اسف اننى موضحتش اننى لا اعترض على المظاهرة وبدليل اننى كنت هنضم ولكن فيه فئة كانت موجودة ويفط مطمنتيش.
برضه نقطة كمان يا جماعة الخير فى منتدى اعتبره يضم فئة من صفوة وعقلاء المجتمع، عايز اخدر ايكوا فى حاجة
فى كلمة طلعت اليومين دول على لسان الناس وهى مجلس رئاسى، (فاكرين زى ماطلعت شوية ايام حكاية حكومة تكنوقراط)
فى خمس شخصيات ممكن الناس تجمع عليهم ونثق فيهم نسبلهم الامور يديروها فى غير وجود مؤسسات منتخبة؟
ممكن حد يجاوبنى
يا جماعه شويه تريث و خلوا بالكم
فلول النظام السابق لو قامت باي عمل غير منظم و روجت اشاعات محدش هيقفهم و هنقول عليهم طائفه من الشعب و ناس مدنيين
لازم نتريث شويه
و يا رب احفظ مصر
أنا إللى أعرفوا إن فى حظر التجوال مالكش دية .. المفروض بعد الحظر بيتم إطلاق الرصاص على الرأس او القلب أو أعلى الفخذ.
و إحمدوا ربنا إن الجيش مقتلش حد بعد الحظر ...
انا شايف إن الناس بدأت تهبل ..
المظاهرات تمت يوم الجمعة بسلام
وقالوا طلباتهم
ثم رحلوا على وعد بلقاء الجمعة القادمة
(رغم أن الطلبات أصبحت متفرقة وغير متحدة وأنا شخصياً أرفض الطلب الخاص بمجلس رئاسي والبعض كان بيطالب بيه أمس)
المهم المظاهرة خلصت
ونص الليل دخل
ولسة في ناس في الميدان
وساعة حظر التجول دخلت ولسة في ناس بتستهبل
الجيش يقوم بدوره بقى
حظر تجول يعني حظر تجول
الدلع والمياعة مش مع الجيش
واللي بيتدلع في وقت حظر التجول لما يعتقل ويتربى ميبقاش يزعل
-
أما نقطة وجود متظاهرين من الجيش بلباسهم العسكري فهذا ممنوع
والجيش واجب عليه إعتقالهم
والمحكمة العسكرية في إنتظارهم
ويطلعوا على السجن الحربي
ياخدله في الحربي سنتين ولا حاجة ينسى فيهم إسم أهله
وبعدها يطلع رفد من الجيش
لأن الجيش مش لعبة
ولو قادة الجيش سبوها سبهللة يبقى خرب الجيش
حسبي الله ونعم الوكيل
صعب حكاية مجلس انتقالي و صعب الاتفاق علي اعضاءه رغم انه حلم جميل و لطيف و مثالي الا ان تطبيقه علي ارض الواقع صعب و حيعمل مشاكل
هو الانسب ان المجلس العسكري ياخد براي الخبراء و اساتذه الجامعة و الاحزاب و الصحفيين والناس المعتبرة في البلد
لان الكل الان يشعر بالتهميش من جانب المجلس .. القرار او القانون يصدر و بعدين يتم النقاش و ده شئ غريب
كذلك روح ما بعد الثورة ضعفت جدا فلقاءات المجلس انعدمت بالمدنيين كلهم و احس ان في تغيير بعد مرحلة الاستفتاء للانفراد بالرأي و تهميش الخبراء
انجلترا لو اردت الحكم بالعدل حتحكم و لو ارادت الظلم حتظلم لان دي ناس بتاعت مصلحتها و بس
المهم ان احنا علي الصعيد الداخلي نكون يد واحدة بجد و نسمع لبعض و نستفيد من بعض كلا في موقعه
و بلاش الانفصام بتاع الجيش و الشعب ايد واحدة و بعد حظر التجول يحصل تمرد و تنقلب الاية و تتحول للعبة عسكر و حرامية
علي المتحمسين ان ينسحبوا وقت المواجهة المفتعلة مع الجيش علشان يظهر من وسطهم البلطجية و نقدر نخلص منهم
الخلاصة ان الطرفين الشعب و المجلس بيتجهوا لانهم يخصموا بعض و كل واحد يتصرف بمزاجه و ده مش في مصلحة الكل ابدا
فيه بوادر لتجمع جديد فى التحرير
ايه الفايدة من محاكمة مبارك لو هتؤدى لانقسام الدولة