أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس
برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)
عرض للطباعة
أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس
برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)
انا بتعامل مع منصور اللى فى طريق مصر- اسكندريه الصحراوى
بصراحه هم بيفهموا جدا وشغلهم حلو جدا ده بغض النظر عن الاسعار هناك
المشكله الوحيده انه زحمه جدا ولازم تحجز قبلها
انا عن نفسي اتعاملت مع مقار مرتين او تلاتة لحد دلوقتي..
هو التقييم العام جيد..
ماقدرش اقول ممتاز.. عشان انا معملتش حاجات كبيرة قوي يعني احكم منها هو كويس ولا لأ..
بس بصراحة.. في حاجة صغيرة كده عندي ف العربية معرفوش يلاقوا ليها سبب..
وبافكر اوديها لمنصور عشان اشوف الموضوع ده.. لما اشوف هيعرفوا يحددوه ولا لأ..
والدى بيتعامل مع منصور اللى فى اسكندرية القاهرة الصحراوى
وبصراحة ناس محترمين جدا وعندهم العميل اولا فعلا وليس قولا
انا بتعامل مع مقار اللي في الدقي وهما بصراحة شغلهم كويس جدا ما شفتش منهم حاجة وحشة ومصنعيتهم مش غالية وبيقبلو قطع غيار من برة
أنا كنت بتعامل مع ياسين اللي كان موجود في العبور من ٥ سنين ودلوقتي نائل في طريق السندباد، بس ماكنتش مرتاح معاهم.
بعدين اتعملت مع منصور اللي في مدينة نصر، شارع الطيران، أمام جامع رابعة، بس سبتهم عشان زحمة جداً والمكان مش قادر يستوعب.
دلوأقتي بعمل الصيانة في مركز اوتو ماستر، في الحي السادس، مدينة نصر. بصراحه أنا مرتاح معاهم جداً، فاتحين ٧ أيام في الاسبوع، وبفتحوا في العطلات الرسمية، وأي حاجة جديدة عندهم، يبعتوا بها رسايل، وبيتصلو يسألوا لو في أي عيب في الصيانة.
الهرم فعلاً زحمة جداً جداً. مقار بسمع عنو خير بس هو بعيد عني جداً.
ما شاء الله..
انت تقريبا جربت كل الاماكن اللي بتعمل صيانة اوبل ما عدا مقار..
مصطفي مرجع التوكيلات..
هو فين توكيل اوبل اللي في الصحراوي؟
انا بصراحه مش هعرف اوصفهولك اوى
بس هقول على قد ما اقدر
من ميدان الرماية اللى فى اخر الهرم
ادخل طريق مصر اسكندريه الصحراوى
حوالى 2 او 3 كيلو هتلاقى فى كشك مرور فى نص الطريق بين اللى رايح واللى جاى وعنده يوترن لما تعديه هتلاقى منصور على ايدك اليمين على طول
انا عارف ده بس كنت بحسبه بتاع عربيات نصف نقل بس طب ممكن اسالك سؤال انا عايز اروح اكشف على عربية هناك عشان عايز اشتريها
هينفع هناك و لا زحمة و لا اية؟
هينفع طبعا بس اتصل بيهم قبل ما تروح
استنى ساعه كده وانا نازل اصلى الظهر هجيب الكارت بتاعهم من العربيه وابعتلكوا الرقم
مش قولتلك يا احمد بك..
وليد بك و محمد بك مختار..
ونعم العون و المساعدة..
جزاكم الله كل خير ..
مركز خدمه المنصور للسيارات بالهرم
الكيلو 4,5 طريق القاهرة ظ الاسكندرية الصحراوى
ت:/ 38387355
مواعيد العمل جميع ايام الاسبوع عدا الجمعة
الرقم المختصر: 16424
اسف للتاخير بس كنت مخنوق عشان اخدت اول انذار ليا فى المنتدى بعد موضوع العرض اللى كانت عاملاه شركه للصيانه اوبل وقطع الغيار وانا كنت بسأل حد سمع عنه ولا لأ
افتكروا انى بعمل اعلان :)
ربنا يسامحهم بقى :(
شكرا يا محمد و شكرا يا احمد و شكرا ليكوا بجد انتوا ناس كويسة جدادا ربنا يبارك فيكم و اقدر اشارككم هنا عشان شكلي هنشارك بعض كتييييييييييييييير بعد العربية الجديدة
مين اللي قالي هات اوبل :)؟!!!!!!!!!!!
معلش يا محمد ماتزعلشي نفسك كلنا لها. بس غريبة لما انت تاخد انذار وبتفيدنا بالشكل ده اومال احنا يعملوا فينا ايه بقى يضربونا بالنار في ميدان عام
انا ما شفتش الموضوع بتاع العرض ده بس في مواضيع في المنتدى برده بتتكلم عن عروض.
زي مثلا اللي في اللينك دهمعلش انت نيتك كانت خير وضميرك صافي قدام ربنا مايهمكش بقى انذار اعدام المهم انت قدام نفسك برئ ودي اللي تخليك ماتزعلشي.
وشكرا يا ميمي على المعلومات. انا احتمال اروح اعمل الصيانة الدورية الجاية عندهم ان شاء الله
الاعلان كان كما يلى:
تتشرف شركة xxxx أن تعرض على سيادتكم حلا لمشكلة أرتفاع أسعار المصنعية و الإصلاح وقطع الغيار .
فقد تعاقدت شركة xxxx مع YYYY مركز خدمه معتمد ( أوبل و شفرولية ) .
بتحقيق أعلى نسبة خصم حقيقية خاصة لعملاء xxxx فقط وذلك بتحقيق خصم :
- 5 % على قطع الغيار .
- 15 % على المصنعية .
- 15% على جميع أعمال السمكرة والدهان .
- 5% على قطع غيار السمكرة والدهان .
- أولوية الحجز للصيانة والإصلاح بالمركز .
- يتم تلميع السيارة مجانا عند إكتمال فواتير الصيانة 3500 جم خلال العام .
- خصم 25% لنقل السيارة ( خدمة الونش ) 24 ساعة داخل القاهرة الكبرى.
ملحوظة : الكارت سنوى ويستخدم لأى عدد من المرات .
شاكرين حسن تعاونكم معنا .... وأنضمامكم لعضوية xxxx
للأستعلام الرجاء الأتصال على ----------
مش عارف كده هاخد انذار ولا طرد على طول بس اللى عايز يعرف اسم الشركة والرقم يبعتلى على الخاص
وربنا يستر
انا شايف ان الموضوع كويس قوي..
متخافش.. كده مفيش انذار ولا طرد..
ولا حتي تحذير شفهي.. :)
السلام عليكم
بصراحه كنت هعمل التصويت و امشى بس شدتنى ردودكم و للأسف ملقتش رد متوافق مع رأى فى خدمه توكيلات أوبل فقلت خلاص أكتب رأى..
أول حاجه عايز أفرق بين التعامل مع التوكيل فى الحالات العاديه اللى هى تشمل الصيانه الدوريه و الذى منه... و ده طبعا مفهاش مشكله ده انت لو معاك أودى و رحت توكيل لادا قلت عايز اعمل صيانه دوريه هيعملوها.
الحاله التانيه و ده الاهم هى حاله الحوادث لقدر الله..
كنت عملت حادثه من حوالى سنه و كانت فى الشتا المهم صلحتها و الامور مشيت تمام
دخل الصيف و جيت فى يوم اشغل التكيف ملقيتش تكيف...
روحت لمنصور اللى فى الكيلو 4.5 على طريق القاهرة الاسكندرية الصحراوى
من الساعه 12 لحد 5 و هما شغالين فيها و فى الاخر بسأل المهندس ايه تامشكله يقولى معرفش و مش عارفين نصلحها و كمان فى فاتورة ب 300 جنيه لازم تدفع غير الولاعه و مفتاح الكهربا بتاع المرايا اللى اتبدل و غير الحاجات اللى اتخدت.
كان فى واحد معرفه فى توكيل السعودى اللى فى الفسطاط روحتلوه برده روحت الساعه 10 ماشى 4 من غير حل للمشكله.
المهم روحت توكيل منصور اللى فى الاسكندريه (الفرع الرئيسى)
الناس هناك شاطره جدا و فى واحد هناك اسمه احمد سعيد الله يباركلوه
دماغه نظيفه جدا طلعت المشكله فى سويتش بيوصل للكباس .
و من ساعتها اول مبقع فى مشكله من النوع التانى ده بطلع عليه.
مهنديش حكم على مقار عشان متعملتش معاه قبل كده.
والله يا باشا الله يكون في عونك..
حاجة تتعب فعلا..
بس فيما يخص الولاعاة و مفتاح المرايات و الكلام ده..
دي حاجة انا شوفتها بعيني في مقار.. بغض النظر عن الشطارة في التصليح او كده..
لما العربية بتدخل.. بيتكتب ريبورت بكل حاجة في العربية..
و الحاجات الرفيعة دي زي الولاعة و مفتاح المرايات و خلافه.. بيشيلوها و بيتكتب ورقة كده و بيتراجع عليها لما العربية تيجي خارجة..و مفيش حاجة ابدا بتضيع.. و كله بيتراجع عليه وانت ماشي..
TO Asfour
فعلاً يا جامعة، أنا بحس إن فرع الهرم دة مكتب حكومي، صباح الملل وال روتين.
مش ناوي تبيع يا محمد بك..؟؟ :)
ربنا يباركلك فيها و يحفظهالك..
صحيح..
في واحد صاحبي بيدور حاليا علي فيكترا..
انا عايز اعرف انت اخدت عربيتك دي علي كام..؟؟ عشان اعرف رينج ال2000 سي سي ايه..
عشان انا تقريبا عرفت حدود ال1600..
ان شاء الله هنزل موضوع كامل عن التعديلات اللى عملتها فى منتدى اوبل قريبا وبالصور
[quote=Moustafa_Farouk;236899]TO Asfour
حلو منك اوى عصفور يا مصطفى بيه :)
فعلا برده هو ده الاحساس اللى جالى من الفرع ده بس كنت عايز اعرف الفرع ده بس ولا منصور كله.
و السعودى فى منتهى الضياع ده حتى معندوش قطع غيار لازم يبعت يجبها عشان يشتغل.
فى برده نقطه نسيت اتكلم فيها..
ان سياده معالى الوزير منصور بيه معاه توكيل اوبل و شيفروليه و اسوزو
و بمأن شيفروليه و اسوزو عندهم موديلات النص نقل و سيارات الخدما ت اللى من النوع ده
فامر حتمى انك لازم تحتك بالفئه ده و حتى لو قعدت فى الاستراحه ماتكلمتش مع حد
هتلاقى المهندس معندوش فرق فى معمله صاحب الملاكى و النص نقل (ده مش كل المهندسين)
بس حتى ممكن نعذره و نقول غصب عنه من كتر التعامل مع الفئه ده... بس زنب صاحب الملاكى ايه؟
ليه ميخصاصوش فروع للملاكى اوبل و شيفروليه و فروع لنص نقل شيفروليه و اسوزو؟
انا معاك جدا في الحكاية دي..
وجهة نظر مقنعه..
طيب اكيد في المراكز في صندوق شكاوي و مقترحات..
ممكن ناخد خطوة ايجابية و نطالب بتخصيص استراحة خاصة لأصحاب السيارات الملاكي و اخري للخدمات و النقل.. فكرة كويسة ..
اي نعم هتبقي صعب انها تتحقق او تتنفذ.. بس نبقي اخدنا خطوة ايجابية..
انا في انتظار الموضوع يا محمد بك علي احر من الجمر..
شكله موضوع جامد و هيبقي ممتع جدا..
ربنا يحفظهالك من كل شر ويباركلك فيها. ما يحسد المال غير اصحابه
هو 170 الف كتير بس انت لو قسمتهم على 11 سنة هيبقى العربية بتمشي متوسط 15500 كيلو في السنة وده على ما اعتقد معدل كويس وبرده انت عارف يا محمد ان مواتير الاوبل حمارة شغل ومش بتقدم بسرعة خاصة لو انت بتعاملها كويس ومش بتجري
بس ده معناه ان العربية ماكانتش بتريح خالص. بس اللي عاجبني ان صاحبها كان متابع مع التوكيل وانا روحت اطلعت على الملف بتاعها من سنة 97
بس انا بصراحة احينا بفكر ابيعها واشتري فكترا بردو بس موديل 2002 وبكدة ابقى كسبت 5 سنين(كيلومترات اقل) واكيد تكنولوجيا احدث بمقابل لن يزيد عن 25 او 30 الف جنيه. لأني بحترم العربية ديه اوي. انت ايه رأيك في الموضوع ده يا محمد
[quote=ashour;237039][quote=Moustafa_Farouk;236899]TO Asfour
حلو منك اوى عصفور يا مصطفى بيه :)
i'm so sorry for my typing mistake, really i didnt mean it, i wear medical glasses, i saw ur name as Asfour.
هو اكيد انا بعشق الفكترا بس انا لو مكانك انقل نقله اكبر من كده
يعنى انتظر شويه وابدل بحاجة اعلى يعنى فكترا الجديد او جيتا او اوكتافيا
عشان مش هتحس بفرق جامد بين فكترا التسعينات وفكترا ال 2002 الا لو جبت موتور اكبر وهيبقى مفيش فرق واضح فى التكنولوجى
انا عن نفسى بفكر لو هبيع هنقل على بى ام على طول بس اكيد هيكون مستعمل :(
بس اعتقد مش هبيع الايام دى عشان انا لسه معدل العربيه وصاريف عليها كتير
بالنسبة للباشا احمد الموضوع بتاعى جاهز بس ناقص شويه صور وهنزله على طول انتظرونا :)
منصور:
المعامله على المستوى الانسانى سيئه يعنى تحس انك مش العميل:) وانهم بيمنوا عليك بالكشف على العربيه
لو فى حاجه غلط هيصلحوها
مقار:
معامله كويسه
بيغسلو العربيه بره وجوه
لو حتى رحت الساعه 9 مش هتمشى قبل 4
انا مصلحتش العربيه بس كنت بعمل الصيانه العاديه فى الاتنين
ezayek ya gama3a 3amleen eih sorry ana 3aref eni mekasar ma3ako bas sada2ooni 2awel lama bala2i wa2t bagi 3ala tool
ana tel3et fi dema3`i yom el sabt we 2olt 2aroo7 2ashoof makar 3ashan mawdoo3 el ABS dah we 2olt 2agaraboh
1- maktoob men 2awel ma ted7`ol "ممنوع دفع الاكراميات بتاتا" we men 2awel ma ted7`ol we enta betedfa3 ekramyat men 2awel el ragel eli 3ala el bab
2- el waiting area beta3oh mo7taram tab3an aktar men mansour eli fi el haram 2aw eli fi rab3a
3- walahe ana shofthom 3adi mesh super tawkeel ya3ni ana shayfhon tawkeel 3adi
4- ana ro7t el sa3a 11 meshet el sa3a 5:30 ma3a eni kont ba3mel seyana 3adeya we kashf 3ala el ABS bas
5- el nas henak mashyaa bera7a gedan
6- homa 2a7san men tawkeel mansour eli fi el haram
7- bey3`selo el 3arabeya men gowa we men bara kewayes
last thing begad ana ro7t tawkelen we ro7t auto master bardo mesh 3aref 7aset enhom kolhom wa7ed sho3`l sanay3eya ana begad lama kont baroo7 el 7erafyeen fi 3eya henak begad gamda
ana 3aref en fi wa7ed henak ma3ah el computer bas lesa mesh 3arfoh bas begad ana shayef en elnas fi el 7erafyeen gamda
شكرا ع التثبيت