عاجل:الجيش يفض اعتصام التحرير بالقوه وسط اصابات واعتقالات بالجمله

**Forever.Leo** · 09-04-2011 12:51 PM

المشاركة الأصلية كتبت بواسطة ahmed1981

المظاهرات تمت يوم الجمعة بسلام
وقالوا طلباتهم
ثم رحلوا على وعد بلقاء الجمعة القادمة

(رغم أن الطلبات أصبحت متفرقة وغير متحدة وأنا شخصياً أرفض الطلب الخاص بمجلس رئاسي والبعض كان بيطالب بيه أمس)

المهم المظاهرة خلصت
ونص الليل دخل
ولسة في ناس في الميدان

وساعة حظر التجول دخلت ولسة في ناس بتستهبل
الجيش يقوم بدوره بقى
حظر تجول يعني حظر تجول
الدلع والمياعة مش مع الجيش
واللي بيتدلع في وقت حظر التجول لما يعتقل ويتربى ميبقاش يزعل

-
أما نقطة وجود متظاهرين من الجيش بلباسهم العسكري فهذا ممنوع
والجيش واجب عليه إعتقالهم
والمحكمة العسكرية في إنتظارهم
ويطلعوا على السجن الحربي
ياخدله في الحربي سنتين ولا حاجة ينسى فيهم إسم أهله
وبعدها يطلع رفد من الجيش
لأن الجيش مش لعبة
ولو قادة الجيش سبوها سبهلله يبقى خرب الجيش

حسبي الله ونعم الوكيل

+100000
في فرق بين اسقاط نظام و اسقاط دولة

**hobiko** · 09-04-2011 01:14 PM

المشاركة الأصلية كتبت بواسطة amahmed

1- الجيش هو الاقوي و من حقه ان يفرض ارادته و اجندته في تطبيق الامور و اي خلاف مع هذا الاقوي ستؤدي الي مشاكل نحن في غني عنها

2- اتفقت اغلبية الفرق و الطوائف و الاحزاب علي عدم الاعتصام فلماذا مخالفة راي الاغلبية؟

3- الحل البديل للاعتصام موجود و وافق عليه الجميع و هو الزحف علي شرم الشيخ في حالة عدم محاكمة مبارك و ناقص فقط تأكيد الموعد

اذا ما فائدة مغامرات وسط البلد و الكر و الفر امام الشرطة العسكرية و الامن الا لخلق نوع من التمرد و التوتر و الانشغال بقضايا فرعية مالهاش لازمة

و ان كان الجيش عنيف في تعالمه فافضل حل هو تجنب المواجهة و الوحدة مع الاغلبية و عدم التشتت و الفُرقة

بالظبط كدة ...... فيه شعره بينا و بين الجيش (الله يسامح إلي وصلنا إن تبقى ما بينا شعره بس ..... بالتباطؤ ) ...... لو شدها نرخيها

مظاهرة الجمعة وسيلة فعالة و سلمية للضغط ..... ليه في ناس عايزها يبقا فيها دم ؟؟؟؟

لو بقى في عنف بيجيب عنف و الدم بيجيب دم ....... و دة مش في مصلحة أي طرف

الجيش بيقول إبراهيم كامل ...... تفتكروا إنو فعلاً بعت بلطجية سخنت الدنيا ؟؟؟؟؟

**A.Saad** · 09-04-2011 01:58 PM

شهدت منطقة وسط القاهرة ارتباكا مروريا صباح اليوم السبت إثر قيام المتظاهرين بميدان التحرير بإغلاق جميع الطرق المؤدية الى الميدان.

وقام المتظاهرون بتوسيع مناطق اغلاق الميدان ؛ حيث وضعوا الأسلاك الشائكة وسط شارع قصر النيل فى مواجهة النادى الدبلوماسى ، مما اضطر أتوبيسات النقل العام ونقل الموظفين التى فوجئت بالأسلاك الى الدوران مرة أخرى عكس الاتجاه للسير عبر شارع هدى شعرواى فميدان طلعت حرب والاتجاه الى شارع رمسيس ، مما سبب ارتباكا مروريا كبيرا.

وقد قام قائدو الحافلات والمركبات الخاصة بمحاولة اقناع المتظاهرين بإزالة الأسلاك الشائكة والسماح لهم بالمرور ، إلا أنهم أصروا على موقفهم بوضع الأسلاك مما أدى الى وقوع بعض المشادات اللفظية بين الجانبين.

أما داخل الميدان وفى الشوارع المؤدية اليه .. فقد عادت ظاهرت انتشار الدراجات البخارية التى كانت طاغية على المشهد فى بداية ثورة 25 يناير؛ حيث أخذ قائدو تلك الدراجات فى جلب الطعام والمياه للمتظاهرين داخل الميدان ، وتحذيرهم من أى تحركات أمنية لمحاصرة الميدان أو تطويقه.

وقام المتظاهرون بتجهيز كميات كبيرة من الطوب وكسر السيراميك والبدء فى تجميعها داخل أماكن معينة داخل الميدان تحسبا لوقوع أى مواجهات أو أعمال عنف أخرى، خاصة مع تأكيدهم عزمهم القيام باعتصام مفتوح داخل الميدان ، فيما خلا الميدان والشوارع المؤدية اليه من أى عناصر أمنية.

كما انتشرت داخل الميدان العديد من الحلقات النقاشية بين المتظاهرين حول أحداث العنف التى وقعت فجر اليوم ، واختلفت رؤى المتظاهرين حول المسئولين عن تلك الأحداث وعما إذا كان هناك عناصر مخربة قد اندست فى صفوفهم أمس أم لا.

مصراوى - اليوم

**adelseliem** · 09-04-2011 02:33 PM

المشاركة الأصلية كتبت بواسطة osama.m

طيب يا جماعة لو الجيش ساب البلد حد يقوللي اية اللي هيحصل ...
هو لية احنا مش مقتنعين ان في ناس كتير جدا عايزة البلد تقع و بأي طريقة
و ناس اكتر عايزة تمسك البلد .. الناس اللي مجهزة القشرة الدهب اللي هتغطي بيها الدنيا عشان نقول هما دول و مش عايزيين غيرهم .. و تحت القشرة مصايب و بلاوي و مصالح زي زمان و اكتر

و حكاية افراد الجيش اللي كانوا معتصمين دول عايزين اية و اية هيا مطالبهم .. عايزين اجازات ولا زيادة مرتب .. محدش فكر انهم في مكان حساس ولا يحتمل اللي هما عملوة دا ... دا لما الشرطة انسحبت قلبنا عليهم البلد و قلنا خيانة عظمى ... يبقى لية بتوع الجيش دول كمان منقولش عليهم كدا .. ولا عايزين يومين و البحرية تعمل اعتصام و الطيران يعملوا اعتصام ..

لو حد بيفكر بجد يقوللي اية اللي هيحصل في البلد لو الجيش سابها

مهما كان أبنك بيضرب العيال فى الشارع وبيتخانق فى المدرسه وبيعاكس بنات فى النادى مش هتضرده من البيت وتقول خلاص هو حر وأنا زهقت من عمايله مش هو اللى عايز كده

لأنك لو سبته هيضيع

**M.Mosaad** · 09-04-2011 02:45 PM

طب شكل مصر في المستقبل خلال السنين الجايه هيبقي عامل ازاي يعني عايزين نوصل لأيه

انقسام مسلمين و مسيحيين

انقسام مسلمين و سلفيين و اخوان

انقسام شعب و جيش

انقسام داخل الجيش

انقسام معتصمين التحرير و رافضين للاعتصام و مؤيدين للاعتصام الجمعه فقط

بالشكل السابق دة تتوقعوا ايه يعني ممكن واحد من جمهوريه القاهرة يقتل مراته اللي من جمهوريه الاقصر لانها من الاعداء زي رواندا كدة و نهر النيل هيقدر يشيل كام مليون جثه في رواندا شال مليون عندنا هيشيل كام