير الموشر وبس
تالت حاجة عاوز اعرف الاستيد الي بكلمك عنها دي اسود خالص انا بشوف استيد كتير لونين وعلي النت بردو لونين هل دي اقدم ام احدث الرد مهم وشكرا ليكم
عندى الحل علشان المشكله بتاعتك دى وسهل اوى ........ممكن يكون الشمبر اتاكل فبيعدى الزيت من حوله فبيدخل فى غرفه الحريق فبيتحرق وبيدخن او يكون لزق من الاوساخ .............يقى تحط نص كيلو زيت شمبر على الزيت ودور الموتوسكل حوالى نص ساعه او ساعه تقريبا وشوف كده ...........ال هيحصل ان زيت الشمبر هينضف ليك حول الشنابر ولو لازقه حول البستم يبقى هتفك تانى وترجع تشتغل طبيعى جدا وتبقى احييت الموتور من تانى
اى الاخبار ياكيمو صرفت نظر ولا ايه