ما هو تقييمك لوكيل بروتون و مراكز الخدمه

**Islam_galal** · 15-04-2008 12:18 PM

أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس

برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)

**fahd_628** · 15-04-2008 12:24 PM

شكرا اخى اسلام على الأستطلاع المفيد فعلا

بس انا مش حصوت لأنى لست من ملاك بروتون :)

**tutankhamoun** · 15-04-2008 01:06 PM

هما عاديين ............. مش ممتازين ........... و مش وحشين

و أنا صوت لجيد نظرا لعدم وجود .......... عادي

**ahmedsiyam** · 15-04-2008 02:32 PM

ان شاء الله اقيم بعد لما اعمل الصيانة بتاعة العربية لانهم لحد دلوقتى كويسين لانى باشترى يا ترى ما بعد البيع ايه الله اعلم
و ايه موضوع الماتركس ده يا توت ؟؟؟؟

**TAG_Turbo0** · 15-04-2008 02:44 PM

المشاركة الأصلية كتبت بواسطة tutankhamoun

هما عاديين ............. مش ممتازين ........... و مش وحشين

و أنا صوت لجيد نظرا لعدم وجود .......... عادي

انا معاك فى الرأى ده
هم عاديين جدا

**tutankhamoun** · 15-04-2008 02:46 PM

المشاركة الأصلية كتبت بواسطة ahmedsiyam

ان شاء الله اقيم بعد لما اعمل الصيانة بتاعة العربية لانهم لحد دلوقتى كويسين لانى باشترى يا ترى ما بعد البيع ايه الله اعلم
و ايه موضوع الماتركس ده يا توت ؟؟؟؟

مش فاكر فيلم الماتركس ............ مورفيوس ........ و نيو .........

و ده للتعبير عن عدم التفكير فيما يحدث من حولي
و على رأي المثل ........... إن شاء الله تولع ................... أنا مالي

أنا هاعيش في حالي و اتغاضى عن كل ما هو سلبي حولي مع الأحتفاظ بالطابع غير السلبي لنفسي ;)

**tmz9111** · 15-04-2008 03:20 PM

وحشين جدااا

**elewa** · 17-04-2008 03:26 PM

يا جماعة بصراحة انا اقتنعت بالعربية دة اوى ودة من كلامكو عليها وبفضل هذا المنتدى انا ان شاء الله ناوى اشتريها وبصراحة هى تحفة فى كل حاجةبس لو التوكيل بتعها كويس يبقى كدة ميت فل وعشرة وتبقى عربية كاملة متكاملة فياريت شوية تفاصيل اكتر يا جماعة عن موضوع التوكيل يبقى شاكر جدا

**fiatmomo** · 19-04-2008 04:11 AM

التوكيل فعلا زى ماقال بقيه الاخوة عادى ..... كنت امبارح فى التوكيل بعمل كودنج للمفاتيح وظبط زوايا . المهندسين جوة ناس محترمه الحقيقة والناس الى فى الادارة نفس الكلام محترمين جدا جدا .. لكن الصنيعية تحس انهم كسلانين و شاربين ميه ساقعة ( بس بردة معاملتهم كويسه ).. دخلت الورشة ( فى الخباثة كدة ) لقيت العربيات واقفة وعربيتى واقفة برة .. والصنايعية كلهم قاعدين على الارض وهاتك يا ضحك مش عارف على اية ؟؟؟؟؟؟ ممافيش غير واحد بس كان رافع عربية جين 2 على الونش .. وبيشتغل فيها !
غير ان العربية بتاعتى كانت متربة جدا جدا ف المفروض اى عربية بتروحلهم بتتغسل بعد مايخلصوها .. المهم انا جيت استلمها لقيت انها مغسولة ( بطلسأه ) يعنى رشو عليها حبة ميه ومسحوها بفوطة وسلام يا بشمهندس . ودية كان حاجة خنقانى الصراحة

لكن اجى فى الاخر واقول انهم احسن الوحشين .. يعنى عملولى المفاتيح ( مفتحين ) مجانا .. وتقريبا غيرو بطرية فى مفتاح منهم لانة مكانش اساسا بينور فى الاول . وحسبولى بس تمن الزوايا ( وطلع مشكلة التعويم دية فى المساعدين على حسب كلامهم ) . ومحتاجين يتغيرو .

ملحوظة برة الموضوع: لقيت جين 2 هناك وكان الايرباج مفتوح المهم انا قولت دية اكيد متدمرة من قدام .............. المفاجئه .. ان العربية من قدام مافهاش اى تلفيات غير ان الاكصدام كان نازل لتحت حوالى 3 او 4 سنتى بس .. والفوانيس سليمة والاكصدام مش مشروخ حتى وحتى بوية الاكصدام سليمه ؟؟؟؟؟؟؟ والكبوت فى نغزة بسيطة من فوق الشبكه .

**elewa** · 20-04-2008 11:26 AM

شكرا جدا يا fiatmomo على ردك

مشاهدة نتائج الإستطلاع: ما هو تقييمك لوكيل بروتون و مراكز الخدمه

الموضوع: ما هو تقييمك لوكيل بروتون و مراكز الخدمه

LinkBack

أدوات الموضوع

عرض

-

-

-

-

-

-

-

المواضيع المتشابهه

ما هو تقييمك لوكيل بيجو و مراكز الخدمه

ما هو تقييمك لوكيل جيب و مراكز الخدمه

ما هو تقييمك لوكيل ستروين و مراكز الخدمه

ما هو تقييمك لوكيل كيا و مراكز الخدمه

ما هو تقييمك لوكيل بي إم دبليو و مراكز الخدمه

الكلمات الدلالية لهذا الموضوع

المفضلات

المفضلات

ضوابط المشاركة