السلام عليكم ورحمة الله
يبدوا ان الاخ كاتب المقال يا اما غير متابع للاحداث يا اما كان بيرمى شوية تهم
انا تعمدت اتاخر فى الرد يمكن توصله معلومه جديده على اللى هوا كاتبه ولا حاجه لكن يبدوا انها لم تصل او وصلت ولم تجد اذانا صاغيه ولا عقلا منصف
بالنسبه لموضوع هدم الاضرحه النيابه قالت انه مقاول خشب حرق الخشب اللى على الضريح
والنيابه برضه نفت تهمة قطع ودان الراجل النصرانى انها تكون عن طريق السلفين
كلام العلامه الشيخ يعقوب ممكن تاخده على احتمالين
الاول ان الراجل اخطأ فى كلامه واعتزر تلات مرات انت بقى مش قابل العزر دية تنم على ان المشكله فيك
تانى احتمال ان الراجل يقصد ان اللى مش عاجبه يتحكم فى مصر والماده التانيه من الدستور موجوده يشوفله بلد تانيه
وانا معاه وناس كتير مسلمين عاديين بيفكروا بنفس الطريقه دية
وبعدين حتى الراجل الطيب بتاع المنتدى مسلمش من ازاك
يعنى هوا لما يقول ربوا لحيتكم علشان دية سنه عن النبيى وقصروا توبكم علشان في حديث بيقول كزا اخطأ فى ايه
وايه علاقة ده باعاقة مسيرة الاصلاح السياسي
انا شايف ان النوعيه دية من الكلام تدل على انك واحد من اتنين
يا اما كاره وجود الدين على الساحه ودية انا استبعدها على اعضاء المنتدى الكرام
يا اما من شباب الاخوان المسلمين وبتفرقع كلمتين بدون سبب وجيه ملهومش صحه ولا لازمه لسبب انت اللى لازم تقولنا عليه
فى الاخر علشان مايتفهمش من كلامى انى سلفى
انا والله لا انا سلفى ولا اخوان ولكنى محب لديني ومحبش ان اى حد بيتكلم فى الدين بكلام علماء وبوسطيه حقيقيه بدون افراط او تفريط ويتهجم عليه الهجوم العنيف ده